Náttúrufræðingurinn - 1962, Blaðsíða 19

NÁTTÚRUF RÆÐINGURINN
113
að dæma gróðurskilyrði landsins eftir þeim gróðri, sem í landinu
óx. Við samanburð á flóru íslands og Norður-Noregs varð það álit
manna, að ísland væri á sama bekk og nyrstu héruð Noregs í
gróðurfarslegu tilliti.
Nú hagar svo til, að norðan barrskóganna í Noregi er dálítið
belti eða öllu heldur mjó rönd, þar sem birkiskógar vaxa. Þrátt
fyrir að belti þetta er örmjótt hefur það einhvern veginn komizt
inn hjá mönnum, að það væri sérstakt gróðurbelti. Fyrir þá sök,
að hér uxu ekki barrtré af sjálfsdáðum gaf það auga leið, svo að
íslandi var hiklaust skipað á þennan bekk. jafnframt var það líka
sönnun þess, að hér væri tilgangslaust að r'ækta barrtré. Þess má geta,
að umrædd héruð Noregs liggja 400—500 km norðar á hnettinum
en ísland.
Þegar þessar kenningar voru settar fram voru veðurskýrslur héð-
an og þaðan rniklu ófullkomnari en þær eru nú, og því var allur
samanburður erfiðari þá. Ennfremur mun enginn þeirra, sem voru
höfundar að þessari kenningu, Iiafa komið til Norður-Noregs.
Þeir munu nærri einvörðungu liafa stuðst við rit norska prófessors-
ins Schiibelers, en hann hafði þá samið mjög greinargóðar bækur
um útbreiðslu margra plantna og trjáa í Noregi.
Hugmyndirnar breytast.
í Noregi var það og skoðun manna um þessar mundir, að þar
hefði verið ördeyða eftir ísaldirnar, og því var ekki að undra, þótt
menn héldu að sama gilti hér á landi. Síðar komst norski grasa-
fræðingurinn Rolf Nordhagen að því, að ýmsir staðir í Noregi
hefðu verið jökullausir allar ísaldirnar, þar sem ýmsar tegundir
plantna hefðu lifað þær af.
Hér á landi hefur Steindór Steindórsson menntaskólakennari
kannað útbreiðslu ýmissa tegunda og komizt að þeirri niðurstöðu,
að hér hafi sums staðar verið íslaus svæði líkt og í Noregi, og að
þar hafi fjöldi tegunda getað lifað ísaldirnar af. Hefur hann gert
þessu efni svo góð skil, að það mun naumast Iirakið.
Steindór Steindórsson telur, að um y4 innlendra háplantna hafi
lifað ísaldirnar af og verið hér, þegar land var numið, en um l/4 tel-
ur hann að menn hafi borið með sér á ýmsum tímum. Þeir, sem
vilja kynna sér þetta nánar, geta leitað þess í ýmsum ritgerðum