Skinfaxi - 01.11.1954, Blaðsíða 42

138
SKINFAXI
gönguskref og sveiflaðu örmum misjafniega hátt, hlauptu mis-
jafnlega hratt, skokkaðu og gakktu á milli spretta, hlauptu á
staðnum með háum hnélyftum, hlauptu aldrei langt í senn,
en breyttu oft til, frá göngu til hlaups, frá hlaupi i skokk,
skokki til gangs. Gerðu fimleikaæfingar, sem færa með sér
stórar hreyfingar. Þú hefur einhvers staðar nærtækan bita
eða slá, gerðu á þeim lyftingaræfingar. Gerðu margar og djúp-
ar hnébeygjur. Liggðu oft á höndum og tám og gerðu arm-
beygjur. Hvíldu armana og gerðu hnébeygjur inn undir þig.
Nógu er af að taka og alls staðar er hægt að æfa. Mundu að
klæða þig vel. Reyndu að baða þig eða þvo líkama þinn sem
oftast. Varastu allt stripl og norp. Mundu að slaka á eftir
átök. Minnstu þess að slaka á vöðvum milli átaka og láta þá
taka á sem skemmst í einu.
Upp úr áramótum — miðsvetrartímabilið — skaltu fara að
hugsa uin séræfingar undir þá grein sem þú ætlar að æfa sér-
staklega. Góðar heimildir um séræfingar getur þú lesið i bók-
inni: „Frjálsar íþróttir“ eftir Þ. E. og Stefón Kristjánsson.
Fyrir vortímabilið vona ég að ég geti hér i þættinum birt
nákvæmar leiðbeiningar um æfingar þínar þá.
Hér dvaldi fyrir skemmstu einn þekktasti sundþjálfari, sem
nú er uppi, R. J. H. Kipliutti. Hann lætur sundmenn sina,
hvort sem þeir eru nýliðar eða garpar, æfa okt., nóv. og fram
í des. þjálfgefandi æfingar úti eða inni, en i sundlaug fá þeir
ekki að koma. Honum leizt svo á sundfólk okkar, að það hefði
sundlag á við beztu sundmenn heims, en það vantaði þjálfun,
væri of latt við þjálfun. Engin nær afreki, sér til ánægju og
gleði, nema fyrir þjálfun, sem iðkuð er af þrotlausri vinnu,
elju og vilja. í „sundstæði" og á velli Akureyrar á okkur að
takast að safna saman fagurri og velþjálfaðri æsku, sem þjóð-
in er stolt af að eiga og gömlu ungmennafélagana mætti hrífa.
Vinnum þvi vel að undirbúningi landsmótsins og búum okk-
ur sjálf fyrst og fremst til leiks, þá vinnum við íslandi allt.
Þorsteinn Einarsson.