Morgunblaðið - 15.05.2008, Blaðsíða 2

2 FIMMTUDAGUR 15. MAÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is
Björn Jóhann Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurð-
ardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is mbl.is netfrett@mbl.is Guðmundur Sv. Hermannsson
fréttastjóri gummi@mbl.is
Eftir Ylfu Kristínu K. Árnadóttur
ylfa@mbl.is
„ÞAÐ er ákveðið áhyggjuefni að líta
til nágrannasveitarfélags okkar,
Reykjavíkur, á það sem er að gerast í
borgarstjórninni,“ sagði Þorgerður
Katrín Gunnarsdóttir menntamála-
ráðherra á fundi sjálfstæðismanna í
Kópavogi í gærkvöldi. „Við líðum
fyrir það að við náum að koma mál-
unum, sem við vinnum að, fram en
ekki nægilega vel á framfæri.“
Þorgerður Katrín sagðist standa
við þau orð sín að Tjarnarkvartettinn
svokallaði hefði aðeins verið fínn á
pappír. „Það var ekkert sem kom frá
þeim kvartett, ekki einu sinni falskur
tónn þessa 100 daga og það segir
mikið um hvernig þessi meirihluti
starfaði.“ Núverandi meirihluti hefði
tekist á við erfið málefni, t.d. biðlista-
vandamál varðandi ung börn, Lauga-
veg 4-6, en hann hefði leyst þau mál.
Því miður virtust þessi mál ekki ná
nægilega vel eyrum almennings.
„Ég hlýt að lýsa yfir ákveðnum
áhyggjum þegar eitt af okkar sterk-
ustu vígjum mælist með 30% í skoð-
anakönnun þegar við erum í meiri-
hluta í Reykjavík. Ég held að það sé
einfaldlega þannig að það verði allir
að líta í eigin barm, ekki bara borg-
arstjórnarfólkið okkar heldur við í
Sjálfstæðisflokknum, og skoða hvað
megi betur gera á þeim vettvangi því
það er hugsanlegt að það sé bara
tímaspursmál hvenær þetta muni
bitna almennt á landsmálapólitík-
inni.“ Þorgerður Katrín sagði hins-
vegar að svo lengi sem flokkurinn
ynni að sínum málefnum eftir sinni
stefnu væri hún bjartsýn. „Við eigum
að halda áfram okkar vinnu, vera ein-
örð en við þurfum að fá skýrar línur í
Reykjavík.“
Ekki fela galla ESB-aðildar
Þorgerður Katrín ræddi að auki
um þau mál á Alþingi sem reynt yrði
að klára fyrir þinglok, líkt og nýja
rammalöggjöf um leik-, grunn- og
framhaldsskóla, orkufrumvarpið og
matvælafrumvarpið. Hún lýsti yfir
ánægju sinni með að Sjálfstæðis-
flokkurinn hefði nú náð hreinum
meirihluta á Akranesi og kom þar að
auki inn á verðbólguógnina sem
reynt væri að ná niður. Þá fjallaði
hún nokkuð um Evrópusambandið
(ESB) og inngöngu í það.
„Ég er eindreginn talsmaður þess
að við förum vel yfir Evrópumálin
öll,“ sagði Þorgerður Katrín en það
væri skylda stjórnmálamanna að
upplýsa samfélagið um kosti og galla
inngöngu í ESB. Hún sagði að sér
hefði fundist á undanförnum vikum
að einungis kostirnir hefðu verið
dregnir fram en gallar fylgdu líka
inngöngu og ekki ætti að fela þá. Tók
hún sem dæmi að aukið atvinnuleysi
myndi fylgja inngöngu í sambandið
auk þess sem matvælaverð myndi að
öllum líkindum hækka.
Þorgerður Katrín sagðist treysta
landsmönnum til að kjósa um inn-
gönguna í þjóðaratkvæðagreiðslu og
nefndi næsta kjörtímabil í því sam-
bandi. Breyta þyrfti stjórnar-
skránni, m.a. hvað varðaði valdsvið
forsetans „vegna þjóðaratkvæða-
greiðslu í tengslum við þau lög sem
hann hefur hafnað af hálfu þingsins“.
Ástandið í borgarstjórn
mikið áhyggjuefni
Morgunblaðið/G. Rúnar
Fundað Þorgerður Katrín Gunnarsdóttir og Gunnar I. Birgisson, bæjarstjóri Kópavogs, á fundi sjálfstæðismanna.
 Tímaspursmál hvenær það bitnar á landsmálapólitíkinni
 Þjóðaratkvæðagreiðsla ætti að ákvarða inngöngu í ESB
LAX-Á, fyrirtæki sem sérhæfir sig í þjónustu
tengdri veiðimennsku, mun ekki endurnýja leigu-
samning sinn við Veiðifélag Miðfjarðarár. Samn-
ingurinn rennur út í sumar, en fyrirtækið hefur
verið leigutaki allra veiðisvæða í Miðfjarðará síðan
árið 2001. Haft var eftir Árna Baldurssyni, for-
stjóra Lax-ár, á vefsíðunni vötnogveiði.is í gær að
með þessu væri Lax-á að hugsa til framtíðar.
Efnahagsástandið í landinu væri með þeim hætti
að fyrirtækið yrði að „gíra sig niður á innanlands-
markaði“.
Ekki tekið mið af efnahagsaðstæðum
Í samtali við Morgunblaðið staðfestir Stefán
Sigurðsson, sölustjóri Lax-ár, að aðalfundur
Veiðifélags Miðfjarðarár hafi hafnað nýjum leigu-
samningi sem í bígerð var milli Lax-ár og stjórnar
veiðifélagsins og sett fram annan í hans stað.
Leigusamningurinn hefur hingað til verið vísitölu-
tryggður og því hækkað með verðlagi. Nýi samn-
ingurinn hafi tekið mið af versnandi verðbólgu-
horfum, leigutökum í hag, en móttillaga
aðalfundar Veiðifélagsins ekki.
Segir Stefán ársleiguna hafa hækkað um ná-
lægt 10 milljónum á síðustu tveimur árum. „Leig-
an var orðin það há að við vorum ekki alveg tilbúin
að halda áfram að láta hana hækka endalaust. Ef
verðbólga heldur áfram eins og hún er í dag gæti
leigan hækkað um 12-13 milljónir í viðbót á einu
ári héðan í frá. Verð er bara orðið ofsalega hátt og
við erum ekki alveg tilbúin að taka þátt í þeirri
þróun,“ segir Stefán. Hann kveður leiguverð á ís-
lenskum veiðiám hafa verið að hækka upp úr öllu
valdi. Nú sé flest að lækka og tími sé kominn á að
árnar fylgi þeirri þróun að einhverju leyti.
Mið tekið af aðstæðum í framtíðinni?
Í frétt vefjarins vötnogveiði.is er því velt upp
hvort útlendingar verði mögulega atkvæðamiklir
aftur í veiðileyfakaupum hér á landi, samhliða
samdrætti innanlands. Íslendingar hafi í uppgangi
síðustu ára ýtt útlendingum út af borðinu að vissu
marki. Eins er því velt upp að aðrir landeigendur
og leigutakar, t.d. við Vatnsdalsá í Húnaþingi, hafi
nýlega framlengt leigusamninga og þá tekið tillit
til breyttra efnahagsaðstæðna.
Lax-á endurnýjar ekki
leigu sína á Miðfjarðará
Í HNOTSKURN
»Lax-á hefur allnokkrar veiðiár á leigu hér-lendis, m.a. Ytri- og Eystri-Rangá, Blöndu,
Víðidalsá og Laxá á Ásum.
»Veiðileyfi í íslenskum laxveiðiám á bestatíma hafa nálægt því þrefaldast í verði á
síðustu fimm árum. Líklegt þykir að það
gangi til baka að hluta á næstu misserum.
Dýrt Veiðileyfi hafa hækkað mikið í verði.
„Gíra sig niður á innanlandsmarkaði“ vegna efnahagsástandsins í landinu
AÐEINS rúmur helmingur, eða 55%
aðspurðra í viðhorfskönnun Capa-
cent Gallup fyrir Vegagerðina, segist
vera frekar eða mjög öruggur á veg-
um landsins. Til samanburðar má
nefna að árið 2005 sögðust tæp 69%
vera örugg eða mjög örugg. Í fyrra
var hlutfall þeirra sem töldu sig
örugga eða mjög örugga þó enn
lægra en í ár, eða 53%, og hefur því
hækkað lítillega síðan þá.
Ófullnægjandi merkingar
Þetta kemur fram í Fram-
kvæmdafréttum Vegagerðarinnar.
Niðurstöður sömu könnunar sýna
einnig að sífellt stærri hópur fólks
telur merkingar á vinnusvæðum
ófullnægjandi. Sá hópur telur nú
rúm 58% en var um 33% í ágúst árið
2006. Einnig var spurt um viðhorf
fólks til hálkuvarna og kom í ljós að
fólk er greinilega óánægt með þær.
Þannig sagði tæpt 61% þær vera
ófullnægjandi en rúmur fjórðungur
vegfarenda taldi þær fullnægjandi.
Margir óttast um
öryggi sitt á vegum
Umferð Einungis 55% telja sig frek-
ar eða mjög örugg á þjóðvegunum.
Morgunblaðið/ÞÖK
♦♦♦
ÞRIGGJA bíla árekstur varð við
Suðurlandsveg rétt vestan Kög-
unarhóls í gærkvöldi. Engin slys
urðu á fólki, en tveir jeppar og einn
fólksbíll áttu hlut að máli. Var
fremsti bíllinn að beygja inn á Suð-
urlandsveg þegar sá aftasti lenti
aftan á þeim í miðjunni og þeytti
honum á þann fremsta. Tvo þeirra
þurfti að flytja af vettvangi með
kranabíl, mikið skemmda.
Þrír bílar
skullu saman
ELDSNEYTISVERÐ hækkaði í
gær, fyrst hjá N1 en öðrum í kjöl-
farið. Bensín hækkaði um 3 kr. hjá
N1 og aðrar olíur um 5 kr. Í gær-
kvöldi var algengt verð í sjálfs-
afgreiðslu hjá Olís 161,9 kr. á lítra
af bensíni og 176,8 kr. á lítrann af
dísil. Hjá Shell gilti sama verð. Á
sjálfsafgreiðslustöðvum Atlantsolíu
og Ego var bensín á 160,2 kr. og
dísilolía á 175,2 kr. Hjá ÓB var
bensín skráð á 157,2 kr. og dísil
170,2. á lítrann, en 157,1 og 170,1
hjá Orkunni.
Bensínverð náði
161,9 kr. á lítra