Náttúrufræðingurinn - 1969, Qupperneq 43

NÁTTÚRUFRÆÐINGURINN
147
Gunnar Jónsson:
Nokkrar nýjar fisktegundir við ísland
í „Oversigt over Islands Fiske“ árið 1908 telur Bjarni Sæmunds-
son upp 106 fisktegundir innan 400 metra línunnar við ísland.
Árið 1926 kemur bók hans „Fiskarnir" út og eru þá tegundirnar
orðnar 130. I riti Bjarna „Marine Pisces“ sem kemur út árið 1949
eru tegundirnar orðnar 145. Árið 1957 kom út ljósprentuð útgáfa
af Fiskunum frá 1926 auk viðauka yfir nýjar tegundir við ísland
frá 1926—1956. Síðar kom í ljós, að fjórar aðrar fisktegundir höfðu
bættst við á árunum 1952—1956. Eru það nasi (Nesiarchus nasutus)
veiddur 1952, bersnati (Xenodermichthys copei) veiddur 1955, litli
gu 111 ax rgcntina sphyraena) veiddur 1955 og sníkir(Fierasjer denta-
tus) veiddur 1956. Á árunum 1957—1967 hafa nokkrir fiskar bættst
við og verða þeir taldir upp hér á eftir og þeim lýst lauslega, auk
þeirra fjögurra fiska, sem áður er getið.
Mynd 1 sýnir hvar fiskar þessir veiddust eftir því sem næst verður
komist. Einnig er sýnt svæði það sem kallað er „við ísland.“ Þetta
er svæði það sem notað er í skýrslum Alþjóðahafrannsóknai'áðsins
(ICES) um veiðar við ísland. Finnst mér réttara að miða við það
en 400 metra dýptarlínuna.
Ingimar Óskarsson náttúrufræðingur aðstoðaði mig við að finna
íslenzk nöfn á þá fiska, sem nafnlausir voru, og kann ég honum
bestu þakkir fyrir. Einnig þakka ég cand. rer. nat. Sigfúsi Schopka
fyrir aðstoð við söfnun upplýsinga um nokkra fiskanna. Gunnlaugi
Flallgrímssyni þakka ég fyrir að liafa teiknað inn á kortið á mynd 1
fundarstaði fiskanna. Loks þakka ég þeim fiskifræðingum Dr. G.
Krefft í Hamborg og J. Nielsen í Höfn lyrir að hafa reynt að ákvarða
blámævilinn til tegundar.