Skinfaxi - 01.07.1953, Page 46
94
SKINFAXI
sé skemmtilegt í þessum kverum, og sum kvæðin góð,
var það samt Bréf til Láru, sem gaf honum rithöfundar-
nafn. Frá útkomu þeirrar bókar hefur hann verið í
hópi hinna fáu útvöldu. Hann hefur oft farið utan og
til margra landa, en heimili hefur hann átt í Reykjavík.
Þórbergur mun alls hafa ritað um tuttugu bækur, og
eru þessar helztar, auk þeirra, sem þegar hafa verið
nefndar: Pistilinn skrifaði, bréf og pistlar, 1933, Rauða
hættan, ferðasaga frá Rússlandi, 1935, Islenzkur aðall,
1938, Ofvitinn I. og II., 1940 og 1941. Þrjár þær síðast-
töldu eru bækur af höfundi sjálfum og félögum hans,
sagðar í klárum Þórbergsstíl. Þá hefur Þórbergur skráð
sex bækur eftir sr. Árna Þórarinssyni. Er þetta mikla
rit ævisaga klerks og frásögur. Urðu bækur þessar fá-
dæma vinsælar á síðasta ái-atugnum, tíma bókaflóðsins
mikla. En þótt margt sé skemmtilegt í þessum bókum
þeirra Þórbergs og sr. Árna, er lopinn þar fulllangt
teygður. Er mikið tilhlökkunarefni, þegar Þórbergur
tekur aftur til við að segja frá sjálfum sér, þar sem
Ofvitanum lauk.
Þórbergur hefur mikið ritað um málvísindi. Hann er
mikill esperantisti, og um þessi efni hefur hann gefið
út stóra bók, Alþjóðamál og málleysur, 1933. — Auk
])ess hefur hann skrifað unnul af greinum um stjórn-
mál og önnur efni.