Andvari - 01.01.1939, Blaðsíða 70
66
Blóm og aldin
Andvari
hverju flotholti, en kaffrjóin eru venjulegast þráðlaga.
Vatnsfrjóin eru ólík öðrum frjóum í því, að þau vantar
vaxkennda húð, sem annars lykur um frjóin og talið er
að verji þau afþornun.
Dýrfrævun. Þá kemur að þeim þætti frævunarinn-
ar, sem fjölbreyttastur er og fyrir ýmissa hluta sakir
merkilegastur, dýrfrævuninni. Vafasamt má telja, hvort
nokkuð í lífi plantnanna sýnir eins mikla fjölbreytni og
vekur jafnt ímyndunarafl manna og aðdáun og blóm-
skrúð dýrfrævunarblómanna. Svo var áður talið, að skor-
dýrin ein flyítu frjó á milli blóma, en síðar hafa menn
komizt að raun um, að fuglar, leðurblökur og jafnvel
sniglar geta verið frjóberar. Samt er starf þessara dýra-
flokka hverfandi lítið í samanburði við starf skordýr-
anna, enda er talið, að 75<>/o allra plantna á jörðunni
frævist með hjálp skordýranna.
En hvers vegna eru skordýrin að vitja blómanna.
Eru þau eins konar þjónar þeirra? Svo er það vissu-
lega ekki, heimsóknir skordýranna eru ekki unnar í
þágu blómanna, og þær eru heldur ekki neinar skemmti-
ferðir, heldur er það sjálfsbjargarviðleitni skordýranna
sjálfra, sem knýr þær fram. Þau eru að afla sér lífs-
viðurværis, rétt eins og þegar vér mennirnir göngum
til heyskapar og róum til fiskjar. Blómin veita þeiui
tvenns konar fæðu, frjóið sjálft og hunang. Sjaldnast
veitir þó sama blómið hvort tveggja, enda eru þær skor-
dýrategundir fáar, sem eftir hvoru tveggja sækjast. Þó
lifa býflugur og hunangsflugur bæði á frjói og hunangi-
Vfirleitt má segja um öll dýrfrævunarblóm, að þau seu
stór og skrautleg og áberandi mjög í umhverfinu vegna
skærra lita og sterkrar anganar. Undantekningar finnast
þó frá þessu þannig, að þau séu lítil og ósjáleg og h'k-