Morgunblaðið - 16.05.2008, Síða 14
14 FÖSTUDAGUR 16. MAÍ 2008 MORGUNBLAÐIÐ
ALÞINGI
Eftir Höllu Gunnarsdóttur
halla@mbl.is
LJÓST er að ekki verður efnt til
þjóðaratkvæðagreiðslu um mögu-
lega Evrópusambandsaðild á þessu
kjörtímabili og eigi Sjálfstæðisflokk-
urinn að hafa forystu um slíka at-
kvæðagreiðslu þyrfti hann að hafa
mótað sér aðra stefnu en hann hefur
í dag. Þetta kom fram í svari Árna
M. Mathiesen fjármálaráðherra við
fyrirspurn Valgerðar Sverrisdóttur,
þingmanns Framsóknarflokks, á Al-
þingi í gær. Valgerður sagði reglu-
lega hafa komið fram hjá þingmönn-
um Sjálfstæðisflokksins að meta eigi
kosti og galla aðildar að ESB. „Þetta
er náttúrlega
stórfrétt því að
það hefur ekki
mátt tala um Evr-
ópusambandið í
Sjálfstæðis-
flokknum,“ sagði
Valgerður og
vakti athygli á
ummælum vara-
formanns Sjálf-
stæðisflokksins um að flokkurinn
eigi að hafa forystu í umræðu um
Evrópumál og að kjósa eigi um aðild
á næsta kjörtímabili. „Er hæstvirtur
fjármálaráðherra ósammála hæst-
virtum menntamálaráðherra um að
það eigi að kjósa um það á næsta
kjörtímabili hvort við gerumst aðilar
að Evrópusambandinu?“ spurði hún.
Ekki breyting á næstunni
Árni sagði ótímabært að ræða
tímasetningu fyrir þjóðaratkvæða-
greiðslu og að óljóst væri hvort hún
ætti að fara fram. „Ef Sjálfstæðis-
flokkurinn væri í forystu fyrir slíkri
atkvæðagreiðslu þyrfti hann að hafa
mótað sér nýja stefnu og aðra stefnu
en hann hefur í dag og það þyrfti að
liggja ljóst fyrir að flokkurinn ætlaði
að leggja til að þjóðin gengi í Evr-
ópusambandið. Þá stefnu hefur
flokkurinn ekki markað sér og ég sé
ekki fyrir mér að það gerist alveg á
næstunni,“ sagði Árni.
Ekki kosið um ESB á
þessu kjörtímabili
Þyrfti stefnubreytingu hjá Sjálfstæðisflokki til, segir Árni M.
Árni M. Mathiesen
SKOÐA þarf hvort leggja eigi niður
embætti ríkislögreglustjóra í núver-
andi mynd, sagði Lúðvík Berg-
vinsson, þing-
flokksformaður
Samfylkingarinn-
ar, í utan-
dagskrár-
umræðum í gær.
„Staðreyndin er
sú að fólkið í
þessu landi vill
grenndarlög-
gæslu fyrst og
fremst. Það vill
vita af sínum lög-
gæslumönnum en ekki hafa miðlæga
löggæslu langt frá sinni heimabyggð
og það er það sem við þurfum að
sjá,“ sagði hann.
Utandagskrárumræðan fjallaði í
reynd um lögreglustjóraembættið á
Suðurnesjum og Birni Bjarnasyni
dómsmálaráðherra þótti skjóta
skökku við að ræða embætti ríkislög-
reglustjóra í því samhengi. Hann
myndi hins vegar ekki skorast undan
að taka þá umræðu væri þess óskað
en ef vandamálið varðandi skipu-
lagsbreytingar á Suðurnesjum
tengdist ríkislögreglustjóra væri það
algjört nýmæli.
Siv Friðleifsdóttir, þingmaður
Framsóknarflokks og málshefjandi,
sagði Lúðvík með þessum ummæl-
um gefa dómsmálaráðherra á lúður-
inn með stálkrepptum hnefanum.
„Þetta er bara ippon hjá talsmanni
Samfylkingarinnar,“ sagði Siv.
Frumvarp um uppstokkun lög-
regluembættisins á Suðurnesjum er
enn til meðferðar hjá Samfylking-
unni en þingmenn hennar ítrekuðu
efasemdir sínar í umræðunum í gær.
Embætti
ríkislög-
reglustjóra
lagt niður?
Lúðvík
Bergvinsson
GUÐLAUGUR Þór Þórðarson heil-
brigðisráðherra hefur lagt fram
frumvarp á Alþingi um að einhleyp-
um konum verði heimilað að fara í
tæknifrjóvgun. Samkvæmt núgild-
andi lögum mega einungis konur í
hjúskap, staðfestri samvist eða sam-
búð gangast undir tæknifrjóvgunar-
aðgerð en í greinargerð með frum-
varpinu er bent á að hæfni einstæðra
foreldra til að sjá barni fyrir þroska-
vænlegum uppeldisskilyrðum sé
ekki dregin í efa og að almenn sátt
hafi skapast um það fjölskylduform í
þjóðfélaginu.
Einhleypar
mæður
Galsi á þingi
Hækkandi sól hefur áhrif á lund
margra og Alþingi virðist þar ekki
vera undanskilið.
Mikill galsi var í
þingmönnum í
upphafi þing-
fundar í gær og
Valgerður Sverr-
isdóttir komst
varla að fyrir
hlátrasköllum
þegar hún reyndi
að bera upp fyr-
irspurn til fjár-
málaráðherra um Evrópumál.
Seinna um daginn voru það þó ekki
lætin í þingmönnum sem trufluðu
þingfund heldur vörubílstjórar og fé-
lagar sem gerðu hróp af þingpöll-
unum og vildu að þingmenn hugsuðu
um vandamálin á Íslandi fremur en
að hafa hugann við náttúruhamfarir í
Kína, sem voru umræðuefni Jóns
Gunnarssonar þá stundina.
Eftirlaunamálið
Þrátt fyrir hlátur í upphafi þingfundar
var stutt í alvörutóninn og stjórn-
arandstaðan sótti hart að Ingibjörgu
Sólrúnu Gísladóttur í óundirbúnum
fyrirspurnatíma vegna áforma um
breytingar á eftirlaunalögum. Ög-
mundur Jónasson, VG, vildi vita hvort
Ingibjörg hygðist beita sér fyrir að
frumvarp Valgerðar Bjarnadóttur um
breytingar á eftirlaunalögunum yrði
samþykkt og Siv Friðleifsdóttir sak-
aði utanríkisráðherra um að vinna
gegn samstöðu í málinu með yfirlýs-
ingum sínum á opinberum vettvangi.
Ingibjörg sagði frumvarp Valgerðar
ekki vera einu færu leiðina í málinu
og áréttaði mikilvægi þess að sam-
staða næðist, ekki aðeins í rík-
isstjórninni heldur helst meðal þing-
manna allra flokka.
Usli vegna umsagna
Sjúkratryggingafrumvarp heilbrigð-
isráðherra skók þingheim í gær en
stjórnarand-
staðan hefur
gagnrýnt harðlega
hversu seint
frumvarpið kemur
fram. Þegar Ásta
Möller, formaður
heilbrigðis-
nefndar Alþingis,
greindi svo frá því
að hún hefði sent
út umsagn-
arbeiðnir í eigin nafni í því skyni að
flýta afgreiðslu málsins ætlaði allt
um koll að keyra. Ásta sagði for-
dæmi vera fyrir slíku en þingmenn
stjórnarandstöðunnar töldu þetta
vera brot á þingsköpum og sögðust
aldrei hafa orðið vitni að öðru eins.
Samfylkingarþingmenn komu Ástu
hins vegar til varnar og sögðu ekkert
tjón hafa verið unnið.
ÞETTA HELST …
Valgerður
Sverrisdóttir
Ásta Möller
NÚ SKAL kristnin gerð brottræk úr helgidómi ís-
lenskra menntastofnana, sagði Guðni Ágústsson, for-
maður Framsóknarflokksins, í utandagskrárumræðum
á Alþingi fyrr í vetur. Tilefnið var frumvarp mennta-
málaráðherra um grunnskóla en í því er gert ráð fyrir
að hugtakið „kristilegt siðgæði“ fari út úr grunn-
skólalögum en í þeim segir að starfshættir skóla eigi að
mótast af umburðarlyndi, kristilegu siðgæði og lýðræð-
islegu samstarfi. Guðni þarf þó ekki að örvænta lengur
enda hefur menntamálanefnd Alþingis lagt til að
kristnin verði áfram með sinn sess í lögunum en þó
verður ekki lengur talað um siðgæði heldur kristna
arfleifð íslenskrar menningar.
Oft hefur verið vísað í dóm Mannréttindadómstóls
Evrópu hvað Noreg varðar en í áliti menntamála-
nefndar segir að ekki komi fram í dóminum að það
brjóti í bága við mannréttindasáttmálann að ríki meti
og ákveði innihald námskrár með tilliti til kristni.
Morgunblaðið/Golli
Jesús áfram í grunnskólum
♦♦♦
EKKI er æskilegt að Ísland velji sér
verkefni á hernaðarlegum forsend-
um, hvort sem er innan eða utan
Atlantshafsbandalagsins (NATO).
Þetta kom fram í máli Jóns Gunnars-
sonar, þingmanns Sjálfstæðisflokks, á
Alþingi í gær en hann gagnrýndi að
hundruð milljónum króna sé varið í
svokallað loftrýmiseftirlit.
Jón vakti máls á þessu í framhaldi
af fyrirspurn sinni til utanríkisráð-
herra um hvort Ísland hefði boðið
fram aðstoð sína eftir náttúruhamfar-
irnar í Kína. Sagði hann íslenska
rústabjörgunarsveit vera viður-
kennda af alþjóðasamfélaginu og vildi
að hún væri send á vettvang.
Ingibjörg Sólrún Gísladóttir utan-
ríkisráðherra sagði geta verið deildar
meiningar um hvaða verkefni Ísland
ætti að velja sér. Forsætisráðherra
hefði farið á fund NATO og niðurstað-
an hjá bandalaginu hefði verið að
halda ætti loftferðaeftirlitinu áfram.
„Ef þingmaðurinn er mjög ósáttur við
þá niðurstöðu hygg ég að hann verði
að ræða það í sínum ranni en ekki við
mig.“
Ekki borist ósk um aðstoð
Ingibjörg sagði sjálfsagt að skoða
með hvaða hætti Ísland gæti lagt sitt
af mörkum óskuðu kínversk stjórn-
völd eftir því en slík ósk hefði ekki
komið fram. „Þeir telja sig væntan-
lega vera ágætlega í stakk búnir sjálf-
ir til þess,“ sagði Ingibjörg og bætti
við að viðkvæmt gæti verið hjá ríkjum
að leita eigi eftir erlendri aðstoð.
Jón tók ekki undir þetta og sagði
fyrirkomulagið á alþjóðavettvangi
vera þannig að þjóðir byðu fram að-
stoð sína og þjóðin sem fyrir áfalli
hefði orðið tæki síðan ákvörðun.
Jón G. vill rústabjörgunarsveit til Kína
Ísland velji ekki
hernaðarverkefni
SÖLUHAGNAÐUR lögaðila af
hlutabréfum verður skattfrjáls héð-
an af en lög um það voru samþykkt á
Alþingi í gær. Frjálslyndi flokkurinn
og Vinstri græn greiddu atkvæði
gegn frumvarpinu og Framsókn sat
hjá. Kristinn H. Gunnarsson, þing-
maður Frjálslynda flokksins, sagði
við atkvæðagreiðsluna að með þessu
væri verið að samþykkja að þeir sem
hagnist af því að kaupa og selja
hlutabréf og verðbréf séu meðhöndl-
aðir með öðrum hætti en þeir sem
standa í atvinnurekstri. „Meginregl-
an er sú að atvinnurekstur þarf að
telja tekjur sínar fram til reksturs-
reiknings og skatts,“ sagði Kristinn
og áréttaði að um miklar fjárhæðir
sé að ræða. Um næstu áramót ættu
fyrirtæki að greiða um 60 milljarða í
skatt af söluhagnaði.
Pétur H. Blöndal, Sjálfstæðis-
flokki, sagði betra að eiga fugl í
hendi en í skógi og áréttaði að þetta
fjármagn hefði aldrei skilað sér enda
hægt að fresta greiðslunum enda-
laust. Árni M. Mathiesen fjármála-
ráðherra tók í sama streng. „Það
hefur því verið íþyngjandi fyrir fyr-
irtækin að sú skuldbinding, sem
mjög ólíklegt er að einhvern tíma
þyrfti að efna, væri í efnahagsreikn-
ingunum og staða fyrirtækjanna því
litið verr út,“ sagði Árni.
Stílbrot við meginreglu
Ögmundur Jónasson, þingmaður
VG, sagði frumvarpið hins vegar
byggja á kröfu fjármálafyrirtækja
og að því hefði verið andæft af verka-
lýðshreyfingunni auk þess sem Rík-
isskattstjóri telji það stílbrot við
meginreglu skatta. Ekki sé aðeins
verið að gera söluhagnað af hluta-
bréfum skattfrjálsan heldur verði
vinnan við að afla þessara skatt-
frjálsu tekna líka frádráttarbær frá
skatti.
Söluhagnaður af hluta-
bréfum skattfrjáls
Fjármálafyrirtækjum þjónað, segja VG og Frjálslyndir
Morgunblaðið/Golli
Kristinn H. Gunnarsson