Andvari - 01.01.1939, Blaðsíða 20
16
Tryggvi Þórhallsson
Andvari
hafði áður gegnt. Var þá Tryggvi Þórhallsson settur dó-
cent, en jafnframt ákveðið, að fram skyldi fara sam-
keppnispróf um stöðu þessa. Þrír menn sóttu um stöð-
una, Tryggvi Þórhallsson, Ásmundur Guðmundsson og
Magnús Jónsson. Verkefni í prófritgerð var ákveðið sem
hér segir: Aðdragandi og upptök siðaskipta, afstaða
Gissurar biskups Einarssonar til kathólsku biskupanna,
Ögmundar og Jóns, annars vegar, og konungsvaldsins
hins vegar, og viðgangur hins nýja siðar á dögum Giss-
urar biskups. Dómnefndin kvað upp úrskurð sinn í sept.
1917 og varð sammála um að telja Magnús Jónsson
hæfastan, að öllu athuguðu, en taldi þó, að háskólinn
gæti verið fullsæmdur af hverjum umsækjendanna sem
væri í kennaraembætti og lét þess sérstaklega getið, að
ritgerð Tryggva Þórhallssonar bæri vott um einkar góða
sagnaritarahæfileika. Það er efalaust, að úrslit þessi, svo
mjórra muna sem hér var sýnilega vant, urðu Tryggva
mikil vonbrigði. Hann var gæddur miklum hæfileikum
til kennslu og hafði yndi af slíku, en auk þess mjög
hneigður til sagnfræðiiðkana, og hafði á þessum stutta
starfstíma sínum við háskólann Iagt drjúgan grundvöll
að ýtarlegum rannsóknum um kirkjusögu íslands, er
hann reyndar gat aldrei fengið sig til að leggja með
öllu á hilluna síðan, þrátt fyrir margháttuð og óskyld
störf. En hér átti á aðra leið að snúa. Þetta sama haust
tók hann við ritstjórn Tímans og hélt því starfi áfram
í 10 ár samfleytt, eða fram í ágúst 1927. Árið 1923 var
hann kosinn á þing í Strandasýslu og átti þar sæti fyrir
það kjördæmi samfleytt 10 ár. f stjórn Búnaðarfélags
íslands var hann kosinn árið 1924, og varð formaður
félagsins 1925. Gegndi hann því starfi alla tíð síðan.
Hann var forsætisráðherra íslands í 5 ár samfleytt, eða
frá því í ágústmánuði 1927 og þangað til í júní 1932-