Náttúrufræðingurinn - 1958, Blaðsíða 50

192
NÁTTÚRUFRÆÐINGURINN
legast um þriðju dúdúfuglstegundina að ræða. Bók Leguats var
þýdd á ýmis tungumál og notuð sem heimildarrit dúdúfræðinga
fram um 1920. En þá kemur upp úr kafinu, að bókin er helber
tilbúningur. Franskur aðalsmaður með nafni höfundar liafði aldrei
verið til, og þá ekki lieldur sá dúdúfugl, er bókin lýsir. En það
hnekkir ekki þeim sennileik, að einhver stór dúdúfuglstegund
hafi einhvern tíma lifað á Rodriguez. Og byggist sá sennileiki á
beinafundinum þar. Þetta sýnir og sannar, að náttúrufræðingar
eru aldrei of varkárir í vísindalegum efnum gagnvart umsögn-
um manna, er þeir þekkja engin deili á.
Til eru allmargar teikningar af dúdúfuglinum, sennilega eftir
sjófarendur, er sigldu til eyjanna. En einnig eru til af honum
mörg ágæt málverk, sem auðsjáanlega hafa verið gerð eftir lifandi
fyrirmynd. Hollenzki dýrafræðingurinn A. C. Oudemanns hefur
gert sér mikið far um að safna að sér myndum af fuglinum og upp-
lýsingum um þær. Elztu myndina álítur hann vera frá 1561, og
hljóti hún að vera gerð af Portúgölum, sem fyrstir fundu Maskar-
enhas-eyjarnar. Árið 1626 koma fram tvær ágætar dúdúmyndir,
mjög líkar hvor annarri, önnur túss-teikning eftir málarann Adri-
an van de Venne, og er nú geymd í bókasafni háskólans í Utrecht,
en hin olíumálverk eftir Gijsbert de Hondecoeter. Málverk þessi
eru prýðilega gerð. Sonur þessa Gijsberts hét Melchior og var fræg-
ur dýramálari. Frá árunum í kringum 1630 eru til 8 málverk af
fuglinum, öll gerð af Hollendingnum Roeland de Savery. Fugl-
inn er aðallega málaður frá hlið, en einnig í nokkrum öðrum
stellingum. Líklegt er talið, að málverk þessi séu gerð eftir lif-
andi fyrirmynd, enda dvaldi Savery um skeið við dýragarðinn í
Vínarborg, og mætti ætla, að hann hafi útvegað dúdúfugl í garð-
inn. Enda þótt myndir Saverys af fuglinum séu prýðisgóðar, þá
kom fyrir aldarfjórðungi fram mynd, sem talin er sú langbezta af
öllum myndum, er gerðar hafa verið af fuglinum. Sú mynd er
þannig til komin: Maður: er nefndur Taylor White, sem uppi var
á fyrri hluta 18. aldar og var mikill náttúrufræðingur; hann bjó
í Nottinghamshire og átti gríðarstórt dýrasafn. Fékk hann beztu
málara þeirra tíma til að mála myndir af fágætum dýrum, er í
safni hans voru. Skömmu eftir 1920 voru allar dýrateikningarnar
seldar á uppboði og lentu þær í háskólabókasafninu í Montreal í
Kanada. Meðal annars var í safninu máluð mynd af dúdúfugli, gerð