Fálkinn - 12.12.1962, Blaðsíða 62

Á slóðum .. .
Framh. af bls. 57.
nám. Því 'að nóg var um menntastofn-
anir í þessu landi vísinda og lista þótt
Sorbonne hefði ekki enn verið komið
á laggirnar.
Frúin átti tal við ýmsa sprenglærða
og bráðskarpa prófessora í miðaldasögu
og gaumgæfði þær heimildir sem lík-
legt var að fá vitneskju úr. Hún sagði
fnér í sumar að henni virtust þrjár leið-
ir líklegar um námsdvöl Sæmundar.
Þess er getið að Sæmundur hafi ferð-
ast til Róms og er þá ekki loku fyrir
það skotið að hann hafi komið við í
hinu fræga Cluny-klaustri sem þá var
í þjóðleið og jafnvel haft þar lengri
dvöl og kynnt sér ýmisleg fræði.
í öðru lagi er ekki ólíklegt að hann
hafi setzt að í París en þar voru þá
skólasetur þótt Sorbonne væri enn ekki
til. Um 1080 er getið um biskup einn
og lærdómsmann sem safnaði að sér
lærisveinum og þar voru einnig margir
lærimeistarar svo sem vikið verður að.
í þriðja lagi telur frúin að ekki sé
ósennilegt að Sæmundur hafi um lengri
eða skemmri tíma stundað nám og
hafzt við í klaustrum eða klausturskól-
um í Normandí-héraði, en þangað sóttu
Norðurlandabúar mjög á sínum tíma.
Elzti hluti Parísarborgar nefnist
Cité og' stendur á eyju út í ánni Signu.
Þar þótti gott að verjast ágangi óvina
hér fyrr á öldum en nú er þar allt þræl-
brúað og Signa gegnir ekki lengur hlut-
verki sem varnargarður og ógnvaldur,
miklu fremur er hún yndi elskenda, at-
hvarf flækinga og draumur túrista. Á
eynni standa þó enn hin elztu hús Par-
ísarborgar og fornastii: veggir eru þar
meir en þúsund ára gamlir. Þar eru göt-
ur þröngar og hlykkjóttar og mjög
svipaðar því sem gerðist þar um það
bil er ísland var byggt. Á eynni stendur
nú Notre-Dame dómkirkjan, eitt mesta
furðusmíð og hátindur gotneskrar
byggingarlistar. Á námsárum Sæmund-
ar var þó enn ekki hafizt handa' um
kirkjusmíðina, en ekki var það löngu
seinna.
Á nokkuð stóru svæði nálægt þar
sem kirkjan hefur staðið nær tíu aldir,
höfðust við munkar og lærimeistarar
og bjó hver i sínu húsi, en ekki allir
saman eins og annars staðar tíðkaðist.
Hverfi þetta var umgirt múr og voru
á honum fjögur hlið. Húsin voru eign
kirkjunnar og þegar lærimeistarar þess-
ir söfnuðust til feðra sinna fékk ekkja
þeirra nokkurra daga frest til að hypja
sig burt með hyski sitt og hafurtask og
rýma fyrir þeim næsta.
Þessir dómsmenn kirkjunnar tóku til
sín lærisveina og var ekki eingöngu
samið um kennslu, heldur skyldu læri-
sveinarnir vera þar upp á kost og lóssí.
Ekki er getið um tölu lærisveinanna.
Nú gæti komið til mála að Sæmundur
hafi einmitt ráðið sig til slíks meistara
og numið þar þær greinar, er þá voru
kenndar í hinum lærðu skólum suður í
Evrópu, bæði dómskólum og klaustur-
skólum, hinar nýju frjálsu listir: lat-
ínu, mælskufræði, tölvísi, flatarmáls-
fræði, stjarnfræði og sönglist.
í sögu Jóns biskups hins helga Ög-
mundssonar er frásögn af því „hversu
mikið lið íslenzkum mönnum varð að
hinum heilaga Jóni .... en hann spandi
út hingað með sér Sæmund Sigfússon,
þann mann, er verið hefur ’ einhver
mestur guðs kristni til nytsemdar á ís-
landi og hafði lengi verið í útlöndum
svo að ekki spurðist til hans. En hinn
heilagi Jón gat hann uppspurðan, að
hann var með nokkrum ágætum meist-
ara, nemandi þar ókunnug fræði, svo
að hann týndi allri þeirri er hann hafði
á æsku aldri numið og jafnvel skírnar-
nafni sínu.“ Nefndi Sæmundur sjálfan
sig Koll er þeir Jón hittust og mundi
ekki lengur ætt sína eða uppruna. Jón
talaði um fyrir Sæmundi „af gipt heil-
ags anda“ og þar kom að lokum að Sæ-
mundur rankaði við sér, er Jón hafði
minnt hann á Odda og svaraði þá Sæ-
mundur: „Vera má að sönn sé þín saga

PREIMTUN
alls konar
STRIKUN
á lausablöðum og verzlunarbókum
GÚIVISTIMPLAR
Fljóít og vel af hendi leyst
DAGATÖL
eru eftirminnileg auglýsing
BORÐALIMANÖk
í bóka- og ritfangaverzlunum
Sendið viðskiptamönnum yðar þau
58
FÁLKINN
S I M I 116 4 0