Morgunblaðið - 02.09.2007, Blaðsíða 39

MORGUNBLAÐIÐ SUNNUDAGUR 2. SEPTEMBER 2007 39
í kringum okkur eru iðjagrænir
vellir, blautt graslendi með hvítum
fífum og kvíslar Fúlukvíslar liðast
eftir völlunum. Við förum í
vaðskóna og leggjum af stað. Það
tekur okkur einn og hálfan tíma að
komast í skálann. Við vöðum ána
ótal sinnum, stundum þurfum við
að hverfa frá vegna sandbleytu.
Degi er tekið að halla og fannirnar
á Kerlingarfjöllum lýsa í
kvöldroðanum. Við skálann lendum
við í pytti í Tjarná og neðsti hluti
bakpokans fer undir vatnsborðið.
Ég þakka guði fyrir að
svefnpokinn minn er í plastpoka.
Pétur Þorleifsson tekur á móti
okkur glaðbeittur við skálann.
Hann segir að við hefðum átt að
fara aðra og auðveldari leið, en
síðan býðst hann til að taka blaut
föt mín, vinda þau og leggja til
þerris.
Okkar bíður heit súpa í boði
Ferðafélagsins. Hvílík súpa, hvílíkt
brauð, svo heit og góð eftir allt
erfiðið. Einn úr hópnum ákveður
að hætta göngunni vegna
fótameiðsla og halda akandi til
Hveravalla daginn eftir. Í
skálanum eru fáeinir útlendingar,
meðal þeirra Max Fritz
ljósmyndari, sem segir mér á
íslensku að hann hafi verið
skálavörður í Hvítárnesi endur
fyrir löngu og sé kominn til að
rifja upp gamlar minningar.
Á Kjalvegi hinum forna
Föstudagur 13. júlí. Pétur
Þorleifsson ætlaði að ganga með
okkur tvær síðustu
dagleiðirnar.Við vorum komin á
hinn forna Kjalveg, sem venjulega
er genginn á þremur dögum. Í dag
ætlum við í Þverbrekknamúla og
það verður stysta dagleiðin, 16 km
löng. Talað er um hvíldardag. Á
þessari leið er að finna gamlar
götur eftir hesta og fé, vörður vísa
veg og hér má finna vatn. Í þessari
ferð hef ég skynjað sterkt
tilfinningu eyðimerkurfarans um
verðmæti vatnsins,
drykkjarvatnsins.
Við fylgjum Fúlukvísl. Þarna er
fé á ferð og hleypur undan okkur,
gróðurinn er þurr og moldin
þyrlast upp. Það ber aðeins á
norðanvindi á leið okkar um Kjöl.
Lengst af er Baldheiðin á vinstri
hönd en framundan er Kjalfell,
eins og bátur á hvolfi og rís 400 m
upp úr hraunbreiðunni, Kjalhrauni.
Hið fagra Hrútfell við Langjökul
er sveipað skýjum. Veðrið er
yndislegt og okkur liggur ekkert á.
Hvað eftir annað tökum við pokana
af okkur og slöppum fullkomlega
af. Það er friðsælt og ilmur úr
jörðu. Svo komum við að brúnni
yfir Fúlukvísl þar sem hún rennur
í þröngu gili við Þverbrekknamúla.
Í skála Ferðafélagsins sitja tveir
ungir menn, spila á spil og borða
harðfisk. Þeir eru á sinni fyrstu
alvörugöngu, að eigin sögn, hafa
gengið frá Gullfossi og ætla til
Hveravalla. Þetta kvöld gefst loks
ráðrúm til að lesa dagbók Haraldar
Matthíassonar af gönguferð þeirra
Kristínar konu hans og Kristins
Kristmundssonar skólameistara á
Laugarvatni um ferð þeirra norður
frá Hveravöllum, vestur og suður
fyrir Langjökul allt til Hvítárness
og þaðan til Laugarvatns sumarið
1974. Sú frásögn birtist í árbók
Ferðafélagsins árið 1980. Síðan
lásum við upphátt frásögn
prestanna af ferð þeirra í Þórisdal
og fyrr hefur verið getið. Svo tekur
nóttin við.
Gengið á Kjalfell
Laugardagur 14. júlí. Síðasta
dagleiðin er framundan. Pétur
hefur slasast á fæti og ákveður að
fara með bíl að Hveravöllum. Í
ferðinni er læknir sem lítur á
meiðsl hans og lætur hann hafa
verkjatöflur.
Sólin heldur áfram að skína.
Leið okkar liggur fyrst eftir
stígnum norður en síðan sveigjum
við í átt að Kjalfelli því að leiðin
mun liggja um Strýtur. Við Tómas
og María höfum ákveðið að ganga
á Kjalfell (1008 m). Við höldum
upp fjallið austanfrá, upp lausar
skriður. Í austri blasa við hin ljósu
Kerlingarfjöll, en Hofsjökull liggur
við fætur okkar, kringlóttur og
nokkuð flatur. Við göngum eftir
endilöngu fjallinu að hæsta
punktinum, en þar er varða með
einskonar krossi og bognu
járndrasli. Uppi á fjallinu er
grámosi í litlum þúfum. Í vestri
ber mest á Hrútfelli sem býr yfir
mikilli tign. Það kólnar og byrjar
að blása uppi á fjallinu. Við höldum
niður það að norðan og að
Strýtum. Úr gíg þeirra er
Kjalhraun runnið.
Komið kvöld og að Hveravöllum
komum við klukkan átta, tveimur
tímum síðar en ferðafélagarnir.
Þarna er margt um manninn, ys og
þys. Við förum flest í heitu
baðlaugina og látun þreytuna líða
úr okkur. Að baki er um 130 km
ganga með þungar byrðar. Þetta
er erfiður og krefjandi ferðamáti,
en styrkir líkama og sál, og veðrið
hefur leikið við okkur. Í reynd
hefði þetta getað verið trússferð,
ólíkt þeirri fyrri, þegar farið var á
mjög afskekktar slóðir.
Hér á Hveravöllum hafði ferð
okkar hafist fyrir sjö árum.
Morguninn eftir gekk ég um hið
mikla hverasvæði, sem hefur svo
mikið aðdráttarafl fyrir ferðamenn.
Á heimleiðinni var komið við á
Gullfossi en síðan haldið að
Laugarvatni. Þar hafði Haraldur
Matthíasson og félagar lokið
Langjökulsferð og einmitt þar
ritaði Haraldur sína merku dagbók
sem birtist í árbók Ferðafélagsins
undir nafninu Langjökulsleiðir.
Þegar rútan rennir að húsinu
stendur Ólafur Örn forseti
Ferðafélagsins á hlaðinu og tekur
okkur fagnandi, leiðir okkur inn í
húsið með þeim orðum að þar sé
allt óbreytt frá því foreldrar hans
bjuggu þar. Hann sýnir okkur
skrifstofu föður síns, bendir á
skrifborðið og segir: Við þetta borð
var árbókin rituð. Okkur er boðið
upp á konjak og við skoðum hvíta
bjarndýrsfeldinn á gólfinu og
virðum fyrir okkur uppstoppaðan
örn með þanda vængi. Ætli örninn
hefji sig til flugs?
Gönguhópurinn Fyrir framan skálann á Hveravöllum í lok ferðar.
Heimildir:
Arnór Karlsson og Oddur Sigurðsson: Kjölur
og Kjalvegir. Árbók F.Í. 2001.
Eysteinn Sigurðsson: Þórisdalur og ferð
prestanna 1664. F.Í. 1997.
Haraldur Matthíasson: Langjökulsleiðir. Ár-
bók F.Í.1980.
Íslandshandbókin. Ritstjórar: Tómas Ein-
arsson og Helgi Magnússon. Örn og Örlygur
1989.
Höfundur er fv. ritari
Ferðafélags Íslands
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Perlur Kúbu
5.-18. desember
Heimsferðir bjóða 14 daga ævintýraferð til Kúbu þar sem þú
nýtur og upplifir allt það besta sem þessi fagra eyja hefur að
bjóða. Kúba er ævintýri sem lætur engan ósnortinn og perlur
Kúbu er ferð sem svo sannarlega hefur slegið í gegn hjá far-
þegum Heimsferða á liðnum árum. Gríptu þetta frábæra tæki-
færi á einstakri ævintýraferð.
• Havana
• Guamá
• Cienfuegos
• Trinidad
• Topes
de Collantes
• Varadero
• Santa Clara
• o.fl., o.fl.
• Havana 5 nætur
• Ævintýraferð um Kúbu 6 dagar
• Varadero 3 nætur
Fegurstu
staðir Kúbu
í einni tveggja
vikna ferð!
- ævintýraferð
á einstökum
kjörum!
Ótrúlegt verð!
Verð frá kr. 169.900
- 13 nætur, mikið innifalið -
Innifalið í verði: Flug, gisting á 4 hóteli með morgunverði í Havana (5 næt-
ur), 4 hótelum með fullu fæði í ævintýraferð (5 nætur) og 4 hóteli með "öllu
inniföldu" á Varadero (3 nætur). Akstur á milli áfangastaða. 6 daga Ævintýra-
ferð á Kúbu með kynnisferðum. Flugvallaskattar og fararstjórn. Aukagjald fyrir
einbýli er kr. 30.000.
Ekki innifalið: Kynnisferðir í Havana og Varadero og vegabréfsáritun kr. 2.900.
Fararstjóri: Ólafur Gíslason
Auglýsing vegna aukningar stofnfjár
Ákveðið hefur verið að auka stofnfé um kr. 2.971.234.536 með útboði þar sem
stofnfjáreigendum verður boðið að skrá sig fyrir nýju stofnfé sbr. samþykktir
sparisjóðsins þar að lútandi. Heildarnafnverð nýs stofnfjár í útboðinu er
kr. 1.565.854.263 og er verð hvers stofnfjárhlutar kr. 1,89751665. Útboðið sem
nú fer í hönd er forsenda þess að hægt sé að ná skiptihlutföllum sem gert er ráð
fyrir í fyrirhuguðum samruna við Sparisjóð Kópavogs, en samrunaáætlun var
undirrituð af stjórnum sjóðanna 27. júní síðastliðinn.
Í dag hafa allir stofnfjárhlutir í BYR - sparisjóði verið skráðir rafrænt hjá
Verðbréfaskráningu Íslands. Svo mun einnig verða um nýtt stofnfé sem gefið
verður út í tengslum við aukningu þessa.
Útboðslýsingu vegna stofnfjáraukningarinnar er að finna á heimasíðu
BYRS - sparisjóðs www.byr.is. Jafnframt má nálgast lýsinguna í útibúum
BYRS - sparisjóðs. Þjónustuver veitir upplýsingar um útboðið í síma 575 4000.
Áskriftartímabil stendur yfir frá og með 3. september, til og með
17. september næstkomandi. Eindagi áskrifta er 24. september 2007.
Reykjavík, 31. ágúst 2007