Morgunblaðið - 02.09.2007, Blaðsíða 75

MORGUNBLAÐIÐ SUNNUDAGUR 2. SEPTEMBER 2007 75
Jógaskólinn hefst að nýju í september en frá árinu 1997 hefur Ásmundur
Gunnlaugsson útskrifað nemendur sem ýmist starfa sem jógakennarar
í dag eða hafa tekið þátt til þess að dýpka þekkingu sína. Námskeiðið er
yfirgripsmikið og öflugt sjálfsþekkingar- og þroskanámskeið, tækifæri
til að nema af kennara með mikla reynslu og þekkingu. Tilhögun þess
fer saman með starfi og öðru námi en kennt er eftirfarandi helgar:
21.-23. sept., 19.-21. okt., 2.-4. nóv., 23.-25. nóv., 18.-20. jan. og
8.-10. feb (fös. kl. 20-22, lau. og sun. kl. 9-15).
Þjálfunin er viðurkennd af International Yoga Federation.
Kennslustaður: Menningarmiðstöðin Gerðubergi.
Allar nánari upplýsingar og skráning á
www.jogaskolinn.is og í síma 862 5563.
VILTU VERÐA JÓGAKENNARI?
EÐA DÝPKA JÓGAÁSTUNDUN ÞÍNA?
DEMANTSSKREYTT hauskúpa
eftir listamanninn Damien Hirst
var keypt af fjárfestingahópi
nokkrum fyrir 50 milljón bresk
pund. Platínu-afsteypan, sem er af
hauskúpu 35 ára manns frá 19. öld,
er alsett gimsteinum og dýrgripum,
samtals 8.601 stykki. Er listgripur
þessi talinn hinn dýrasti í flokki nú-
tímaverka.
Talsmaður White Cube-
gallerísins í Lundúnum tjáði sig
ekki frekar um kaupendurna.
Verk Damiens, sem hann hefur
nefnt „For the Love of God“ eða
„Fyrir náð Guðs“, er gríðarlega
umdeilt; sumum finnst það ósmekk-
legt, aðrir telja það endurspegla
stjörnudýrkun nútímans. Dæmi nú
hver fyrir sig ...
Hauskúpa
seldist fyrir morð fjár
LEIKSTJÓRAR teiknimynda hafa
lengst af lifað í sínum eigin heimi
og lítið sem ekkert komið nálægt
leiknum myndum. Þeir múrar virð-
ast hins vegar vera að hrynja í
kjölfar þess að Andrew Adamson,
leikstjóri fyrstu tveggja myndanna
um Shrek, settist í leikstjórastól-
inn á Narníu-myndunum (en önnur
myndin í seríunni, Prince Caspian,
er væntanleg næsta vor). Nú hefur
Dean DeBlois, sem leikstýrði Lilo
& Stitch ásamt Chris Sanders,
fylgt í kjölfarið og færir sig frá
ströndum Hawaii alla leið til Ís-
lands þar sem hann leikstýrir
Heima, heimildarmynd um Sigur
Rós sem frumsýnd verður á Al-
þjóðlegu kvikmyndahátíðinni í
Reykjavík í lok september. Með-
leikstjóri hans er Denni Karlsson,
íslenskur auglýsingaleikstjóri og
ljósmyndari en eftir hann er ný-
komin út ljósmyndabókin Elves in
Iceland. Denni sá um megnið af
tökunum varðandi tónleikana
sjálfa en DeBlois sá um upptökur
á viðtölum og ýmsu öðru efni sem
kallast á við tónleikamyndirnar
auk þess að hafa yfirumsjón með
lokavinnslu myndarinnar.
Furðu lostin erlend augu
DeBlois segir í spjalli við gigw-
ise.com að hugmynd Sigur Rósar
um að spila án þess að auglýsa á
ólíklegustu stöðum á Íslandi hafi
honum þótt göfug og yndislega
furðuleg. „Þetta er fáheyrt í okkar
kaldhæðna heimi. Ég vildi sýna
mynd af hljómsveitinni í návígi og
nota til þess mín eigin furðu lostnu
erlendu augu,“ segir Kanadamað-
urinn DeBlois sem var með 40
manna tökulið með sér á tónleika-
stöðunum fimmtán sem Sigur Rós
heimsótti á hringferð sinni um
landið. DeBlois mun í kjölfar
Heima leikstýra sinni fyrstu leiknu
mynd, The Banshee and Fin Ma-
gee, sem ku vera írsk draugasaga.
Scott Colothan hjá gigwise.com
fjallar einnig nokkuð ítarlega um
myndina sjálfa í greininni og lýsir
þeim sjaldgæfa atburði þegar sal-
ur fullur af bransafólki og tónlist-
argagnrýnendum stóð upp og
klappaði í lok myndarinnar. Sjálf-
ur segir Colothan sérhverja senu
veislu fyrir augað, myndirnar eru
ekki bara myndskreyting við tón-
listina heldur jafngilt listaverk.
Andi hlýju, hamingju og frelsis
gegnsýri hvern ramma og hverja
nótu.
Lilo & Stitch Leikstjórar teiknimyndarinnar í heimsókn á Hawaii. Chris
Sanders, sem einnig talaði fyrir Stitch, er til vinstri og DeBlois til hægri.
Frá Hawaii til Sigur Rósar
Sigur Rós Heima verður frumsýnd á Alþjóðlegu kvikmyndahátíðinni í Reykjavík í lok september.
SPÆNSKA leikkonan Penelope
Cruz hefur mikinn áhuga á að flytja
til Lundúna, en leikkonan fagra
vinnur þar að sinni nýjustu kvik-
mynd um þessar mundir og hefur að
sögn fallið kolflöt fyrir borginni.
Hún mun nú vera að leita sér að
sómasamlegu húsnæði í höfuðborg-
inni.
„Penelope vill endilega eignast
hús í Lundúnum eða í nágrenni
borgarinnar, og hún hefur farið í
fasteignaleiðangra þegar hún hefur
haft til þess tíma,“ segir heimild-
armaður. „Hún vill eignast húsnæði
sem er nógu stórt til þess að öll fjöl-
skylda hennar geti gist hjá henni
þegar hún kemur í heimsókn.“
Falleg Penelope Cruz.
Hrifin af
Lundúnum