Náttúrufræðingurinn - 1969, Síða 46

150
N ÁT T Ú RU F RÆÐINGURINN
Ekki hefur áður veiðst hér við land fiskur af þessari ætt, svo
kunnugt sé um, en Atlants-marbendill (Lepidopus atlanticus) og
Schmidts stinglax (Aphanopus schmidti) eru fjarskyldir og minna
töluvert á nasa við fyrstu sýn. Þeir hafa báðir veiðst hér við land.
Ætt: Alepocepha 1 idae
2 Bersnati Xenodermichthys copei (Gill)
Fannst fyrst við ísland í rannsóknaleiðangri Þjóðverja á F. F. S.
Anton Dohrn þann 17. júní 1955 djúpt útaf suðvesturströndinni
(62°41’N—23°56’V). Dýpi 450—440 m. Lengd ekki gefin upp.
Þetta er hausstór fiskur, snjáldurstuttur, smátenntur og stóreygður
(þvermál augna helmingur af lengd höfuðs). Tálknalok eru stór og
tálknaop víð. Roð er þykkt og slímugt, hreistur vantar en smákörtur
eru á liliðum. Rák er ekki sjáanleg. Bak- og raufaruggi eru á stirtl-
unni og báðir jafnlangir. Eyruggar eru mjög litlir, kviðuggar fremur
litlir. Sporður er grunnsýldur. Litur er svartleitur.
Bersnati er djúpfiskur, sem veiðist sjaldan á grynnra vatni en
400—450 metrum. Hann mun hafa fundist áður næst íslandi á
hryggnum milli íslands og Færeyja.
Af sömu ætt er þekktur hér við land gjölnir (Alepocephalus
giardi), mjög sjaldgæfur.
3. mynd. Bersnati Xenodermiclithys copei.
(Úr: Fishes of the Western Norlli Atlantic).
Ætt: Argentinae
3 Litli gulllax Argentina sphyraena (L.)
Þann 26. júní 1955 veiddust við vesturströnd íslands (64°14’N—
25°02’V) á 225 metra dýpi 20 litlir gulllaxar 23—32 cm á lengd.