Morgunblaðið - 13.11.2007, Blaðsíða 21

MORGUNBLAÐIÐ ÞRIÐJUDAGUR 13. NÓVEMBER 2007 21
AKUREYRI
AUSTURLAND
SKIPULAGSSTOFNUN barst 2.
nóvember sl. tillaga Vegagerðarinn-
ar að matsáætlun vegna mats á um-
hverfisáhrifum Norðfjarðarvegar
um Norðfjarðargöng, milli Eski-
fjarðar og Norðfjarðar í Fjarða-
byggð.
Skipulagsstofnun hefur leitað um-
sagnar Fjarðabyggðar, Byggða-
stofnunar, Fornleifaverndar ríkis-
ins, Heilbrigðiseftirlits Austurlands,
veiðimálastjórnar, Landbúnaðar-
stofnunar, Umhverfisstofnunar og
Veðurstofunnar.
Stefnt er að því að ákvörðun
Skipulagsstofnunar um tillögu fram-
kvæmdaraðila að matsáætlun muni
liggja fyrir 3. desember nk.
Almenningur getur kynnt sér til-
löguna og lagt fram athugasemdir.
Hægt er að skoða tillöguna hjá
Skipulagsstofnun í Reykjavík og
skoða matsáætlunina á vef Vega-
gerðarinnar www.vegagerdin.is.
Athugasemdir skulu vera skrifleg-
ar og berast eigi síðar en 20. nóv-
ember til Skipulagsstofnunar. Þar
fást ennfremur nánari upplýsingar
um mat á umhverfisáhrifum.
Umhverfisáhrif Norð-
fjarðarganga skoðuð
Morgunblaðið/Steinunn Ásmundsdóttir
Veggöng Áætlun um mat á um-
hverfisáhrifum vegna Norðfjarð-
arganga lítur nú dagsins ljós.
Eftir Kristínu Ágústsdóttur
Neskaupstaður | Nýstofnuð íbúa-
samtök í Neskaupstað stóðu fyrir
sínum fyrsta fundi nýverið. Þangað
voru embættismenn og pólitíkusar
boðaðir til að gera íbúum grein fyrir
nýlegri ákvörðun bæjarstjórnar
Fjarðabyggðar um að byggja nýjan
leikskóla á Eyrinni svokölluðu eða
Nesinu, sem Neskaupstaður er
kenndur við. Undanfarna áratugi
hefur Eyrin verið athafnasvæði fyr-
ir þungaiðnað, s.s. bílastæði, véla-
verkstæði, bátaslipp og fleira, auk
þess sem elstu hús bæjarins standa
þar, í misgóðu ástandi. Á liðnum ár-
um hefur starfsemin á Eyrinni
heldur dalað og svæðið mátt muna
fífil sinn fegurri.
Snjóflóðahætta setur skorður
Lengi hefur verið þörf á nýjum
leikskóla í Neskaupstað, en biðlistar
síðustu ára verið leystir með bráða-
birgðalausnum, eins og færanlegri
viðbyggingu við gamla leikskólann
og undanfarin þrjú ára hafa elstu
börnin verið í gömlu skólahúsnæði á
Kirkjumel í Norðfjarðarsveit. Það
hefur verið síður en svo einfalt mál
að finna nýjum leikskóla stað í bæj-
arfélaginu, enda setur snjóflóða-
hættumat landnýtingu verulega
þröngar skorður og erfitt hefur
reynst að finna nægjanlega stóra
lóð þar sem heimilt er að byggja
leikskóla. Segja má að um tíma hafi
verið pattstaða í málinu.
Það var ekki fyrr en Hafnar-
stjórn Fjarðabyggðar tók þá
ákvörðun að slippurinn væri orðinn
barn síns tíma og það væri í raun
skynsamlegt að hann viki í þágu
gagnlegrar uppbyggingar í bæjar-
félaginu, að skriður komst á málið.
Að sögn Smára Geirssonar, for-
manns hafnarstjórnar, finnst mönn-
um sárt að horfa á eftir slippnum
sem er hluti af atvinnusögu Norð-
fjarðar, en menn hafi einungis
horfst í augu við staðreyndir og þær
væru einfaldlega ekki alltaf
skemmtilegar.
Í nálægð við skólastofnanir
Milli 30 og 40 manns mættu á
fundinn og lýstu flestir mikilli
ánægju með að loksins væri komin
niðurstaða í málefnið og að svæðið
væri á margan hátt spennandi kost-
ur fyrir leikskóla, m.a. verður hann
í mikilli nálægð við aðrar skóla-
stofnanir bæjarfélagsins; grunn-
skóla, framhaldsskóla og íþróttahús.
Fram kom í máli Helgu Jóns-
dóttur, bæjarstjóra Fjarðabyggðar,
að hún teldi mögulegt að leikskólinn
yrði tekinn í notkun árið 2009.
Eyrin með sína gömlu
sögu fær nýtt hlutverk
Morgunblaðið/Kristín Ágústsdóttir
Ánægja Gestir fyrsta fundar nýrra íbúasamtaka í Neskaupstað lýstu skoð-
unum sínum á fyrirkomulagi leikskólareits á Eyrinni fyrir nýjan leikskóla.
Nýr leikskóli
opnaður fyrir 2009?
Í HNOTSKURN
»Ný íbúasamtök í Neskaup-stöð fjölluðu á fyrsta fundi
sínum um hugmyndir að nýj-
um leikskóla á Eyrinni, en
brýnt er að bæta aðstöðu.
»Leikskólinn mun standanálægt öðrum skólastofn-
unum og íþróttahúsi og þykir
flestum staðsetningin jákvæð.
Egilsstaðir | Lára Vilbergsdóttir
sýnir nú á Bláþræði í Gallerí
Bláskjá á Egilsstöðum. Sýningin
nefnist Sveifla haka og rækta nýjan
skóg og stendur hún til 25. nóv-
ember nk. Í tilkynningu frá Bláskjá
segir að Lára hafi undanfarin ár
boðið upp á aðventusýningar með
sérstakri stemningu og sýningin nú
verði enginn eftirbátur þeirra. Nú
bregður Lára sér í hlutverk nútíma
skógarbónda og út frá þeim for-
sendum að við mennirnir mann-
gerum allt hefur hún ræktað eigin
skóg inni í rými Bláþráðar. Sýn-
inguna tileinkar Lára góðum vini,
Árna Margeirssyni, sem lést úr
krabbameini langt fyrir aldur fram.
Lára hefur tekið þátt í og staðið
fyrir fjölmörgum samsýningum en
þessi sýning hennar á Bláþræði er
fyrsta einkasýn-
ingin. Lára hefur
verið prímus
mótor Ormsteitis
undanfarin ár, er
textílkennari við
Menntaskólann á
Egilsstöðum og
stofnandi Ran-
dalín handverks-
húss og Húss
handanna.
Bláþræði verður 25. nóvember
nk. breytt í jólabúð þar sem m.a.
hönnun, fatnaður á konur og börn,
skart og glingur og leikföng frá
börnum náttúrunnar verður til
sölu. Jólabúðin verður uppi út des-
ember.
Gallerí Bláskjár hefur opnað vef-
inn www.blaskjar.net.
Lára á Bláþræði
Lára
Vilbergsdóttir
HAFIST verður handa í dag við að
búta niður fiskiskipið Hegranes í
Krossanesi. Þar hefur lítið fyrirtæki
í Kópavogi, JPP, fengið aðstöðu til
brotajárnsvinnslu í samstarfi við
tvö sænsk fyrirtæki sem hafa mikla
reynslu á þessu sviði að sögn Jóns
Péturs Péturssonar, eiganda JPP.
„Þetta er í fyrsta skipti sem skip
verða bútuð niður hér heima,“ sagði
Jón Pétur í samtali við Morgun-
blaðið. „Hingað til hafa þau verið
dregin úr landi til niðurrifs og ég er
ansi hræddur um að þessi verðmæti
hafi oft farið fyrir lítið. Mann hafa
verið fegnir að losna við skipin og
jafnvel þurft að borga fyrir dráttinn
út.“ Hann segist sjálfur lengi hafa
litið á slíkt stál sem drasl en hinir
sænsku samstarfsmenn hans full-
vissað hann um annað. „Ég hef ver-
ið í samstarfi við Svíana með annað
og þeir hafa lengi talað um þetta
við mig og á endanum sló ég til.“
Jón Pétur segir Akureyringa, ekki
síst hafnaryfirvöld, hafa tekið þeim
geysilega vel og það hafi tekið
skamman tíma að fá aðstöðuna og
gera allt klárt.
„Þeir sem hafa keypt stál hingað
til hafa alltaf talað um stálið eins og
það væri lítils virði og þess vegna
jafnvel fengið það frítt. En þetta er
verðmæti; hráefni sem við erum til-
búnir að greiða fyrir,“ sagði Jón
Pétur. Fyrirtækið á von á fleiri
skipum í Krossanes, nokkur bíða
þegar og þeir leita að enn fleirum
til kaups, auk þess sem Jón Pétur
segist hafa áhuga á því að kaupa
ýmislegan lausan brotamálm af
öðru tagi.
Að sögn Jóns Pétur verða að lík-
indum bútuð niður eitt til tvö skip í
mánuði. „Litlir bátar hverfa á
nokkrum dögum en stórir togarar á
um það bil þremur vikum.“
Fjórtán starfsmenn eru þegar í
Krossanesi á vegum þeirra Jóns
Péturs; einn Pólverji og 14 Litháar,
og von er á átta til viðbótar. „Þeir
eru sérstaklega þjálfaðir í þessu –
vanir að brenna niður verksmiðjur
og skip.“ Jón Pétur segir einmitt að
hans menn muni taka niður þann
hluta af gömlu verksmiðjuhúsunum
í Krossanesi, sem eigi að hverfa.
Auk þess að selja brotajárn utan
hyggjast Jón Pétur og samstarfs-
menn einnig selja notuð skip úr
landi, til frekari nota.
Búta niður skip
til útflutnings
Morgunblaðið/Skapti Hallgrímsson
Krossanes Hegranes og Margrétin
við bryggjuna í Krossanesi í gær.
Í HNOTSKURN
»Jón Pétur og félagar hanskeyptu togarann Margréti
EA af Samherja og er skipið nú
við bryggju í Krossanesi. Það
verður þó ekki selt í brotajárn
heldur notað sem hótel, birgða-
stöð og skrifstofur, við bryggj-
una. Þar munu t.d. allir starfs-
menn fyrirtækisins búa.
SÝNING um ævi og störf hins kunna jesúítaprests og
barnabókahöfundar Jóns Sveinssonar, Nonna, hefur ver-
ið opnuð á Amtsbókasafninu. Næstkomandi föstudag, 16.
nóvember, verða 150 ár liðin frá fæðingu hans og unnu
konur í Zontaklúbbi Akureyrar sýninguna af því tilefni.
Sigrún Björk Jakobsdóttir bæjarstjóri opnaði sýninguna
og er hér ásamt Brynhildi Pétursdóttur, safnverði
Nonnahúss. Zontaklúbburinn hefur rekið Nonnasafnið
frá stofnun, í 50 ár, en hefur nú fært Akureyrarbæ það að
gjöf og bærinn tekur við rekstri safnsins um áramótin.
Morgunblaðið/Skapti Hallgrímsson
150 ár frá fæðingu Nonna
KYNNINGAR- og umræðufundur um geðhvörf verður á Amtsbókasafninu
í kvöld kl. 20. Clare Dickens, móðir Titus Dickens sem greindist með sjúk-
dóminn 16 ára, segir frá reynslu sinni og Títusar sonar síns; glímunni við
sjúkdóminn og kerfið. Mæðginin hófu ritun bókarinnar saman en hann
svipti sig lífi áður en verkinu var lokið. Clare og eiginmaður hennar
bjuggu um nokkurra ára skeið á Íslandi, þegar þau störfuðu í sendiráði
Bandaríkjanna og umrædd bók var að koma út hjá JPV. Kjartan Þór-
arinsson leikari og góður vinur Títusar les valda kafla úr bókinni og Sig-
ursteinn Másson segir sína sögu og lýsir eigin reynslu af íslenska geðheil-
brigðiskerfinu. Fundurinn er öllum opinn.
Þegar ljósið slokknar: kynningar-
og umræðufundur um geðhvörf
SKÓLANEFND heldur opinn fund
um málefni leikskóla og grunnskóla
í Lundarhverfi, í sal Lundarskóla í
kvöld kl. 20-22. Tilgangur fund-
arins er að heyra í foreldrum,
starfsmönnum og öðrum bæj-
arbúum um málefni skólanna og
safna þannig efni í sarpinn fyrir
frekari stefnumótun um starfsemi
þeirra.
Fundur um
skólamál