Morgunblaðið - 15.05.2008, Blaðsíða 20

20 FIMMTUDAGUR 15. MAÍ 2008 MORGUNBLAÐIÐ
HÖFUÐBORGARSVÆÐIÐ
Morgunblaðið/Árni Sæberg
Ónæði Vegfarandi gengur framhjá veitingastaðnum Mónakó við Lauga-
veg en kvartað hefur verið undan gestum staðarins.
ÍBÚAR í nágrenni við veitingastað-
inn Mónakó við Laugaveg í miðbæ
Reykjavíkur sætta sig ekki við að
staðurinn fái að selja áfengi frá klukk-
an 11 á morgnana fram á kvöld og
segja að gestir staðarins valdi miklu
ónæði fyrir utan sóðaskapinn og
óþægindin sem flestum þeirra fylgi.
Snemma árs afturkallaði lögreglu-
stjóri afgreiðsluleyfið til klukkan sjö á
kvöldin en ákvörðunin var kærð og
meðan málið er í vinnslu hjá dóms-
málaráðuneytinu er staðurinn opinn
sem fyrr.
Verslunareigendur, starfsfólk og
íbúar í nágrenni við veitingastaðinn
Mónakó eru orðnir frekar leiðir á að
hafa ólánsfólk, sem staðinn sækir, yfir
sér frá morgni til kvölds alla daga vik-
unnar með öllu því ónæði sem því
fylgir. Fólk sé stundum ofurölvi með
drykkjulæti fyrir utan frá klukkan 11
á morgnana, mígi þar sem það sé statt
og sofi áfengisdautt í undirgangi og
görðum. Eftir að reykingabann hafi
tekið gildi á veitingastöðum hafi gest-
um Mónakó verið gert mögulegt að
fara út um neyðardyr út í undirgang á
milli staðarins og næsta íbúðarhúss
og þar safnist oft fyrir hópur ógæfu-
fólks beint fyrir neðan svefnherberg-
isglugga í þremur íbúðum. Þessi
truflun geri ástandið í íbúðunum
óbærilegt og fólk veigri sér jafnvel við
að fara þarna um.
Brennivín og dóp
Viðmælandi segir að ekki aðeins sé
um drykkjufólk að ræða heldur líka
dópista og ekki fari framhjá neinum
hvað þarna sé í gangi. Ráðist hafi ver-
ið á afgreiðslufólk í nágrenninu og
íbúum og öðrum hótað öllu illu. Hins
vegar beri að halda því til haga að inn-
an um sé algerlega meinlaust fólk,
sem sé eingöngu í spilakössum stað-
arins.
Daglegt eftirlit
Geir Jón Þórisson yfirlögreglu-
þjónn segir að síðan í fyrra hafi lög-
reglan verið með daglegt eftirlit með
Mónakó og rekstrarfyrirkomulagið
hafi lagast síðan. Í samvinnu við
rekstraraðila hafi verið tekið á þeim
einstaklingum sem hafi verið mest til
vandræða og miðað við í fyrra hafi
skapast nokkur ró en ljóst væri hvaða
viðskiptavinir sæktu í vökvann klukk-
an 11 að morgni. Þegar kvartanir
bærust væri haft samband við rekstr-
arstjórann sem þá vísaði mönnum út
og þá gæti skapast ónæði fyrir utann
staðinn. Í byrjun árs hefði lögreglu-
stjóri tekið ákvörðun um að afturkalla
afgreiðsluleyfi á Mónakó frá klukkan
11 til klukkan sjö að kvöldi en rekstr-
araðili hefði kært þá ákvörðun til
dómsmálaráðuneytisins og ráðuneyt-
ið kveðið á um að afgreiðslutími
skyldi vera óbreyttur meðan umsögn-
in væri í gangi.
Sambærileg vandamál eru vegna
staðanna Monte Carlo við Laugaveg
og Kaffi Stígs við Rauðarárstíg og
segir Geir Jón að leyfismál þeirra
staða séu í umsagnarferli hjá lög-
reglustjóra.
Í dómsmálaráðuneytinu fengust
þær upplýsingar að í lok mars hefði
verið frestað réttaráhrifum þeirrar
niðurstöðu að takmarka veitingatíma
áfengis í veitingastaðnum Mónakó á
meðan málið sé til meðferðar í ráðu-
neytinu, en hugsanlega liggi niður-
stöður fyrir í júní.
Þreyta vegna ógæfufólks
við svefnherbergisglugga
Afgreiðslutími
veitingastaðarins
Mónakó á Lauga-
vegi til skoðunar
KEILISMENN í Hafnarfirði segja
að flöt 8. brautar á Hvaleyrarholts-
velli sé ein sú erfiðasta á vellinum
og ekki hefur ný tjörn auðveldað
kylfingum leikinn. Tilgangurinn
helgar meðalið og auk þess að vera
hindrun skammt frá flötinni er
tjörnin hugsuð sem uppistöðulón
vegna vökvunar á golfvellinum.
Alcan á Íslandi bauð Keilis-
mönnum að nýta kælivatn úr ál-
verinu í Straumsvík með fyrr-
nefndum hætti og greiðir
fyrirtækið allan kostnað vegna
verksins. Vatnið hefur farið beint í
sjóinn en kemur til með að nýtast
Keili við vökvun og fleira.
Framkvæmdir á vellinum hófust
eftir páska og er stefnt að verklok-
um 1. október. Ólafur Ágústsson,
vallarstjóri Keilis, segir að fram-
kvæmdir hafi byrjað á vellinum til
að trufla ekki golfvertíðina. Öllum
framkvæmdum við tjörnina sé lok-
ið sem og frárennsli þaðan. Verið
sé að leggja vatnsleiðsluna með-
fram Reykjanesbraut og inn í ál-
verið þar sem hún tengist dælu-
búnaði.
8. holan er í hrauninu og er
tjörnin staðsett til hægri þar sem
brautin beygir til vinstri. Ólafur
segir að vatnið frá álverinu sé allt
að 23 gráðu heitt en með því að
halda því í tjörninni í einhvern
tíma sé hægt að stjórna hitastiginu
áður en vatninu sé dælt inn í vökv-
unarkerfið. Það sé nauðsynlegt því
ekki sé æskilegt að vökva með of
heitu vatni.
Morgunblaðið/Golli
Fegurð Flötin á 8. holu á Hvaleyrarvelli þykir ein sú erfiðasta á vellinum
og nýja tjörnin auðveldar kylfingum ekki lífið í fögru umhverfinu.
Ný hindrun og
tjörn á 8. braut
TAP hefur verið á rekstri Akureyrar
– handboltafélags, sameiginlegs liðs
KA og Þórs, síðan til samstarfsins
var stofnað fyrir tveimur árum. Fé-
lagið mun skulda hátt í 20 milljónir
króna en Stefán Gunnlaugsson, ný-
kjörinn formaður KA, segir þó eng-
an uppgjafartón í mönnum, en líta
verði raunsætt á stöðuna.
„Við verðum að byrja á því að
komast að því hverjar skuldirnar eru
nákvæmlega og reyna að ná samn-
ingum um þær,“ sagði Stefán í viðtali
við Morgunblaðið í gær, en félögin
tvö hafa boðað til almenns fundar um
stöðu handboltans á Akureyri í kaffi-
teríu Íþróttahallarinnar í dag kl.
18.00. Stefán segir að aðalstjórnir fé-
laganna, fráfarandi stjórnarmenn
Akureyrar og þeir sem koma nýir í
stjórn verði að taka höndum saman
og leysa vandann. „Ég vonast líka til
þess að samstaða náist um þetta hjá
almennum félagsmönnum beggja fé-
laga.“
Stefán bendir á að tekjur Akur-
eyrar – handboltafélags hafi verið
miklar en kostnaðurinn einfaldlega
líka. „Þeir peningar sem koma inn á
næstunni verða notaðir til þess að
gera upp við alla; leikmenn, þjálfara
og aðra sem eiga inni hjá félaginu, og
það er alveg ljóst að skera verður
niður kostnað næsta vetur. Öðru vísi
eigum við enga möguleika. Ég mun
líka leggja til að KA yfirtaki kvenna-
handboltann aftur, því hann hefur
verið of þungur baggi fyrir þetta fé-
lag.“
Stefán segir menn vonsvikna
vegna fjárhagsstöðunnar en vanda-
málið verði að leysa. Ekki þýði að
hætta og færa skuldirnar yfir á fé-
lögin því þau geti ekki greitt þær.
„Það var bent á það á fundi hjá okkur
KA-mönnum [í fyrradag] að það var
líka bullandi tap á handboltanum hjá
okkur þegar velgengnin var mest.“
Umrætt vandamál sé því ekki nýtt.
„Það er ljóst að þeir peningar sem
koma inn í haust verða að fara í að
greiða niður skuldir. Það verður
kannski erfitt að fá menn til að spila
ef engir peningar verða til fyrr en
eftir áramót, en þeir sem semja vita
þó að minnsta kosti að hverju þeir
ganga,“ sagði Stefán.
„Verðum að
standa saman“
Áfram Verðum að greiða niður
skuldir, segir Stefán Gunnlaugsson.
Í HNOTSKURN
»Stofnað var til Akureyrar –handboltafélags, sameig-
inlegs liðs KA og Þórs, fyrir
tveimur árum. Liðið hefur teflt
fram meistaraflokkum karla og
kvenna, 2. flokki karla og ung-
lingaflokki kvenna.
HARALDUR Helgason varð í gær fyrsti heiðursfélagi
Samfylkingarinnar á Akureyri. Jón Ingi Cæsarsson,
formaður félagsins, tilkynnti það í hófi á heimili Har-
alds síðdegis og Ingibjörg Sólrún Gísladóttir, formaður
flokksins, afhenti honum skjöld því til staðfestingar.
Eins og greint var frá í Morgunblaðinu hélt Haraldur
upp á það í gær að þá voru nákvæmlega 60 ár liðin frá
því hann og Áslaug heitin Einarsdóttir, eiginkona hans,
fluttu inn í húsið þar sem hann býr enn, Goðabyggð 2,
sem og það að 75 ár eru frá því hann hóf störf í Kjötbúð
KEA. Halli hefur verið sölumaður allan þann tíma og
selur enn kjöt fyrir Kjarnafæði hvern virkan dag. Halli
hefur víða komið við; hann var t.d. formaður Íþrótta-
félagsins Þórs í 20 ár eins og fram kom í blaðinu í gær
og þá söng hann lengi með Karlakórnum Geysi, og
gamlir kórfélagar voru einmitt á meðal fjölmargra sem
sóttu hann heim í gær. Og lagið var auðvitað tekið; allir
viðstaddir sungu Hvað er svo glatt, að undirlagi Ingva
Rafns Jóhannssonar, fyrrverandi kórfélaga Halla.
Í kjötinu Haraldur með Eiði Gunnlaugssyni, einum eig-
enda Kjarnafæðis. Halli selur enn kjöt frá fyrirtækinu.
Morgunblaðið/Skapti Hallgrímsson
Hann lengi lifi! Ingibjörg Sólrún Gísladóttir, formaður Samfylkingarinnar, hyllti Harald og fékk viðstadda til að
hrópa ferfalt húrra. Á milli þeirra er Kristján L. Möller, leiðtogi flokksins í kjördæminu og samgönguráðherra.
Haraldur heiðursfélagi
AKUREYRI