Morgunblaðið - 01.06.2008, Síða 71

MORGUNBLAÐIÐ SUNNUDAGUR 1. JÚNÍ 2008 71
MasterCard
Mundu
ferðaávísunina!
Skógarhlí› 18 • 105 Reykjavík • Sími 595 1000 • Fax 595 1001 • Akureyri sími: 461 1099 • www.heimsferdir.is
B
irt
m
eð
fy
rir
va
ra
u
m
p
re
nt
vi
llu
r.
H
ei
m
sf
er
ð
ir
ás
ki
lja
s
ér
r
ét
t
til
le
ið
ré
tt
in
g
a
á
sl
ík
u.
A
th
. a
ð
v
er
ð
g
et
ur
b
re
ys
t
án
fy
rir
va
ra
.
Glæsileg aðstaða
• Allt innifalið
• Loftkæling
• Svalir/verönd
• Glæsilegur garður
• 3 sundlaugar
• Líkamsrækt
• Snyrtistofa
• Barnaklúbbur (4-12 ára)
• Barnaleiksvæði
• Tennisvellir
• 2 veitingastaðir
• 2 barir
• Skemmtidagskrá
• Íþróttaaðstaða
... og fleira og fleira
frá kr. 49.990
Heimsferðir bjóða ótrúlegt tilboð 17. júní
til Fuerteventura, sem slegið hefur í gegn
hjá Íslendingum. Á þessari fögru eyju
finnur þú einstaklega fallegar strendur,
frábært loftslag og góða gististaði þar
sem þú getur notið sumarleyfisins við
hreint frábærar aðstæður.
Bókaðu
strax!
Mjög tak
markað
magn í b
oði
á þessu
verði!
Glæsileg gisting!
SUNRISE JANDIA RESORT
– allt innifalið
Sunrise hótelið stendur aðeins um 300 metra frá frábærri Jandia ströndinni og örstutt frá hinum
skemmtilega bæ Morro Jable. Hótelið býður frábæran aðbúnað í fríinu í öruggu umhverfi, að því
ógleymdu að allt er innifalið meðan á dvölinni stendur.
Á hótelinu eru í boði herbergi, sem rúma tvo fullorðna, og íbúðir með einu svefnherbergi sem
rúma allt að fjóra og eru frábær kostur fyrir fjölskyldur. Herbergi og íbúðir eru með loftkælingu,
baðherbergi með hárþurrku, gervihnattasjónvarpi, öryggishólfi og svölum eða verönd.
Sundlaugargarðurinn er rúmgóður og fallegur en þar eru tvær sundlaugar auk sérstakrar barna-
laugar og íþróttaaðstöðu. Á hótelinu er starfræktur barnaklúbbur fyrir börn frá 4-12 ára og góð
leikaðstaða er fyrir börnin. Fjölbreytt skemmtidagskrá fyrir börn og fullorðna er í boði.
Tveir veitingastaðir eru á hótelinu og tveir barir.
Allt innifalið
„Allt innifalið“ felur í sér morgun-, hádegis og kvöldverðarhlaðborð á aðalveitingastað hótelsins.
Með máltíðum er boðið upp á vín, vatn, gosdrykki og bjór (innlendir drykkir). Ath. áfengir drykkir
eru ekki í boði með morgunverði. Ef hungurs eða þorsta verður vart á milli mála þá þá eru einnig
fjölbreyttir kostir í boði.
E
N
N
E
M
M
/
S
IA
•
N
M
3
3
89
4
– með öllu inniföldu
Ótrúlegt verð
1 eða 2 vikur
Allt innifalið
Kr. 49.990 – 1 vika
Kr. 64.990 – 2 vikur
Netverð á mann, m.v. hjón með 2 börn, 2-11 ára,
í íbúð með einu svefherbergi með öllu inniföldu
í 1 eða 2 vikur, 17. júní. Ath. mjög takmarkaður
fjöldi herbergja/íbúða í boði á þessu verði.
Kr. 64.990 – 1 vika
Kr. 84.990 – 2 vikur
Netverð á mann, m.v. gistingu í tvíbýli með
öllu inniföldu í 1 eða 2 vikur, 17. júní. Ath. mjög
takmarkaður fjöldi herbergja/íbúða í boði á þessu
verði.
Ótrúlegt sértilboð 17. júní
Fuerteventura
TÓNLIST
Geisladiskur
Dísa bbbbn
Fyrsta sólóplata Bryndísar Jakobsdóttur.
Á síðasta áratug nýliðinnar aldar
var Emilíana Torrini efnilegasta
tónlistarkona Íslands. Aldamóta-
verk hennar og frumburður á er-
lendum vettvangi, Love InThe
Time Of Science, staðfesti og hæfi-
leikana svo um munaði. Þá hætti
Emí að vera bara efnileg. Hún var
orðin verulega góð. Bryndís Jak-
obsdóttir er rétt eins og Emilíana
var, ung að árum og gríðarlega
efnileg. Músíkalitetið drýpur af
hverjum tóni sem hún syngur og
tónsmíðahæfileikarnir eru auð-
heyrilega umtalsverðir.
Á frumburði Dísu má víða finna
prýðileg dæmi um þetta. Upphafs-
lagið „Temptation“ er til að mynda
ljómandi lagrænn smellur sem
Dísa samdi í félagi við Shelly
Poole. Þá er hið dansvæna „Anni-
versary“ einkar haglega samið af
Dísu og helsta samstarfsmanni
hennar á plötunni, Sam Frank.
Enn betri er þó kompónering
þeirra, „Excuses“, þótt áhrif frá
áðurnefndri Emilíönu séu nánast
óþægilega mikil í útfærslunni allri,
einkum þó í söngblæbrigðum.
Sömu áhrif eru og afgerandi í
fleiri lögum, ekki síst í „Final
Call“, sem hljómar raunar eins og
afgangslag frá upptökuferlinu á
Love In The Time Of Science.
Annars er rétt að dvelja ekki of
mikið við auðheyrileg áhrif Torrini
á Dísu, þótt engum sé greiði gerð-
ur með því að láta þeirra ógetið.
Samanburðurinn er og engu minna
til hróss en hnjóðs, því hér skal
undirstrikað að Dísa er sennileg-
ast okkar mesta efni síðan Emil-
íana kom fram og verðskuldar því
fyllilega að vera nefnd í sömu
andrá.
Besta lagið á frumburði Dísu er
annars laust við augljós áhrif frá
öðrum. „Sincerity“ nefnist sú
þekkilega smíð og er afar smekk-
lega útsett. Hún gæti og hæglega
reynst stefnumótandi útgangs-
punktur fyrir Dísu, á hinni löngu
og hlykkjóttu leið sem framundan
er á tónlistarbrautinni, þar sem
öðru fremur er mikilvægt að
marka sér ákveðna sérstöðu og
stíl. Lagið syngur Dísa töfrandi
veikt á djúpu tónunum og minnir
þar hreint ótrúlega mikið á móður
sína, Ragnhildi Gísladóttur. Dísa
er annars gríðarlega fjölhæf söng-
kona, með breitt raddsvið og
óvenjulega ríkt næmi fyrir dýna-
mík. Þannig syngur hún jöfnum
höndum bjart og djúpt, sem og
sterkt og veikt, algjörlega fyr-
irhafnarlaust og ávallt af mikilli
tilfinningu. Þetta er tvímælalaust
helsti styrkur þessarar bráð-
efnilegu tónlistarkonu. Hún er ein-
faldlega framúrskarandi söngkona.
Platan hefði að ósekju mátt vera
styttri, eins og títt er með plötur
sem gefnar eru út á þeim bagalega
plássmikla miðli sem geisladisk-
urinn er. Þannig eru „Alien Symp-
hony“ og „Equation“ heldur rislitl-
ar smíðar og óspennandi. Lögin á
íslensku eru þó kærkomin, hin
áhrifamiklu „Ljáðu mér eyra“ og
„Heyr mína bæn“. Hið fyrrnefnda
er úr kvikmyndinni Veðramót og
frábærlega flutt af Dísu og með-
reiðarsveinum hennar í hljómsveit-
inni Shady. Smíðin er Dísu og góð,
við texta Dóra DNA. Síðarnefnda
lagið þekkja allir og skilar Dísa
því angurvært og óaðfinnanlega í
acapella, þótt áhrifshljóð í byrjun
séu í besta falli kjánaleg.
Frumburður Dísu er heilt yfir
afar faglega unninn og fram-
úrskarandi vel sunginn, þótt frá-
leitt sé hann gallalaus.
Orri Harðarson
Áhrifaríkt upphaf
TÓNLIST
Geisladiskur
Númer núll – Lykill að skírlífsbelti
bbbnn
ROKKSVEITIN Númer núll hef-
ur verið starfandi í rúm fjögur ár
og hefur verkað sitt rokk fram og
til baka á þeim tíma með sæmilega
reglulegu tónleikahaldi. Þessi
fyrsta plata
sveitarinnar
hefur verið í
smíðum í
nokkuð drjúg-
an tíma; var
unnin í
ígripavinnu
eins og mönn-
um er gjarn-
an uppálagt
hafi þeir ekki fulla atvinnu af tón-
listinni.
Innihaldinu væri best lýst sem
einhvers konar nýbylgjuskotnu
gítarrokki, en það er engu að síður
harðsvíruð einföldun. Tónlist
Númer núll er nefnilega þannig
uppbyggð að hún hljómar af-
skaplega sérkennilega … en um
leið alls ekki. Það er eitthvað
skringilegt við alla hljómaganga
og kafla en um leið stinga lögin
ekkert í eyru, heldur liggja þvert
á móti ágætlega þægilega upp að
þeim. Þannig er afskaplega erfitt
að pinna hljóminn niður á eitthvað
sem á undan hefur komið, helst að
hin andans skylda Ég komi upp í
hugann og einnig Ensími (söng-
urinn). Það færi því eiginlega best
á því að lýsa tónlistinni sem „ein-
kennilega“ grípandi.
Fyrstu tvö lögin, „Hér á allt að
fá að flæða“ og „Nælon“, falla
rækilega undir áðurnefnda skil-
greiningu en gripkraftinum er
misskipt, sum laganna spretta
þannig upp með sinn innbyggða
skringileika án þess þó að hreyfa
sérstaklega við manni. Hljómur á
þá til að vera full flatur og holur.
Númer núll siglir keik sína eigin
uppdiktuðu leið eins og sérstakt
nafn sveitarinnar ber með sér. Tit-
ill plötunnar, umslagshönnun, ljós-
myndir og auðvitað lögin sjálf lúta
sama lögmáli. Hér er allt á eina og
einstaka bók lært. Þessi frumleiki,
sem er helsti kostur plötunnar,
skilar sér þó ekki nægilega oft í
eftirminnilegum lagasmíðum.
Nálgun Númer núll við rokkið er
engu að síður forvitnileg og spenn-
andi og það verður áhugavert að
sjá hvað næsta atrenna ber með
sér.
Arnar Eggert Thoroddsen
Allt á floti