Fálkinn - 23.08.1965, Side 21

sneri aftur til hennar, og þá gekk lífið
sinn vana gang.
Hitler kallaði Evu „litla heimskingj-
ann“, og einu sinni sagði hann við Hoff-
mann: — Ég hef ekki hugsað mér að
kvænast henni. Þú þekkir skoðanir mínar.
En mér líkar vel við Evu. Ég er búinn
að fá nóg af kvenfólki, sem gengur upp í
stjórnmálum. Vinkona stjórnmálamanns
verður að kunna að Þegja.
Og Eva Braun kunni að þegja. Hún
treysti Hitler, beið trygg eftir honum,
þegar hann var á einhverju hinna mý-
mörgu ferðalaga sinna, og hún var aldrei
þvingandi fyrir hann.
Þegar það var óhjákvæmilegt að þau
hittust, þá kyssti Hitler kurteislega á hönd
hennar. Engan grunaði nokkuð, — fyrir
utan innsta hringinn.
Annars var Eva Braun húsmóðurleg í
eðli sínu. Hálfsystir Hitlers hafði áður
séð um húsverkin fyrir hann. Hún var
neydd til þess að flytja burtu, þegar hún
mótmælti því, að Eva ætti að búa þar.
Hún gegndi líka húsmóðurhlutverkinu í
húsi Hitlers í Ölpunum. Þar gekk hún um
beina fyrir gesti, en þó varð hún að draga
sig til baka, þegar um opinberar heim-
sóknir var að ræða. Þá mátti hún ekki láta
sjá sig nálægt Hitler.
Hitler lifði eftir föstum reglum í sam-
bandi sínu við Evu. T. d. var hún aldrei
eina konan í húsinu. Þess vegna varð Eva
að láta sér nægja að vera aðeins „ein“ af
konunum, sem Hitler umgekkst.
En leiddist þá Evu Braun? Það gerði
hún örugglega, en hún vissi, hversu mikil
völd hún hafði. Hún þurfti ekki annað
en að gera sér upp veiki og hóta sjálfs-
moi’ði: Og Hitler bráðnaði.
Árið 1938 hitti hann enska konu, sem
hann hafði áhuga fyrir. Hún hét Unity
Mitford. Eva skynjaði strax þær breyting-
ar, sem orðið höfðu á Hitler, og svaraði
strax með sjálfsmorðstilraun. Tilraupin
var ekki alvarlega meint, en Hitler leit
ekki framar við þeirri ensku.
Einn af einkariturum Hitlers hefur skýrt
frá því, hvað átti sér stað í slíkum tilfell-
um.
Eva Braun setti Hitler alltaf í mikinn
vanda með þessum sjálfsmorðshótunum
sínum. Hann forðaðist slíkt eins og heitan
eldinn. Þetta vissi hún, og því hafði hún
öll tromp í höndunum.
Hins vegar gat hún ekki haft nein áhrif
á hann í sambandi við aðrar gerðir hans.
Hún hafði að vísu öll húsmóðurleg völd,
og réði klæðnaði hans, enda skipti hann
sér aldrei af slíku. Þó gat hún ekki vanið
hann af því að ganga í stígvélum, og þótti
henni það miður. Og hann neitaði alltaf
að stíga dansspor, ekki einu sinni Vínar-
vals. Þetta leiddist Evu, hún var ung lífs-
glöð stúlka, og hafði ekkert á móti því
að lyfta sér upp.
Hún hélt fjöldann allan af samkvæmum,
en þá gætti Hitler þess iðulega að vera
hvergi nærri.
Síðasti dansleikurinn, sem hún sótti,
áður en stríðið brauzt út, var 23. ágúst
1939. Hann var einn af þeim fáu, sem
Hitler sótti, en Eva vissi aldrei hina réttu
ástæðu. Hún var sú, að samningur Rússa
og Þjóðverja hafði nýlega verið undirrit-
aður, og þess vegná skálaði Hitler jafnvel
í kampavíni, en annars var hann stakur
bindindismaður.
En var þá hin ljóshærða Eva Braun
óhamingjusamasta kona Þýzkalands? Ýmsu
er haldið fram um það, og ber fæstum
tveimui saman.
Sannleikurinn er hins vegar sá, að Eva
Braun elskaði Hitler, en hún var aldrei
viss um ást hans. Og hún var alltaf ham-
ingjusöm í þau skipti, sem hpjín heim-
sótti hana.
í dagbók Evu Braun má lesa ýmislegt
um tilfinningar hennar, ýmist stórkostlega
Framh. á bls. 33.
Der Fiihrer var mjög barngóður.
Hér eru hann, og vinkona hans í
húsinu í Olpunum. Tveir fremstu
drengirnir á myndinni eru synir
Bormanns.
ÚR DAGBÓK
E§ vildi óska þess a5
ég væri orðin fárveik
og losnaði við að sjá
hann í átta daga ...
... Mér er sama þótt
djöfullínn komi og
taki mig með sér
niður, það getur ekki
verið verra þar en hér.
Flestar myndirnar sem fundust
voru teknar í „Arnarhreiðrinu“,
húsi, sem Hitler átti í Olpunum.
FALKINN