Morgunblaðið - 13.11.2007, Blaðsíða 4

4 ÞRIÐJUDAGUR 13. NÓVEMBER 2007 MORGUNBLAÐIÐ
FRÉTTIR
KEA var með opinn hlaupareikning í
Landsbankanum um langt skeið og
voru engin skilyrði fyrir notkun
reikningsins önnur en að hann skyldi
vera skuldlaus um hver áramót.
Í ritgerð Jónasar H. Haralz er
sagt frá viðskiptum Sambandsins og
KEA við Landsbankann, sem hann
segir að hafi verið með allsérstökum
hætti. Segir hann að skuldin á áð-
urnefndum reikningi hafi getað
numið háum fjárhæðum, nægilega
háum til að skipta máli fyrir lausa-
fjárstöðu bankans. Þá hafi sveiflur á
reikningnum verið miklar og oft
óvæntar. Segir hann að þessir við-
skiptahættir hafi verið óviðunandi
fyrir bankann og ekki stuðlað að
heilbrigðum starfsháttum innan
KEA og hafi hann rætt við þáver-
andi kaupfélagsstjóra um málið, sem
hafi sagst munu freista þess að ná yf-
irliti um fjármál KEA. Lítill sem
enginn árangur hafi þó verið af því.
Innan kaupfélagsins hafi engin
viðhlítandi aðgreining verið á fjár-
málum einstakra deilda eða fyrir-
tækja í þess eigu, heldur hafi öllu
ægt saman og fé sótt í einn sameig-
inlegan sjóð.
Hafði opinn reikn-
ing í bankanum
17 MILLJÓNIR söfnuðust á fjáröfl-
unarkvöldverði Barnaheilla á Hilton
Reykjavík Nordica sl. föstudag. Þar
voru boðin upp 11 listaverk sem öll
seldust og rennur ágóði kvöldsins
óskiptur til verkefna Barnaheilla
hérlendis og erlendis. Hæsta verð
fékkst fyrir verkið Skugga eftir
Steinunni Þórarinsdóttur, en það
seldist á 2,5 milljónir króna.
Samkoman var haldin undir yf-
irskriftinni Hátíð trjánna – list í
þágu barna og voru gestir 190 tals-
ins.
Áherslur Barnaheilla í verkefnum
hérlendis eru á réttindi barna, bar-
áttu gegn kynferðislegu ofbeldi á
börnum, geðheilbrigðismál og mál-
efni barna innflytjenda. Áherslur
Barnaheilla í erlendum verkefnum
eru á grunnmenntun barna, fyrst og
fremst í stríðshrjáðum löndum og
styðja Barnaheill meðal annars við
verkefni í Kambódíu og Norður-
Úganda, að sögn Petrínu Ásgeirs-
dóttur framkvæmdastjóra. Allir sem
fram komu á kvöldinu gáfu vinnu
sína að öllu leyti eða að hluta til.
17 milljónir
söfnuðust hjá
Barnaheillum
LÍÐAN mannsins sem slasaðist í bíl-
slysi undir Eyjafjöllum á laugardag
er enn óbreytt. Liggur hann á gjör-
gæsludeild Landspítalans og er
tengdur við öndunarvél að sögn
læknis. Maðurinn var ásamt félaga
sínum í pallbíl sem lenti út af Suð-
urlandsvegi við bæinn Ásólfsskála í
Rangárvallasýslu. Er hinn mað-
urinn nú farinn heim af sjúkrahúsi.
Enn á gjör-
gæsludeild
SIGURÐUR Jónsson,
fyrrverandi fram-
kvæmdastjóri Síldar-
verksmiðju ríkisins og
Sjóvátryggingafélags
Íslands hf., lést 11.
nóvember sl., á 94.
aldursári.
Sigurður fæddist í
Hafnarfirði 11. desem-
ber 1913. Hann lauk
námi frá Verslunar-
skóla Íslands 1934 en
fluttist til Siglufjarðar
tveimur árum síðar
þar sem hann hóf störf
sem bókhaldari hjá Síldarverk-
smiðju ríkisins. Hann varð fram-
kvæmdastjóri fyrirtækisins árið
1947 og því starfi gegndi hann í 25
ár. Á þessum tíma
var hann samtímis
framkvæmdastjóri
bæjarútgerðar Siglu-
fjarðar í 10 ár. Árið
1971 varð Sigurður
forstjóri Sjóvátrygg-
ingafélags Íslands hf.
en lét af stöfum fyrir
aldurs sakir í árslok
1983.
Sigurður var virk-
ur félagi í karlakórn-
um Vísi og starfaði í
Rotary á meðan
heilsa leyfði.
Eftirlifandi eiginkona Sigurðar
er Gyða Jóhannsdóttir og þau
eignuðust tvo syni, Valtý og Jó-
hann Ágúst.
Andlát
Sigurður Jónsson
LANDGRÆÐSLA ríkisins, Blá-
skógabyggð, landeigendur Úthlíð-
artorfunnar og Orkuveita Reykja-
víkur hafa ákveðið að hafa
samstarf um að kanna möguleika á
því að endurheimta fyrri stærð
Hagavatns. Öðrum hagsmunaaðil-
um verður boðin þátttaka í sam-
starfinu, að því er segir í tilkynn-
ingu frá Landgræðslunni.
Margeir Ingólfsson, oddviti Blá-
skógabyggðar, sagði að sveitar-
stjórn Biskupstungnahrepps og
síðar sveitarstjórn Bláskógabyggð-
ar hafi oftar en einu sinni ályktað
um mikilvægi þess að færa yf-
irborð Hagavatns til fyrra horfs.
Sveitarstjórn Biskupstungna-
hrepps átti m.a. þátt í því að
Landsgræðslan stóð fyrir mati á
umhverfisáhrifum stækkunar
Hagavatns með stíflugerð árið
1997. Ekki varð af framkvæmdum
þá. Nú hefur Orkuveita Reykjavík-
ur fengið rannsóknarleyfi til að
kanna virkjunarmöguleika á svæð-
inu með því að stækka Hagavatn
og nota það sem uppistöðulón.
„Ég fagna því sem oddviti hér
að þetta mál fer aftur af stað,“
sagði Margeir. Hann sagði að drög
að viljayfirlýsingu um þátttöku
sveitarfélagsins í könnun á stækk-
un Hagavatns verði lögð fram á
fundi sveitarstjórnar á morgun.
„Við höfum litið svo á að það sé
mikið hagsmunamál fyrir svæðið
að sökkva þessum uppfokseyrum
með því að færa yfirborð Haga-
vatns til fyrra horfs. Ef hægt er að
koma fyrir virkjun inni í þeim hug-
myndum þá tel ég að það sé já-
kvætt og að mörgu leyti séum við
að tala um umhverfisvæna virkjun.
Við erum að stoppa uppblástur og
áfok sem er töluvert vandamál hér
í uppsveitum.“ Margeir sagði að
áfokið ylli ýmsum óþægindum.
Hann býr rétt við Geysi og þegar
uppblásturinn er sem mestur sést
þar ekki á milli bæja. Þá er upp-
græðslustarf Landgræðslunnar á
Hagavatnssvæðinu í mikilli hættu
vegna uppblástursins. Margeir
taldi mjög jákvætt að OR skuli
hafa fengið rannsóknarleyfi. Þá sé
málið komið í ferli og framkvæmd-
in verði rannsökuð. Síðan verði
gerð umhverfismatsáætlun og um-
hverfismat. Í því ferli komi öll
sjónarmið upp á borðið. „Við fáum
þá bara niðurstöðu í þetta mál.
Það er þessu verkefni ekki til
framdráttar að blása það út af
borðinu áður en hægt er að fara af
stað með rannsóknir,“ sagði Mar-
geir.
Fagnar Hagavatnskönnun
Ljósmynd/Ásgeir H. Bjarnason
Uppfok Greinilega mátti sjá úr 3.000 m hæð hvernig jarðvegur fauk úr gömlum botni Hagavatns 15. ágúst síðast-
liðinn. Með því að færa yfirborð vatnsins í þá hæð sem það var 1929-’39 mun draga mjög úr foki jarðvegs.
SVERRIR Hermannsson var ráðinn
bankastjóri Landsbankans árið 1988
að undirlagi þáverandi forsætisráð-
herra, Þorsteins Pálssonar, þrátt
fyrir að vilji væri fyrir því innan
bankaráðs bankans að ráða starfs-
mann Landsbankans, Tryggva Páls-
son. Kemur þetta fram í ritgerð Jón-
asar H. Haralz, hagfræðings og
fyrrverandi bankastjóra, sem birtist
í sérútgáfu Tímarits um viðskipti og
efnahagsmál.
Í ritgerðinni lýsir Jónas m.a. því
hvernig staðið var að vali eftirmanns
hans í bankastjórn Landsbankans,
en Jónas segir að sér hafi verið um-
hugað um að nýir bankastjórar
kæmu úr röðum starfsmanna bank-
ans sjálfs til að tryggja að ákvarð-
anir um lánveitingar yrðu grundvall-
aðar á efnislegri og vandaðri skoðun
í stað þess að bankastjórar gættu
hver síns lénsveldis og þeirra stjórn-
málaflokka sem að baki þeim stóðu.
Segir Jónas að þótt vilji væri fyrir
því innan bankaráðsins að ráða
Tryggva Pálsson, sem starfað hafði í
bankanum um tíu ára skeið, þá
myndi afstaða Þorsteins Pálssonar,
forsætisráðherra, ráða úrslitum.
Ræddi Jónas við Þorstein um málið
og varð ekki var við annað en að Þor-
steinn hefði skilning á sjónarmiðum
Jónasar og bankaráðsins. Segir Jón-
as að þessi skoðun hans hafi þó ekki
reynst á rökum reist, enda hafi Þor-
steinn tekið „skyndilega ákvörðun af
allt öðru tagi“ um það síðla árs 1987
að velja Sverri Hermannsson, og að
það val hafi farið fram án samráðs
við bankaráð bankans, sem var jú sá
aðili sem lögformlega gekk frá vali
bankastjóra. Í kjölfarið fylgdu
nokkrir fundir innan bankaráðsins
um málið og deilt var hart. Var af-
skiptum ríkisstjórnar mótmælt og
sagði einn bankaráðsmanna sig úr
ráðinu.
Þorsteinn
Pálsson
Sverrir
Hermannsson
„Tók skyndilega ákvörð-
un af allt öðru tagi“
FARÞEGAFERJAN Norræna lenti
í erfiðleikum í fyrrinótt þegar skipið
lenti í miklum sjógangi milli Hjalt-
landseyja og Noregs. Rafmagn fór af
skipinu og stöðugleikauggar
skemmdust. 325 manns voru um
borð og meiddust einhverjir en ekki
alvarlega. Einnig skemmdust flutn-
ingabílar í bílalest skipsins. Fær-
eyska útvarpið hafði eftir Andras
Róin, framkvæmdastjóra Smyril
Line, að skipið hefði verið á leið frá
Björgvin í Noregi áleiðis til Færeyja.
Rafmagn fór af skipinu og það missti
afl og áður en varaaflstöðvar fóru í
gang valt skipið mikið í sjóganginum
og rak fyrir veðrum og vindi í einar
20 mínútur. Farþegar fylltust skelf-
ingu enda hallaðist skipið allt að 40
gráður en Róin sagði að skipstjórinn
hefði þó haft fulla stjórn á skipinu.
Norræna í
erfiðleikum