Morgunblaðið - 04.11.2007, Page 35

kvæðu lífsviðhorfi.“ (Pétur Pét-
ursson, þulur)
Þátttakan í þjóðlífinu
Áhrif og athafnasemi heið-
urshjónanna voru mikil inn í íslenskt
þjóðlíf. Samhliða baráttu Jóns Sig-
urðssonar fyrir sjálfstæði okkar Ís-
lendinga, sem Jón vann að mestu á
danskri grund, unnu þau Tönnies
Daníel og María Elizabeth hug og
hjarta landans með framtaki sínu,
greiðasemi, góðmennsku og gleði.
Tönnies Daníel rak með reisn
brauðgerðarhúsið. Hann lagði sinn
eigin móveg frá brauðgerðinni út í
Vatnsmýri, þar sem slíkur vegur var
ekki til í Reykjavík. Hann rak myllu
til að mala kornið, en myllan er sögð
hafa staðið við Garðastræti í nálægð
við þar sem nú stendur hús nr. 41
sem var eitt sinn í eigu Ólafs heitins
Thors fyrrverandi forsætisráðherra.
Tönnies Daníel var bæjarfulltrúi í
Reykjavík, hann var elsti borgari
Reykjavíkur er hann lést hinn 10. júní
árið 1886, sama ár og Reykjavík hélt
upp á 100 ára kaupstaðarafmæli sitt.
María Elízabeth var myndarleg
húsmóðir sem sá um heimilið af mikl-
um skörungskap. Hún var besti bak-
hjarl sem Tönnies Daníel Bernhöft
gat átt. Hún lést í Reykjavík hinn 26.
september árið 1875, ári eftir að
Danakonungur Kristján IX., færði
Íslendingum stjórnaskrá um hin sér-
stöku málefni Íslands.
Háttsemin
Ída Pfeffer, austurísk hefðarkona,
segir frá mörgu í ferðasögu sinni sem
hún skrifar árið 1845 þegar hún
dvaldi hér á landi. En Ída var fyrst
kvenna til að skrifa ferðasögu frá Ís-
landi. Hún dvaldi hjá Bernhöfts-
hjónunum þegar hún var hér á ferð. Í
bókinni þakkar hún herra Bernhöft
einstaka alúð og vinsemd, ágætri
konu hans og elskulegum börnum
sem voru henni jafnástúðleg og hjálp-
söm. En húsbóndinn og bakarameist-
arinn var ólatur þrátt fyrir annríki að
aðstoða Ídu með að finna ýmis af-
brigði af blómum, skordýrum og
skeljum og komst hann í sjöunda
himin ef hann fann eitthvað sem var
henni framandi.
Í bókinni Aldarminning brauðgerð-
ariðnaðar á Íslandi 1834-1934 kemur
fram að þann 25. ágúst 1934 var ald-
arafmælisins minnst með virðulegum
hætti. Þar segir meðal annars Daníel
Bernhöft barnabarn Bernhöftshjón-
anna í þakkarræðu sinni þegar blóm-
sveigur var lagður á fjölskyldugraf-
reit þeirra í Hólavallakirkjugarði:
„Þegar við frændur hinna fram-
liðnu, nú erum af þeim komnir, sumir
hverjir í fimmta lið, og fyrir löngu
orðnir Íslendingar, þá gleður það oss,
að forfeður vorir hafa ekki aðeins
keypt oss íslenskt þjóðerni, með því
að blanda blóði við þjóðina, heldur
líka með því, að skapa henni verð-
mæti sem fá staðið. Við fyllumst ósk
um það, að föðurland vort megi alltaf
njóta góðra manna, hvort sem þeir
eru íslenskir eins og vér, eða erlendir
eins og forfeður vorir voru. Með
bestu óskum til föðurlands vors bið
ég íslenska mold geyma bein þessara
manna og allra annarra sem á einn
eða annan veg stuðla að framgangi
fósturjarðarinnar og frama.“
Að vera Íslendingur
Innflytjendur sem tilbúnir eru að
taka þátt í íslensku þjóðlífi af heil-
indum eiga góða framtíð í nýju landi.
Bernhöftshjónin lögðu sitt af mörk-
um inn í íslenskt samfélag af virðingu
fyrir landi og þjóð.
„Ég get ekki annað gert en biðja
Guð að endurgjalda þeim þúsundfalt
vingjarnlegt viðmót þeirra.“ (Ída
Pfeffer)
Við fyllumst ósk um það,
að föðurland vort megi
alltaf njóta góðra manna,
hvort sem þeir eru íslensk-
ir eins og vér, eða erlendir
eins og forfeður vorir
voru.
Höfundur er afkomandi Maríu Elíza-
bethar og Tönnies Daníels Bernhöft.
MORGUNBLAÐIÐ SUNNUDAGUR 4. NÓVEMBER 2007 35
Fréttir í tölvupósti
Síðumúla 3 · Reykjavík · 553 7355
Hæðasmára 4 · Kópavogur · 555 7355
Tvær verslanir fullar af nýjum vörum
Ný sending - Glæsilegur kvenfatnaður
Nýtt - Nýtt - Nýtt - Nýtt
Ný verslun í Hæðasmára 4
(í sama húsi og Bílaapótek og NC Næs Connection)
M
b
l 9
24
07
9
Aðhaldsundirföt
Allar nánari upplýsingar veitir Eggert í síma 896 2644
Til sölu matvöruverslun í Kópavogi
Kjörið tækifæri fyrir útsjónasaman og duglegan einstakling
sem vill vera sinn eigin herra og njóta ávaxtana.
Auðveld kaup - sanngjarnt verð!