Skinfaxi - 01.11.1954, Blaðsíða 2

98
SKINFAXI
skoðað kýrnar í Laugardælum, þykir tilhlýðiiegt að
kynnast afurðum búsins, Kaupfélag Árnesinga býður
upp á skyr og rjóma. I Hveradölum hafði Sveinn Ás-
geirsson gert okkur fyrirsát og veitt góðan beina af
hálfu Reykjavíkur. Nú er langl um liðið frá þeirri
máltið, enda bragðast skyrið og rjóminn vel, einnig
sumum þeim, sem nú fá þennan rétt í fyrsta sinn á
ævinni.
Tíniinn líður, við verðum að flýta för okkar að
Laugarvatni. Er þangað kemur, rís upp framkvæmda-
stjóri mótsins, Ingólfur Guðmundsson, og skipar
hverjum manni til rúms, en til þessa hefur Ingólfur
alræðisvald, bvort sem betur líkar eða ver. Þegar
menn liafa borið inn föggur sínar, er gengið til borð-
stofu, en að snæðingi loknum, kl. 9 um kvöldið, er
mótið sett í sal Húsmæðraskóla Suðurlands.
Setning mótsins, mótsgestir.
Aðalsetningarræðu flytur séra Eirikur J. Eiriksson,
sambandsstjóri UMFÍ, en síðan flytja fulltrúar er-
lendu félaganna slutt ávörp. Eftir ávarp livers full-
trúa er sunginn þjóðsöngur þjóðar hans. Fáein orð
eru sögð á íslenzku við þetta tækifæri, flutt af full-
trúa finnskumælandi Finna, Vasama, sem annars
talar sænsku meðal okkar. Þetta kemur skemmtilega
á óvai’t, og það er hið eina, sem við Islendingarnir
heyrum á móðurmáli okkar úr ræðustól á þessu móti,
fyrir utan einn fyrirlestur, sem jafnframt er útbýlt
fjölrituðum á dönsku. Allt annað er flutt á „skandin-
avisku“, sænsku, dönsku og norsku.
Hvaða fólk er hér saman komið? Hér eru fulltrúar
frá ungmennafélögum fimm Norðurlanda, Færeying-
ar eru því miður ekki með í þetta sinn. Finnar eru
11, Svíar 8, Norðmenn 5, Danir 10 og hinn 11. bættisl
hér í liópinn, Elsa Hansen, kennari. Islendingar eru
30—40, en aðeins 16 þeirra eru allan tímann. Þetta