Náttúrufræðingurinn - 1983, Blaðsíða 123

sumar
1. mynd. Útbreiðsla selafárs í landsel árið 1918 við strendur íslands. - Distribution of an
epizootic of acute pneumonia in seals (Phoca vitulina) along the coast of Iceland in the
year 1918.
eða verið aflífaðir. Skinn af 60—70
þessara sela voru nýtt og spik sömu-
leiðis af sumum þeim selum sem dráp-
ust feitir. Spikið var notað til ljósa
(Sigurjón Sigurðsson, munnl. uppl.).
Þrátt fyrir eftirgrennslan fundust
ekki heimildir um að selafársins hefði
gætt á Austfjörðum á svæðinu frá
Álftafirði norður til Bakkafjarðar í N-
Múlasýslu. Ekki varð vart við selafárið
í Húsey í Hróarstungu, en þar er stórt
látur (Ingibjörg Halldórsdóttir og Sig-
urður Halidórsson, munnl. uppl.).
Ekki er heldur getið um selafár í
dagbókum Sveins Jónssonar (1918—
1919) frá Fagradal í Vopnafirði, en
hann nýtti stærsta látrið í Vopnafirði á
þessum árum.
Hér hefur verið rakin útbreiðsla
selafársins 1918. Hefur selafárið herj-
að meira og minna með allri strand-
lengju landsins (1. mynd). Áður hefur
verið getið um svæði, þar sem fársins
varð ekki vart, þ.e. ísafjarðarsýslu,
Breiðafjarðareyjar og sunnanverðan
Breiðafjörð, Reykjanes, Árnessýslu
og Austfirði frá Álftafirði norður til
Bakkafjarðar. Víða á þessu svæði er
lítið um landsel, og því hreinlega ekki
við því að búast, að fársins hefði orðið
vart, þó svo þess kynni að hafa gætt í
raun.
109