Skinfaxi - 01.11.1954, Blaðsíða 6
102
SKINFAXl
að þykja djarflega teflt á sólbjörtum laugardegi í
júlí, ekki sizt þegar hinn síðasti fjallar um kristni
og kirkjulíf. En þetta erindi séra Jakobs Jónssonar
er reyndar eitthvert bið áhrifamesta, þrátt fyrir allt.
Og auk alls þessa gefst okkur dálitill timi til að
sleikja sólskinið og spjalla saman, svo og til að
ljósmynda þinglieim, en það er vissulega nokkuð. sem
ekki má gleymast.
Nú er kvöldið eftir, bezta kvöld mótsins. Finnar
og Norðmenn sjá um skemmtiatriði. Við heyrum upp-
lestur og söng úr Kalevala. Önnur ljóð eru lesin og
sungin, það er „pratað“ á ýmsum málum og mál-
lýzkum og sýndur lieill sjónleikur, þar sem ekki er
sagt eill einasta orð, við kynnumst margs konar
skemmtilegum lcikjum, sumir nálgast það að vera
hrekkir, og loks koma þjóðdansar og söngleikir. Ekk-
ert nær núna sömu tökum og sýning Ingolfs í gær-
kvöldi, ekkert er jafn hátíðlegt og ljóðrænt. En i
kvöld er þeim mun meira fjör og gáski, gaman og
glettni — og æskan er gáskafull, þetta er tvímælalaust
skemmtilegasta kvöld mótsins. En öll kvöld hljóta að
enda, einnig þetta ógleymanlega laugardagskvöld.
Siðan kemur stutt nótt, og nýr dagur með nýjum von-
um og nýjum skyldum rennur upp yfir réttláta og
rangláta.
Sunnudaginn 4. júlí er aðeins einn fvrirlestur ár-
<legis, en síðari hluta dagsins sækjum við almenna
samkomu í Þrastarskógi. Hún hefst með guðsþjón-
ustu, og prédikar sambandsstjóri UMFÍ, sr. Eirikur
J. Eiríksson. Steingrímur Steinþórsson, félagsmála-
ráðherra, og Ricþard Beck, prófessor, flvtja ræður
að lokinni messu, en síðan flytja nokkrir liinna nor-
rænu gesta stutt ávörp. Glímuflokkur frá Umf.
Reykjavíkur sýnir glímu, og loks liefst dans á palli
en þá erum við kvödd til brottferðar. Sumum okk-
íu’ þykir súrt i brotið, en góðir félagar hljóta að blýða