Náttúrufræðingurinn - 1989, Blaðsíða 44

mikil og margvísleg áhrif á daglegt líf
okkar og því ætti bæði alþjóðleg og
þverfagleg samvinna í rannsóknum á
eldvirkni að hafa mikinn forgang í
skipulagningu rannsókna.
2) Það þarf að auka eftirlit með
eldvirkum svæðum, nýta rannsóknar-
niðurstöður og framfarir á ýmsum
sviðum þekkingarinnar til þess að
stuðla að góðri heilsu og öryggi þess
fólks sem býr á eldvirkum svæðum, til
þess að minnka þá áhættu sem dag-
legu lífi og athöfnum á slíkum stöðum
fylgir og til þess að draga úr áhrifum
stórslysanna. Aukinn aðgangur að
upplýsingum og traustari þekking á
eldgosum stuðlar að sífellt gagnlegri
skilningi og vaxandi samvinnu milli
þjóða heimsins um þessi mál.
3) Nú er víða unnið að þýðingar-
miklum rannsóknum sem miða að
frekari notum á auðlindum og orku
eldvirkninnar. Mikilvæg lífsgæði
munu fylgja almennt aukinni notkun á
nýjustu tækni og vaxandi fjölda hag-
nýtra þróunarverkefna sem unnið er
að í samvinnu háskólastofnana,
stjórnvalda og einkaaðila.
4) Víða er lögð vaxandi áhersla á
ferðamennsku og aðra starfsemi sem
hagnýtir náttúruleg auðæfi eldvirkra
svæða. A eldvirkum svæðum rísa því
byggðir og þar verður að taka mið af
sérstökum aðstæðum svæðanna. Til
þess að ýta undir framfarir á þessum
svæðum þarf að auka gagnkvæm
skipti á nýtanlegri reynslu og kynna
niðurstöður rannsókna á milli eld-
virkra svæða um allan heim.
5) Til þess að nálgast ofangreind
markmið er brýnt að stofnað verði til
einnar eða fleiri stórra alþjóðlegra
upplýsinga-, rannsókna- og þjálfunar-
stöðva. Þingið mælir sterklega með
því að strax verði hafist handa á veg-
legan hátt og ákvörðun tekin af þeim
þjóðum og samtökum, sem hlut eiga
að máli, um að koma slíkum stofnun-
um á fót.
Alþjóðlega eldfjallaþingið í Kago-
shima, með þátttakendum frá 30 þjóð-
um um allan heim, var fyrsta ráðstefn-
an í heiminum sem sérstaklega beindi
margþættri og opinskárri athygli að
vandamálunum í sambúðinni við eld-
fjöllin. Kagoshima-þingið var haldið
rétt áður en „Alþjóða áratugurinn
fyrir fækkun stórslysa af völdum nátt-
úruafla“ (Internatiqnal Decade for
Natural Disaster Reduction) hefst, en
Sameinuðu þjóðirnar standa fyrir
honum, og miðar hann að því að
draga úr áhrifum af völdum náttúru-
hamfara á jörðinni. Við trúum því að
þetta hafi sérstaka og táknræna merk-
ingu.
Við vonum í einlægni að þetta þing
muni verða til þess að menn beini
aukinni athygli að eldvirkninni og það
muni á margvíslegan hátt stuðla að
framförum og þróun á öllum eldvirk-
um svæðum jarðarinnar.
23.júlí 1988
Alþjóðlega eldfjallaþingið
í Kagoshima.
LOKAORÐ
Þess má að sjálfsögðu spyrja hvert
gagn sé af svona þingum. Svör þeirra
sem reynslu hafa af því að sækja þau
eru yfirleitt á eina lund, að opinská
umræðan, kynni af þeim ólíku sjónar-
miðum sem eru bundin mismunandi
stöðum, kynni af vísindamönnum á
sama rannsóknasviði frá öðrum lönd-
um og svo framvegis, sé ætíð gagnleg.
Auðvitað eru þing af þessum toga ólík
og því hafa menn af þeim misjafnt
gagn. Þetta þing var að dómi við-
staddra óvenjulega vel heppnað.
Það er ómetanlegt gagn af því fyrir
íslenska eldfjallarannsakendur að
komast í kynni við eldfjöll í öðrum
löndum. íslensku eldfjöllin eru ólík
210