Morgunblaðið - 03.11.2007, Blaðsíða 46

46 LAUGARDAGUR 3. NÓVEMBER 2007 MORGUNBLAÐIÐ
KIRKJUSTARF
Látinna minnst
í Stóra-Núpskirkju
GUÐSÞJÓNUSTA verður 4. nóv-
ember kl. 14 í Stóra-Núpskirkju.
Minnst verður sérstaklega þeirra
sem látist hafa í prestakallinu á síð-
asta ári. Allra heilagra messa er
þennan dag en hún er minningar-
dagur kirkjunnar um þá sem dánir
eru í Kristi og vitnisburður hennar
um lífið eftir dauðann. Boðið er að
kveikja á kerti í fyrirbæn fyrir
látnum og þannig að gera bæn sína
að verki. Sjálfsagt er að nefna nöfn
liðinna ástvina við fyrirbænina
upphátt eða í hljóði. Vilji sóknar-
börn að nöfn séu nefnd við fyrir-
bænina, má koma þeim til sóknar-
prestsins í síma 486-6057 eða á
miða fyrir guðsþjónustuna.
Fermingarbörn og foreldrar
sérstaklega hvött til að koma til
kirkjunnar.
Allra heilagra messa
í Hallgrímskirkju
Í VETUR verður boðið upp á orgel-
andakt í Hallgrímskirkju fyrsta
laugardag hvers mánaðar að jafn-
aði. Í dag 3. nóv. hefst orgel-
andaktin kl. 12 með því að Mót-
ettukór Hallgrímskirkju flytur
fyrsta kaflann úr sálumessu G.
Fauré undir stjórn Harðar Áskels-
sonar en allt verkið verður flutt á
tónleikum á morgun. Björn Steinar
Sólbergsson flytur orgelverk sem
tengjast allra heilagra messu eftir
J.S. Bach og Reger. Sr. Jón Dalbú
Hróbjartsson les ritningarorð og
bæn. Aðgangur er ókeypis. Sunnu-
dagurinn hefst með fræðslumorgni
kl. 10, þá flytur sr. Birgir Ásgeirs-
son erindi er nefnist: Sorgin í lífi
og starfi. Messa og barnastarf kl.
11. Sr. María Ágústsdóttir prédik-
ar og þjónar fyrir altari ásamt sr.
Birgi Ásgeirssyni og messuþjónum.
Barnastarfið verður í umsjá Magn-
eu Sverrisdóttur. Hópur úr Mót-
ettukór Hallgrímskirkju syngur
undir stjórn Harðar Áskelssonar
sem einnig verður organisti. Eftir
messu verður boðið upp á kaffi og
ávaxtasafa.
Tónleikar Listvinafélags Hall-
grímskirkju verða kl. 17 á sunnu-
dag. Mótettukór Hallgrímskirkju
flytur tvær sálumessur (requiem),
eina eftir ítalska tónskáldið
Pizzetti og aðra eftir hinn franska
Gabriel Fauré. Flytjendur auk
Mótettukórsins eru Benedikt Ing-
ólfsson, bassi, Guðrún Marta
Halldórsdóttir, sópran og Björn
Steinar Sólbergsson, orgel. Stjórn-
andi er Hörður Áskelsson.
Kyrrðardagur
Neskirkju
NÆSTI kyrrðardagur Neskirkju
verður laugardaginn 10. nóvem-
ber. Dagskrá hefst kl. 10 árdegis
og lýkur um kl. 16. Stjórnandi er
Úrsúla Árnadóttir guðfræðingur
og skrifstofustjóri Neskirkju.
Prestarnir Halldór Reynisson og
Sigurður Árni Þórðarson sjá um
íhuganir, helgihald og gönguferð.
Ásta Böðvarsdóttir, myndlistar- og
jógakennari, stýrir slökun. Kyrrð-
ardagur í borg er knappari en
margir dagar á kyrrðardagasetri
eins og Skálholti. Dagskrá er þétt-
ari og aðlöguð tímaramma og að-
stæðum borgarkirkjunnar. Skrá
þarf þátttöku fyrirfram á skrif-
stofu Neskirkju.
Biskup vísiterar
Seltjarnarneskirkju
BISKUP Íslands, Karl Sigurbjörns-
son, mun vísitera Seltjarnarnes-
kirkju 4. nóvember kl. 11, í fjöl-
skylduguðsþjónustu og eru Sel-
tirningar hvattir til að mæta í
kirkjuna þennan sunnudag. Biskup
prédikar, færir börnunum gjöf og
blessar söfnuð og safnaðarstarf.
Eftir stundina er kirkjugestum
boðið að þiggja kaffiveitingar í
safnaðarheimili kirkjunnar. Lát-
inna er minnst í kyrrðar- og
íhugunarstund kl. 14.30. Friðrik
Vignir Stefánsson organisti leikur
á orgel, ritningarlestur og bæn.
Sigurður Grétar Helgason annast
stundina.
Sálma- og söngvakvöld
í Sauðárkrókskirkju
SÁLMA- og söngvakvöld verður í
Sauðárkrókskirkju 4. nóvember kl.
20. Þar flytja Rakel Rögnvalds-
dóttir og Sigurlaug Vordís Ey-
steinsdóttir sálma og gospelsöngva,
m.a. sálmaþýðingar sænsku söng-
konunnar Linu Sandell Berg. Und-
irleikari er Rögnvaldur Valbergs-
son og kynnir Sigríður Gunnars-
dóttir. Aðgangur er ókeypis.
Minning látinna
í Garðaprestakalli
SAMEIGINLEG bæna- og kyrrðar-
stund Garða- og Bessastaðasóknar
verður í Bessastaðakirkju 4. nóv-
ember kl. 14 í tilefni af allra heil-
agra messu. Þar verður látinna
minnst í bæn og lofgjörð. Hægt er
að senda beiðni til prestanna ef ást-
vinir vilja láta minnast þeirra sem
þeir hafa misst á umliðnum miss-
erum við altari Bessastaðakirkju.
Netföng prestanna eru jonahronn-
@gardasokn.is og fhjartar@-
gardasokn.is. Sr. Jóna Hrönn Bolla-
dóttir flytur hugleiðingu og þjónar
fyrir altari ásamt Nönnu Guðrúnu
djákna. Í lok stundarinn verður
gengið til altaris. Jón Þorsteinsson
einsöngvari, Bjartur Logi Guðna-
son organisti og Jóhanna Ósk Val-
sóttir víóluleikari leiða lofgjörðina.
Boðið verður upp á akstur frá
Vídalínskirkju kl. 13.30 og frá
Hleinum kl. 13.40.
Mikilvægur þáttur í starfi kirkj-
unnar á hverju ári er starfið með
fermingarbörnunum. Kirkjan vill
einnig eiga samtal við foreldrana
og býður til fræðslufundar með for-
eldrum og fermingarbörnum í
Garðaprestakalli 8. nóvember kl.
17.30-19, í safnaðarheimilinu
Kirkjuhvoli. Boðið verður upp á
kaffi og djús áður en umræðan
hefst. Rætt verður um mikilvæg
málefni, sem er unglingamenning
og kynlíf. Samstarf aðilar eru:
heilsugæslan, félagsþjónustan og
forvarnarfulltrúi Garðabæjar. Dag-
skrá: Unglingar, ást, kynhneigð og
skyndikynni, sr. Jóna Hrönn Bolla-
dóttir. Líkamlegur þroski, kynlíf
og kynsjúkdómar, Gerður A. Árna-
dóttir læknir. Unglingar, klám og
fjölmiðlar, Páll Ólafsson unglinga-
ráðgjafi. Fundarstjórar eru sr.
Friðrik J. Hjartar og Ármann H.
Gunnarsson æskulýðs- og forvarn-
arfulltrúi Vídalínskirkju.
Hátíðarguðsþjónusta
í Grafarvogskirkju
Á ALLRA heilagra messu verður
haldin hátíðarguðsþjónusta í Graf-
arvogskirkju 4. nóvember kl. 14.
Grafarvogssöfnuður býður sér-
staklega þeim sem misst hafa ást-
vini sína á árinu, til guðsþjónustu,
sem og eldri borgurum safnaðar-
ins. Þann dag er „þeirra sem á und-
an oss eru farnir“ sérstaklega
minnst. Séra Þórir Stephensen,
fyrrverandi dómkirkjuprestur, pré-
dikar. Prestar safnaðarins séra
Vigfús Þór Árnason, séra Bjarni
Þór Bjarnason og séra Lena Rós
Matthíasdóttir þjóna fyrir altari.
Kór Grafarvogskirkju syngur, ein-
söngur Sigurður Skagfjörð og Arn-
þrúður Ösp Karlsdóttir, organisti
er Hörður Bragason. Eftir guðs-
þjónustuna verður svo nefnt „líkn-
arkaffi“ en framlög renna í Líkn-
arsjóð Grafarvogskirkju.
Lögreglur og bangsar
í Laugarneskirkju
LÖGREGLUKÓRINN mun heim-
sækja Laugarneskirkju og leiða
sálmasöng og aðra messuliði, 4.
nóvember kl. 11. Stjórnandi kórsins
er Guðlaugur Viktorsson. Sunnu-
dagaskólabörn koma ásamt for-
eldrum sínum upp í kirkju í upphafi
messu áður en haldið er yfir í safn-
aðarheimili, svo þau munu fá að
syngjast á við lögreglumennina.
Þennan sunnudag er bangsadagur í
sunnudagskólanum og mega börn-
in bjóða uppáhaldsbangsanum sín-
um með sér í kirkjuna.
Látinna minnst
í Kópavogskirkja
Á ALLRA heilagra messu, 4. nóv-
ember kl. 20, verður samvera í
Kópavogskirkju sem helguð verður
minningu látinna. Þá gefst tæki-
færi til að koma saman til að minn-
ast, þakka og hugsa til ástvina, ætt-
ingja og vina sem látnir eru.
Efnisskráin samanstendur einkum
af tónlist, söng, íhugun og bæn sem
sr. Auður Inga Einarsdóttir annast.
Kór Kópavogskirkju syngur, org-
anisti og stjórnandi Lenka Má-
téová. Einsöng syngja Sólveig Sam-
úelsdóttir altsöngkona og Margrét
Grétarsdóttir sópran. Flutt verður
tónlist eftir F. Mendelssohn, J. Rut-
ter, Jón Ásgeirsson, Þorkel Sig-
urbjörnsson og G.F. Handel.
Fjölskylduguðsþjón-
usta í Vídalínskirkju
FJÖLSKYLDUGUÐSÞJÓNUSTA
verður í Vídalínskirkju 4. nóvem-
ber kl. 11 og er sunnudagaskólinn
inni allan tímann, en athöfnin er að
hluta til sniðin að þörfum barn-
anna. Í guðsþjónustunni verður
helguð altarismynd sem sett hefur
verið upp í kór kirkjunnar. Þetta er
fyrsta myndin af fjórum sem settar
verða upp í kirkjunni á næstu miss-
erum, mynd eftir meistara Kjarval
sem ber heitið „Bænin má aldrei
bresta þig“. Börnin fá að aðstoða
við þessa athöfn. Verkefni er unnið
í samvinnu við Landsbanka Íslands
sem lánar kirkjunni listaverkin. Ný
rokkhljómsveit æskulýðsfélagsins
mun stíga á svið í fyrsta sinn, en
hún er skipuð fermingarbörnum
næsta árs og halda Ármann og
Andri utan um störf og þjálfun
hljómsveitarinnar. Börnin í sunnu-
dagaskólanum hafa nýlokið þátt-
töku í verkefninu „Jól í skókassa“.
Leiðtogar sunnudagaskólans, þau
Ármann, Hjördís Rós og Jóhanna
Guðrún leiða starf með börnunum.
Foreldrar eru hvattir til að mæta
með börn sín í barnstarf Vídalíns-
kirkju sem er hvern sunnudag kl.
11. Prestur er sr. Friðrik J. Hjartar,
en kórfélagar styrkja sönginn, org-
anisti er Jóhann Baldvinsson.
Kirkjuleg sveifla
í Bústaðakirkju
FLUTT verður ný og eldri tónlist
með léttum útsetningum í messu 4.
nóvember kl. 14. Gospel tónlist í
bland við eldri sálma sem hafa ver-
ið útsettir á ný. Kór Bústaðakirkju
syngur undir stjórn Renötu Ivan,
organista og kórstjóra Bústaða-
kirkju. Jón Rafnsson leikur á bassa,
Björn Thoroddsen á gítar og Ást-
valdur Traustason á píanó. Eftir
messuna er kaffi á könnunni. Fyrir
hádegi er barnamessa kl. 11 en þar
er boðið upp á samveru fyrir alla
fjölskylduna. Næsti sunnudagur er
einnig allra heilagra messa, þar
sem látinna er minnst.
Höklahátíð
í Digraneskirkju
GUÐRÚN Vigfúsdóttir veflistakona
hefur ofið og gefið Digraneskirkju
marga fagra hökla sem verða til
sýnis í messunni 4. nóvember kl. 11.
Einnig naut söfnuðurinn starfs-
krafta og reynslu Sigríðar G. Jó-
hannsdóttur vefnaðarkennara og
Margrétar Gísladóttur forvarðar. Í
messunni verða höklarnir formlega
teknir í notkun. Kirkjukaffi að lok-
inni messu. Yrsa Þórðardóttir
prestur.
Tónlistardagskrá
í Fossvogskirkju
FYRSTA sunnudag í nóvember er
allra heilagra messa haldin hátíð-
leg. Prófastsdæmin í Reykjavík og
kirkjugarðar prófastsdæmanna
hafa um árabil staðið fyrir tónlist-
ardagskrá í Fossvogskirkju þann
dag undir yfirskriftinni: „Þau voru
ljós á leiðum okkar“. Dagskráin 4.
nóvember, stendur yfir frá kl. 14 til
kl. 16. Fram koma Drengjakór
Reykjavíkur, Friðrik S. Kristinsson,
Lenka Mátéová, Kór Hjallakirkju,
Jón Ólafur Sigurðsson, Ragnheiður
Gröndal, Diljá Sigursveinsdóttir og
Guðný Einarsdóttir. Sr. María
Ágústsdóttir leiðir stundina. Að-
gangur er ókeypis og fólki frjálst
að koma og fara að vild. Starfsfólk
kirkjugarðanna er til leiðsagnar í
Fossvogskirkjugarði og Gufu-
neskirkjugarði og friðarkerti
Hjálparstarfs kirkjunnar til sölu.
Bæna og minningaljós
tendruð í Fríkirkjunni
í Reykjavík
ALLIR, sama hvort þeir hafi skarað
fram úr í siðferði hefðbundinna
trúarstofnana eða bara elskað
náungann, eru velkomnir í Fríkirkj-
una við Tjörnina, á þessum degi.
Meðal hefðbundinna trúarstofnana
er dagurinn helgaður minningu
þeirra sem skarað hafa fram úr í
miðlun kærleika og réttlætis sbr.
allra heilagra messa. Einnig og
ekki síður er dagurinn á hverjum
stað fyrir sig og í huga hvers og
eins sem kemur í kirkju, helgaður
minningu látinna ástvina, sbr.
„allra sálna messa“. Tendruð verða
bæna- og minningaljós. Stund við
hæfi barna verður haldin samtímis
messu undir leiðsögn Nöndu guð-
fræðinema.
Léttmessa
í Árbæjarkirkju
LÉTTMESSA verður 4. nóvember í
Árbæjarkirkju kl. 20. Hana ber upp
á allra heilagra messu en þá er lát-
inna minnst. Messan tekur mið af
því og verður tendrað kertaljós og
beðið fyrir syrgjendum. Margrét
Ólöf Magnúsdóttir, djákni við Ár-
bæjarkirkju, mun flytja hugvekju
og Kristján Kristjánsson, KK, mun
flytja og leiða tónlistina.
Morgunblaðið/ÓmarSauðárkrókskirkja