Náttúrufræðingurinn

Volume

Náttúrufræðingurinn - 1987, Page 42

Náttúrufræðingurinn - 1987, Page 42
Þrj átíudalastapi Krossnes heitir bær á nesi því er veit inn að Trékyllisvík norðvestan frá. Norður af bænum er hverasvæði upp af svonefndri Laugarvík og hefir þar verið byggð sundlaug og búningsklefar. Þar er börnum í Árneshreppi kennt sund. Sundlaugin var byggð upp úr 1950 og tekin í notkun 1954. Skammt er þar norð- ur að merkjum milli Krossness og Fells en svo nefnist bærinn nyrst á þessu nesi. Landamerkin eru um Hagagarð sem er sunnan við allnokkra vík sem Haga- garðsbás nefnist. Fjaran frá Hagarðsbás að Laugarvík heitir Skjól og er þar hlé í norðanátt og dregur hún nafn þar af. Sauðfé sótti undir Skjólin í norðan áhlaupum. Fjaran er að mestu úr hnull- ungum og möl. Norðarlega undir Skjól- unum er stakur drangur sem nefnist Þrjá- tíudalastapi. Stapinn er um 10 metra hár og 2,5 metrar á lengd að neðan en breikk- ar upp. Hann er liðlega einn metri á breidd. Sú sögn fylgir stapanum, að í fyrndinni hafi fær klettamaður klifið stapann og skilið þar eftir 30 dali, og látið þau ummæli fylgja, að sá sem leikið gæti þetta eftir mætti eiga peningana. Skömmu fyrir síðustu aldamót var stapinn klifinn af eyfirskum sjómanni. Ekki fann hann peningana, sem vonlegt var, en stakk spýtu í raufina sem er ofan í stapann. Árið 1986 klifu þrír ungir menn Þrjátíudalastapa og töldu þeir það auð- velt verk enda vanir bjargmenn. Ekki fundu þeir heldur dalina en spýtan sem eyfirðingurinn hafði stungið þar um árið var horfin, en þeir létu aðra í staðinn. Þeir sem klifu voru Kristmundur og Gissur Skarphéðinssynir og Brynjar Konráðsson allir ættaðir frá Krossnesi. Haukur Jóhannesson Náttúrufrœðistofnun íslands Náttúrufræðingurinn 57 (3), bls. 136,1987 136

x

Náttúrufræðingurinn

Direct Links

If you want to link to this newspaper/magazine, please use these links:

Link to this newspaper/magazine: Náttúrufræðingurinn
https://timarit.is/publication/337

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.