Morgunblaðið - 03.11.2007, Blaðsíða 41

MORGUNBLAÐIÐ LAUGARDAGUR 3. NÓVEMBER 2007 41
✝ GunnlaugurBirgir fæddist á
Víðilæk í Skriðdal
24. ágúst 1938.
Hann lést á Sjúkra-
húsinu á Seyðisfirði
22. október 2007.
Foreldrar hans
voru hjónin Níels
Björgvin Sigfinns-
son, bóndi á Víði-
læk, og Aðalbjörg
Metúsalemsdóttir
Kjerúlf, húsfreyja á
sama stað. Birgir
átti 11 systkini.
Fyrstu störf Birgis á opinberum
vettvangi voru á vertíð í Vest-
mannaeyjum eftir áramótin 1956
til vors. Þá starfaði Birgir nokkur
misseri við byggingu Gríms-
árvirkjunar. Var eftir það tvær
vertíðir í Vestmannaeyjum. Birg-
ir sótti vélstjóranámskeið á Seyð-
isfirði haustið 1958 og tók í fram-
haldi af því vélstjórapróf. Birgir
var 2. vélstjóri á m.b. Leifi Eiríks-
syni RE-355 er báturinn fórst 30.
ágúst 1963 norðaustur af Raufar-
höfn. Birgir lauk
sveinsprófi í vél-
virkjun árið 1964 og
öðlaðist meistara-
réttindi nokkrum
árum síðar. Hann
vann hjá Þór h/f í
Reykjavík 1967-71,
setti upp mjalta-
kerfi hjá bændum
og annaðist vítt um
sveitir eftirlit og
viðhald á drátt-
arvélum sem fyrir-
tækið flutti inn. Þá
vann Birgir hjá Ísal
1971-74, hjá Landsvirkjun við Sig-
ölduvirkjun 1975-77, hjá Austur-
landsveitu Rarik 1977-82. Hann
vann hjá Kaupfélagi Héraðsbúa
við gæslu frystivéla og ýmsa járn-
smíði frá 1982 til 2001. Síðustu
þrjú ár starfsævi sínnar starfaði
Birgir við eftirlit á Egilsstaða-
flugvelli. Birgir var ókvæntur og
barnlaus.
Útför Birgis fer fram frá Egils-
staðakirkju í dag laugardaginn 3.
nóvember og hefst athöfnin kl. 14.
Mín fyrstu kynni af Birgi voru í
kringum 1960 þegar við Lilla systir
hans hófum sambúð, síðan höfum við
verið bestu vinir og félagar.
Birgir var duglegur og fær verk-
maður, vélaviðgerðir fóru honum
sérstaklega vel úr hendi.
Birgir hafði gaman af að ferðast,
jafnt innanlands sem utan. Fór hann
m.a. í hnattferð, til Austurlanda, Afr-
íku, Kína og Evrópu.
Birgir tók mikið af myndum á sín-
um ferðalögum og hafði gaman af að
sýna öðrum þegar heim kom. Hann
var sérstaklega minnugur og sagði
skemmtilega frá ferðum sínum og
var næstum eins og maður hefði ver-
ið með honum.
Birgir var duglegur í skógrækt-
inni á Víðilæk og fór ófáar ferðirnar
milli Egilsstaða og Víðilækjar með
plöntur og annað sem með þurfti.
Einnig var hann mjög áhugasamur
um fegrun og endurbætur á húsun-
um á Víðilæk.
Við Birgir ræddum nær vikulega
saman í síma en oftar eftir að hann
veiktist.
Ég þakka Birgi fyrir trygglyndi í
minn garð.
Kveðja frá Lillu.
Góða ferð, mágur. Við hittumst í
Sólarlandinu.
Sigurður Kristjánsson.
Allsnarplega hefur hinn slyngi
sláttumaður dauðans reitt til höggs
orf sitt og ljá er hann nú hefur hrifið
á brott hann Birgi bróður minn héð-
an úr lífsins hrjóstri, til fegurri
stranda, þar sól hnígur aldrei að
sævi. Birgir lést af völdum bein-
krabbameins eftir fremur erfið veik-
indi, á Sjúkrahúsinu á Seyðisfirði,
þar sem hann vildi umfram allt heyja
sitt lokastríð. Þar leið honum tiltölu-
lega vel við líknandi meðalagjöf og
frábæra umönnun starfsfólks, sem
mikilsvert er að þakka. Það var ákaf-
lega erfitt og sárt að sjá hinn áður
feikisterka og hrausta mann verða
að lokum ósjálfbjarga á aðeins örfá-
um mánuðum. Þó heyrði ég hann
aldrei mæla æðruorð. En svona er
lífið og í kjölfarið dauðinn. Allt stefn-
ir að sama ósi og ekki tjóir að deila
við „dómara allra tíma“.
Birgir bar haga hönd til ýmissa
starfa, einkum þó járnsmíði, var
einnig vel liðtækur við trésmíðar. Þá
léku margs konar vélaviðgerðir í
höndum hans.
Við 9 systkin af 12 keyptum fyrir
réttum 13 árum jörðina Víðilæk þar
sem við erum flest fædd og alin upp.
Höfum við síðan stundað þar skóg-
rækt og ýmsar aðrar landbætur, auk
viðhalds á húsakosti. Var Birgir ein
aðaldriffjöðrin í þeim framkvæmd-
um og dró hvergi af sér í sínum frí-
stundum, á meðan heilsan leyfði.
Fyrir u.þ.b. 3 árum greindist Birgir
með illkynja meinsemd í blöðruháls-
kirtli, var kirtillinn tekinn og allt
virtist í góðu lagi. Það var því gríðar-
legt áfall fyrir hann og að sömu okk-
ur systkini hans, frændgarð allan og
vini, þegar í ljós kom að meinsemdin
hafði búið um sig í nokkrum beinum
í líkama hans, nánast engin úrræði
til hjálpar og biðin ein blasti við. En
Birgir ætlaði sér að starfa áfram að
þessu hugðarefni okkar hér á Víði-
læk. Þá ætlaði hann að halda áfram
ferðalögum um heiminn, af þeim
hafði hann mikið yndi. Birgir var
sannur fylgismaður virkjana og
stóriðju, taldi að þar lægi hornsteinn
þjóðfélagsins til hagsældar, og talaði
glöðum rómi um framkvæmdir við
Kárahnjúka og álver. Hreinskilni er
einn mikilvægasti eiginleiki hvers
manns. Hana tileinkaði Birgir sér í
ríkum mæli. Hreinskiptinn var hann
í samskiptum við aðra, beinskeyttur
og stundum allóvæginn í orðavali
svo sviðið gat í kaun ef til staðar
voru. Birgir hlaut í vöggugjöf góða
söngrödd og söng mikið sem barn
bæði hér heima og á jólatrés-
skemmtunum. Þessi hæfileiki Birgis
nýttist honum þó ekki sem skyldi.
Þó söng hann skamman tíma með
Karlakór Fljótsdalshéraðs, einnig
með kirkjukór Egilsstaðakirkju.
Hann fór t.d. með kórnum í söng-
ferðalag um Íslendingaslóðir í Kan-
ada.
Við Birgir vorum góðir félagar í
leik og störfum fyrr og nú enda á
svipuðu reki. Ég kveð þig með sökn-
uði bróðir. Þegar ég frétti lát þitt var
ég að snæða hádegisverðinn og þótt
ég hafi búist við þessu síðustu vik-
urnar varð mér svo mikið um að ég
grét ofan í matardiskinn en tíminn
mun lækna tregans sár. Við munum
hittast handan landamæranna. Ætli
guð eigi ekki ógróðursettan móareit,
eða vélbúnað af ýmsu tagi, sem
þarfnast aðhlynningar. Við slíkt
mun gott að una.
Bragi Björgvinsson, Víðilæk.
Áttu nokkuð?
Þannig ávörpuðum við hvor annan
þegar við slógum á þráðinn, og hlóg-
um svo ákaflega.
Annars kynntumst við vegna ka-
dettsins fyrir um fjörutíu árum.
Nafnið var notað jafnt um bíl og bíl-
stjóra. Kadettinn var ekki gerður
fyrir það sem kallaðir voru vegir
eystra en eru í raun misófærir mal-
arslóðar. Eigandinn leit víst líka á
sinn eðalvagn sem fjallabíl. Því kom
kadettinn með kadettinn flesta
mánudagsmorgna til Birgis sem þá
vann á verkstæði Steinþórs. Mátti
einu gilda hvað hafði gengið úr lagi
eða losnað, kadettinn var tilbúinn að
kvöldi í næstu atrennu. Fylgdu þá
stundum athugasemdir um aksturs-
lag og hæfileika eigandans.
Síðar hittumst við á ný í höfuð-
borginni og þá tók ljúfa lífið við.
Vertshús bæjarins þurftu sína viku-
legu skoðun, yfirleitt veitti ekki af
tveimur kvöldum til þess. Menningin
fékk líka sinn hlut, fá leikrit fóru
fram hjá okkur eða aðrar bitastæðar
sýningar. Á vetrarkvöldum var grip-
ið í spil.
Birgir var mikill verkmaður og
vandvirkur, og var því í góðum störf-
um. Það hélst að mestu þótt hann
yrði um síðir hirðmaður í höll Bakk-
usar konungs. Var svo um nokkur ár
uns honum fannst kröfuharka þess
höfðingja úr hófi fram og sagði sig úr
lögum við áfengisguðinn. Á sama
hátt gerði hann tóbakið útlægt.
Þetta virtist honum ekki sérlega erf-
itt enda voru ákvarðanir Birgis
ákveðnar og ófrávíkjanlegar. Um
það leyti var hann aftur kominn í
heimahagana og undi þar síðan.
Nú kom nýtt tímabil, frelsistíminn
eins og hann orðaði það. Hófust
ferðalög innanlands sem utan. Hann
átti góða bíla til fjallaferða og hann
kynnti mig fyrir stærstum hluta ís-
lenskra öræfaslóða og fjallakofa. Það
var lélegt sumar ef ekki var unnt að
henda tjaldi inn í bíl ásamt gnægð
góðs nestis og halda úr byggð, oft
sambíla öðrum góðum félögum. Á
sama hátt voru utanlandsferðir nær
árlega, þótt lítið kæmi ég þar við
sögu. Lagði Birgir talsverða áherslu
á, að fara um slóðir sem buðu upp á
hluti sem fæstir sjá nema einu sinni
á ævinni og margir aldrei. Síðasta
ferð hans af því tagi var til Kína fyrir
rúmu ári, sem ég fór með honum.
Naut hann þeirrar ferðar til hlítar.
Mikil var ánægja hans að sjá þriggja
gljúfra stífluna og vildi hann vita
sem gerst um allt henni viðkomandi.
Slíkar framkvæmdir áttu hug hans
allan.
Það eru samt margar ferðir eftir
utan- og innanlands. Og ýmislegt
annað var hægt að taka sér fyrir
hendur. Efni til smíða er á sínum
stað, litla jarðýtan sem dytta skyldi
að er á sínum stað, mótorinn úr
gamla Lagarfljótsorminum, merkis-
gripur, er á sínum stað, öll löndin eru
á sínum stað. Aðeins sá sem ætlaði
að koma miklu í verk næstu árin er
ekki á sínum stað. Eða hvað?
Hann efaðist ekki um að menn
hittust á ný, einhvers staðar fyrir
handan. Aðrir fullyrða ekkert um
það. En verði svo munum við báðir
hlægja stórlega og kalla hvor til ann-
ars:
Áttu nokkuð?
Guðmundur R.
Gunnlaugur Birgir
Björgvinsson
✝
Þökkum veitta samúð og umhyggju vegna fráfalls
föður okkar, tengdaföður, afa og langafa,
ÞORSTEINS JÓNSSONAR
(Steini tangó),
Dvalarheimilinu Hjallatúni, Vík í Mýrdal.
Sérstakar þakkir færum við starfsfólki dvalarheimil-
inu Hjallatúni, Vík í Mýrdal, einnig þökkum við öllu
tónlistarfólki fyrir sitt framlag.
Aðstandendur.
✝
Innilegar þakkir til allra þeirra sem sýndu okkur
vináttu, samúð og hlýhug við andlát og útför elsku-
legrar móður okkar, tengdamóður og ömmu,
ÓLAFÍU AUÐUNSDÓTTUR,
Ásgarði 18,
Reykjavík.
Sérstakar þakkir til starfsfólks líknardeildar
Landspítalans á Landakoti.
Ragnar Auðunn Birgisson, María Vigdís Sverrisdóttir,
Kristján Hólmar Birgisson, Gyða Sigurbjörg Karlsdóttir
og barnabörn.
✝
Ástkær eiginmaður minn, faðir, tengdafaðir og afi,
ÁRNI FRIÐFINNSSON
bókari,
Herjólfsgötu 10,
Hafnarfirði,
sem lést á sunnudaginn 28. október, verður
jarðsunginn frá Fríkirkjunni í Hafnarfirði mánu-
daginn 5. nóvember kl. 15.00.
Elín Eggerz Stefánsson,
Elín Árnadóttir, Stefán Hákonarson,
Vilborg Þórey Styrkársdóttir,
Árni Reynir Styrkársson,
Viðar Pétur Styrkársson,
Rakel Stefánsdóttir.
✝
Innilegar þakkir færum við öllum þeim sem sýndu
okkur samúð og hlýhug við útför móður okkar,
tengdamóður, ömmu og langömmu,
GUÐRÚNAR FJÓLU SIGURÐARDÓTTUR,
Lækjarhvammi 7,
Búðardal.
Sérstakar þakkir færum við starfsfólki Dvalar-
heimilisins Silfurtúns í Búðardal fyrir einstaka alúð
og umönnun.
Hannes Gunnlaugsson,
Sigurður Gunnlaugsson,
Gunnlaugur Már Sigurðsson, Halla Steinsdóttir,
Jökull Logi Gunnlaugsson,
Sandra Rún Sigurðardóttir,
Runólfur Gunnlaugsson, Sigríður Ásta Lárusdóttir,
Elva Björk Runólfsdóttir,
Ásta María Runólfsdóttir,
Sunna Ösp Runólfsdóttir.
✝
Elskuleg móðir okkar,
STEINGERÐUR JÚLÍANA JÓSAVINSDÓTTIR,
Brakanda,
Hörgárbyggð,
lést á Dvalarheimilinu Hlíð að morgni miðvikudagsins 31. október.
Jarðarförin auglýst síðar.
Börnin.
✝
Þökkum auðsýnda samúð við andlát og útför
KOLBRÚNAR VALDIMARSDÓTTUR,
Skipasundi 5,
Reykjavík.
Sérstakar þakkir til starfsfólks Landspítalans við
Hringbraut fyrir alúð og góða umönnun.
Alfreð Hjaltalín,
Ellý Helga Gunnarsdóttir, Sverrir Ólafsson,
Guðrún Linda Ólafsdóttir, Skúli Heimir Sigurjónsson,
Gísli Ólafsson, Guðrún Björg Lúðvíksdóttir,
Sigurborg Ólafsdóttir, Börkur Brynjarsson,
barnabörn og barnabarnabörn.
✝
Elskulegur eiginmaður minn, faðir, stjúpfaðir,
tengdafaðir og afi,
SIGURÐUR V. HALLSSON,
Lindargötu 57,
Reykjavík,
lést fimmtudaginn 18. október á líknardeild
Landspítalans, Landakoti.
Útför hefur farið fram í kyrrþey að ósk hins látna.
Hrafnhildur Eyjólfsdóttir,
Margrét Sigurðardóttir, Friðjón Örn Friðjónsson,
Anna Mariella Sigurðardóttir, Jakob Gunnarsson,
Benedikt Sigurðsson,
Eyjólfur Rósmundsson, Hekla Gunnarsdóttir,
Elísabet Rósmundsdóttir, Páll Viðar Jensson,
Unnur Rósmundsdóttir
og afabörn.