Tímarit íslenzkra samvinnufélaga - 01.05.1917, Side 63

61
stöðu í þjóðfélaginu til að bera þá — eða að slá stryki yflr
ríkisBkuldirnar. Það úrræði virðist þó að eins geta komið
til mála um þau lán, sem tekin eru innanlands, með
ríkisskuldabréfum, eins og t. d. hefir verið gert í Þýzka-
landi að mestu leyti. Þar getur það og komið í líkan
stað og skattabreyting, því skuldabréfin hafa allir keypt,
sem nokkurt gjaldþol höfðu.
Á hinn bóginn væri það góðra gjalda vert, ef fjár-
hagskreppa sú, sem styrjöldin leiðir yfir ófriðarþjóðirnar
yrði til þess, að þær byltu um sínu gamla og úrelta
fikattaskipulagi, er það sæist gegnum stækkunargler
þessara miklu atburða, hversu óréttlátt það er, og vinn-
ur að fjárhagslegu misvægi milli stétta þjóðfélagsins.
Þá »væri ekki til einkis barizt«.
J. Gauti Pétursson.