Náttúrufræðingurinn - 1989, Page 50

menn í stjórn voru kjörin áfram þau Gyða
Helgadóttir og Einar Egilsson. Magnús
Arnason og Sveinn Ólafsson voru áfram
kosnir endurskoðendur og Þór Jakobsson
til vara.
Sigurður H. Richter greindi frá störfum
dýraverndarnefndar.
Formaður gerði grein fyrir tillögum
stjórnar um hækkun árgjalds og var ein-
róma samþykkt að árgjald fyrir 1988 skyldi
vera kr. 2000.
Borin var upp og samþykkt eftirfarandi
tillaga frá stjórn félagsins: „Aðalfundur
Hins íslenska náttúrufræðifélags haldinn
laugardaginn 25. febrúar 1989 treystir því
að menntamálaráðherra fylgi fast eftir áliti
nefndar um byggingu náttúrufræðihúss.
Fundurinn skorar á stjórnvöld að taka
ákvörðun um byggingu hússins fyrir ald-
arafmæli félagsins 16. júlí 1989“.
FRÆÐSLUFUNDIR
A árinu voru haldnir sex fræðslufundir í
stofu 101 í Odda og voru efni og fyrirlesar-
ar eftirfarandi:
Janúar:
Helgi Torfason: Jarðfræði sigdalsins
mikla í Kenya. Fundargestir voru um 90.
Febrúar:
Hrefna Sigurjónsdóttir: Æxlunarhegðun
bleikju í Þingvallavatni. Fundargestir voru
um 150.
Mars:
Guðmundur Eggertsson: Uppruni og
þróun gena. Fundargestir voru 105.
Apríl:
Ingibjörg Kaldal og Skúli Víkingsson:
Jökulhörfun á miðhálendinu. Fundargestir
voru 67.
Október:
Gísli Már Gíslason og Ingvi Þorsteins-
son: Náttúrufar á Nýja-Sjálandi. Fundar-
gestir voru 115.
Nóvember:
Jórunn Erla Eytjörð: Rannsóknir á
erfðafræði mannsins. Fundargestir voru
51.
Fundarsókn var jöfn og góð en alls
mættu 579 á fyrirlestrana eða næstum 97
að jafnaði sem er besta fundarsókn í mörg
ár og er vonandi að hún haldi áfram að
aukast. Háskóla íslands eru þökkuð afnot
af fyrirlestrarsal og Jóni Kristjánssyni hús-
verði fyrir sérlega lipurð og hjálpsemi við
undirbúning.
FERÐIR OG NÁMSKEIÐ
Á árinu voru alls 8 ferðir á vegum fé-
lagsins, sex dagsferðir og tvær lengri ferð-
ir. Ein fyrirhuguð dagsferð féll niður. Auk
þess hélt félagið eitt námskeið. Þátttak-
endur voru alls 234, sem er talsvert minna
en undanfarin tvö ár og munar mest um
að færri voru í löngu ferðinni.
Fyrsta ferðin var ferð um Kollafjörð,
29. maí á rannsókna- og skólaskipinu
Mími RE 3. Skipstjóri sýndi rannsókna-
tæki skipsins og undir stjórn Agnars Ing-
ólfssonar vistfræðings voru tekin sýni af
botndýralífi og svifi sem síðan voru skoð-
uð og greind. Báturinn rúmar 9 farþega en
alls var farið í 3 ferðir. Þátttakendur voru
því 27.
Þann 12. júní var gönguferð til jarð-
fræðiskoðunar frá Selatöngum yfir Ög-
mundarhraun og til Krýsuvíkur. Leiðsögu-
maður var Sigmundur Einarsson jarð-
fræðingur og gengu með honum 30 manns
í prýðilegu veðri.
Síðastliðið sumar var í annað sinn boðið
upp á náttúruskoðunarferð frá Akureyri á
vegum félagsins. Leiðsögumenn og farar-
stjórar voru Hörður Kristinsson grasa-
fræðingur og Halldór Pétursson jarð-
fræðingur. Ferðin var 3. júlí og var haldið
í átt til Ólafsfjarðarmúla og skoðuð ýmis
gróðurlendi og jökulmenjar. Þrátt fyrir
ágætis veður var þátttaka dræm, aðeins 5
komu og allir, að einum undanskildum,
ferðafólk frá Reykjavík.
Langa ferðin var á Snæfellsnes dagana
8. - 10. júlí. Alls voru þátttakendur rúm-
lega 80. Aðalleiðsögumenn voru Þorleifur
Einarsson jarðfræðingur, Sigurður Magn-
ússon grasafræðingur, Árni Einarsson líf-
fræðingur og Hreggviður Norðdahl jarð-
fræðingur sem var jafnframt fararstjóri.
Að morgni föstudags var ekið frá
Reykjavík um Hvalfjörð í Borgarnes og
þaðan yfir Mýrar og í Hnappadal. Þar var
staðnæmst við Rauðhálsa. Frá þeim er
feikigóð útsýn yfir Hnappadal og sér til
eldstöðva eins og Eldborgar, Gullborgar
og Ytri- og Syðri-Rauðamelskúlu. Þessu
216