Morgunblaðið - 13.11.2007, Page 16

16 ÞRIÐJUDAGUR 13. NÓVEMBER 2007 MORGUNBLAÐIÐ
ERLENT
Íslamabad, London. AFP. | Líklegt er
að þingkosningar sem ráðgerðar
eru í Pakistan í janúar verði
hvorki frjálsar né sanngjarnar
vegna neyðarlaga og nýrra laga
sem heimila að óbreyttir borgarar
verði dregnir fyrir herdómstóla,
að sögn stjórnmálaskýrenda.
Pervez Musharraf, forseti Pak-
istans, hét því á sunnudag að
kosningar færu fram fyrir 9. jan-
úar en gaf til kynna að neyð-
arlögin yrðu ekki afnumin fyrir
kjördaginn. Á sérstökum fundi ut-
anríkisráðherra breska samveld-
isins í London í gær var ákveðið
að veita Musharraf tíu daga frest
til að eflétta
neyðarlögunum
ella verði Pak-
istan rekið úr
samveldinu. Þá
var þess krafist
að Musharraf
láti af embætti
yfirmanns hers-
ins í Pakistans.
Um helgina
hafði verið tilkynnt að Musharraf
hefði breytt lögum um herinn frá
árinu 1952 og mannréttinda-
hreyfingar segja að breytingarnar
feli í sér að herinn fái mjög víð-
tæka heimild til að draga óbreytta
borgara fyrir rétt og dæma þá fyr-
ir landráð og uppreisnaráróður.
Musharraf sagði að markmiðið
með breytingunum væri að gera
hernum kleift að hneppa hryðju-
verkamenn í fangelsi. Áður hafði
hann sagt að neyðarlögin væru
nauðsynleg vegna hættunnar sem
stafaði af íslömskum öfgamönnum.
Mannréttindahreyfingar og
stjórnarandstöðuflokkar hafa mót-
mælt lagabreytingunum og segja
að herinn geti misnotað þær í því
skyni að kveða niður hvers konar
andóf gegn Musharraf.
Nokkur dagblöð í Pakistan
sögðu í forystugreinum í gær að
neyðarlögin hefðu þegar grafið
undan forsendum frjálsra og lýð-
ræðislegra kosninga – frjálsum
fjölmiðlum og frelsi til að halda
pólitíska fundi.
„Samkvæmt lögunum um her-
inn er nú hægt að handtaka hvern
sem er vegna þess að þau eru of
óljós,“ sagði stjórnmálaskýrand-
inn Talat Masood, fyrrverandi
hershöfðingi. „Frjálsar og lýðræð-
islegar kosningar voru þegar
orðnar ómögulegar vegna neyð-
arlaganna, afnáms stjórnarskrár-
innar og breytinga á dómstól-
unum.“
Kosningarnar ekki frjálsar
Pakistan hótað
brottrekstri úr
breska samveldinu
Pervez Musharraf
Í HNOTSKURN
» Benazir Bhutto, fyrrver-andi forsætisráðherra
Pakistans, sagði í gær að ekki
kæmi lengur til greina að
semja við Pervez Musharraf
forseta um að þau deildu með
sér völdunum eftir kosn-
ingar. Hún gaf til kynna að
flokkur hennar myndi ekki
taka þátt í kosningunum
nema herlögin yrðu afnumin.
» Yfirvöld bönnuðu í gærmótmælagöngu sem
Bhutto hugðist hefja í dag.
Og Bhutto var í gærkvöldi
hneppt á ný í stofufangelsi.
Gazaborg. AFP. | Lögreglumenn
Hamas-hreyfingarinnar skutu sjö
menn til bana í Gazaborg í gær þegar
hundruð þúsunda manna söfnuðust
þar saman til að minnast þess að
þrjú ár eru liðin frá dauða Yassers
Arafats.
Um 130 manns til viðbótar særð-
ust þegar lögreglumennirnir hófu
skothríð á mannfjöldann. Talsmaður
Fatah, flokks Arafats, sagði að allt
að hálf milljón manna hefði mætt á
útifundinn og er þetta fjölmennasti
fundur á vegum Fatah í Gazaborg
frá því að Hamas-hreyfingin komst
til valda á Gazasvæðinu í júní.
Azzam Ahmed, formaður þing-
flokks Fatah, sagði að ekki kæmi til
greina að hefja samningaviðræður
við Hamas-hreyfinguna eftir blóðs-
úthellingarnar. „Ég er viss um að
palestínska þjóðin mun losa sig við
þessa hreyfingu og að blóð píslar-
vottanna magni andstöðuna gegn
henni.“
Sjö féllu
í árás í
Gazaborg
Reuters
Blóðug árás Palestínumenn bera mann sem særðist í skotárás lögreglumanna Hamas-hreyfingarinnar á
fólk sem tók þátt í útifundi Fatah-hreyfingarinnar í Gazaborg í gær.
Eftir Ágúst Ásgeirsson
agas@mbl.is
VERULEGA reynir á áform
Nicolas Sarkozy Frakklandsfor-
seta um breytingar í lífeyrismálum
og á vinnumarkaði næstu daga.
Stéttarfélög hyggjast lama sam-
félagið með verkföllum í sam-
göngukerfinu og járnbrautar-
starfsmenn ríða á vaðið í kvöld.
Ríkisstjórnin segist hvergi hvika
og Francois Fillon forsætisráð-
herra segir þjóðina hafa lýst sig
samþykka umbótunum með kjöri
Sarkozy sem forseta sl. vor.
Járnbrautarstarfsmenn leggja
niður vinnu í kvöld og boða aðgerð-
ir í sólarhring, en talið er að þær
geti allt eins varað í nokkra daga.
Sjö stéttarfélög járnbrautar- og
strætisvagnastarfsmanna af átta
standa að verkfallinu. Sams konar
aðgerðir þeirra fyrir mánuði ollu
mikilli röskun.
Á morgun lamast neðanjarðar-
lestir Parísar og strætisvagnar er
starfsmenn þeirra bætast í hópinn.
Samdægurs hefjast verkföll hjá
orkufyrirtækjum ríkisins, gas- og
raforkufyrirtækjunum EDF og
GDF, með hugsanlegum raf-
magnstruflunum. Til þeirra er efnt
í mótmælaskyni við boðaða fækkun
opinberra starfsmanna.
Kennarar boða verkfall
Kennarar áforma verkfall á
þriðjudaginn kemur, hið fyrsta frá
2002, í mótmælaskyni við breyting-
ar í menntakerfinu sem taldar eru
munu leiða til fækkunar kennara.
Sama dag ætla dómarar og
starfsmenn dómstóla að fara á göt-
ur út í mótmælaskyni við víðtæka
uppstokkun í dómstólakerfinu.
Loks hafa stúdentar andæft ný-
settum lögum er veita háskólum
aukið sjálfsforræði undanfarna
daga. Boða stúdentafélög við 13
háskóla þátttöku í verkföllum á
morgun.
Megin tilgangur lestarverkfall-
anna er að koma Sarkozy og end-
urbótum hans í lífeyris- og vinnu-
markaðsmálum útaf sporinu. Í
nafni samfélagslegs jafnræðis og
sanngirni stendur forsetinn fastur
fyrir og ríkisstjórn hans einnig.
Starfsmenn járnbrautanna og
orkufyrirtækjanna krefjast þess
að ekki verði hróflað við sérstökum
lífeyrisréttindum þeirra. Þau ætlar
ríkisstjórnin að afnema og gera
viðkomandi að greiða jafn lengi í
lífeyrissjóði og aðrir opinberir
starfsmenn og starfsmenn einka-
fyrirtækja, eða í 40 ár í stað 37,5
ára.
Deilt um lífeyrisforréttindi
Ljóst þykir að mikil ólga verði í
Frakklandi næstu daga. Spurning
er hvort stórsjóir rísi og nái að
brjóta á skútu Sarkozy og lama til-
raunir hans til að blása nýjum
þrótti í hagkerfið. Hann þykir hafa
gefið eftir í síðustu viku er hann
kom eftir hörð mótmæli til móts við
kröfur sjómanna á Bretaníuskaga
um fjárhagslega aðstoð vegna olíu-
verðshækkunar.
Að þessu sinni segir forsetinn,
að undanlátssemi við stéttarfélögin
muni kalla yfir Frakka frekari fá-
tækt, atvinnuleysi og tryggja að
landið dragist enn frekar aftur úr í
alþjóðlegri samkeppni.
Sambærilegar tilraunir til að
uppræta lífeyrisforréttindin árið
1995 fjöruðu út. Eftir umfangsmik-
il verkföll í þrjár vikur hvarf stjórn
Alain Juppe frá því verkefni.
Deilan snýst um forréttindi 1,6
milljóna manna. Í krafti þeirra
geta sumar stéttir járnbrautar-
manna farið á full eftirlaun við 50
ára aldur. Hálf milljón starfs-
manna greiðir iðgjöld í viðkomandi
lífeyrissjóði en 1,1 milljón nýtur líf-
eyris úr þeim. Árlega hefur vantað
um fimm milljarða evra inn í sjóð-
ina til að þeir kæmu út á sléttu.
Hallinn hefur fallið á skattgreið-
endur.
Með stuðningi og þátttöku fleiri
starfsstétta en í samgönguverkföll-
um fyrir mánuði hafa verið taldar
líkur á því að verkföll vikunnar geti
átt eftir að leiða til almennra
fjöldamótmæla gegn ríkisstjórn-
inni. Engar vísbendingar eru um
það sem stendur. Miklu skiptir
hvernig til tekst næstu tvo daga;
hvort þátttaka starfsmanna sam-
göngukerfisins verði jafn almenn
nú og í verkfallsaðgerðum fyrir
tæpum mánuði – hvort þeir snúi til
vinnu eftir sólarhring eða haldi að-
gerðum áfram.
Ætla að lama franska samfélagið með verkföllum í samgöngukerfinu
Stéttarfélög reyna að setja
Sarkozy út af sporinu
Caracas. AFP. | Hugo
Chavez, forseti Vene-
súela, sagði í gær að Jó-
hann Karl Spánarkon-
ungur hefði verið
heppinn að hann heyrði
ekki þegar Jóhann Karl
sagði honum að „halda
kjafti“ á fundi ríkja
rómönsku Ameríku og
Íberíuskagans í Chile
um helgina.
„Eitt er víst að ég heyrði ekki í honum.
Hann var heppinn, þessi herra, Jóhann
Karl. Ég veit ekki hvað ég hefði látið
flakka,“ sagði Chavez við komuna heim til
Caracas, höfuðborgar Venesúela, í gær.
„Það er enginn vafi á því að þegar Jóhann
Karl af ætt Búrbóna sprakk úr reiði í kjöl-
far yfirlýsinga frumbyggja og indjána
[Chavez] þá sprungu fimm hundruð ár ný-
lendukúgunar jafnframt upp í loft,“ bætti
Chavez við.
Jóhann Karl
var heppinn
Hugo Chavez
KARLMAÐUR reyndi að ráðast á Angelu
Merkel, kanslara Þýskalands, þegar hún
tók á móti Nicolas Sarkozy, forseta Frakk-
lands, í Berlín um miðjan dag í gær. Á
sjónvarpsmyndum sást þegar maðurinn
gerði skyndilega hróp að Merkel og
reyndi að ná til hennar þegar hún gekk
framhjá. Öryggisverðir stöðvuðu manninn
og fjarlægðu hann.
Þau Merkel og Sarkozy heimsóttu skóla
í Berlín og sátu þar fund um innflytjenda-
mál. Ríkisstjórnir Þýskalands og Frakk-
lands settust síðan á fund í kanslarahöll-
inni í borginni en slíkir fundir eru haldnir
tvisvar á ári.
Reyndi að ráðast
á Angelu Merkel
SÓLARBJÖRNUM,
minnstu bjarndýrum
heimsins, hefur fækkað
um að minnsta kosti
30% á síðustu 30 árum,
að sögn umhverf-
isverndarsamtakanna
International Union for
Conservation of Nature
(IUCN). Er fækkunin
einkum rakin til skóg-
areyðingar og veiða á
sólarbjörnum sem lifa í Suðaustur-Asíu.
„Þótt við eigum margt ólært um vistfræði
þessarar tegundar erum við viss um að
hún á í erfiðleikum,“ hafði fréttavefur
breska ríkisútvarpsins, BBC, eftir einum
sérfræðinga IUCN. Þeir telja að sex af
átta bjarnartegundum heimsins séu í út-
rýmingarhættu.
Sólarbirnir
taldir í hættu
Sólbjarnarhúnn
með mömmu sinni.
YFIRVÖLD í Kambódíu handtóku í gær
hjón, sem voru á meðal forystumanna
stjórnar Rauðu khmeranna illræmdu á ár-
unum 1975-1979, og ákærðu þau fyrir
glæpi gegn mannkyninu. Talið er að
Rauðu khmerarnir hafi orðið um milljón
manna að bana á þessum tíma.
Þau Ieng Sary, fyrrverandi utanrík-
isráðherra, og eiginkona hans, Ieng Thir-
ith, voru flutt í fangelsi í Phnom Penh. Í
dag eiga þau að koma fyrir sérstakan
dómstól sem stofnaður var með stuðningi
Sameinuðu þjóðanna.
Rauðir khmerar
sóttir til saka
STJÓRNARANDSTAÐAN í Georgíu sam-
þykkti í gær að sameinast um einn fram-
bjóðanda gegn Mikhail Saakashvili forseta
í kosningum 5. janúar. Þingmaðurinn Lev-
an Gachechiladze verður forsetaefni
stjórnarandstöðunnar og Salome Zurab-
ishvili, fyrrverandi utanríkisráðherra,
verður forsætisráðherraefni.
Bandaríkjastjórn hvatti í gær Saakas-
hvili til að aflétta neyðarlögum sem hann
setti eftir mótmæli stjórnarandstöðunnar í
vikunni sem leið.
Stjórnarand-
staðan sameinast