Fréttablaðið - 05.11.2009, Page 16

16 5. nóvember 2009 FIMMTUDAGUR
nær og fjær
„ORÐRÉTT“
■ Fyrr á öldum nutu hvíldar-
dagar meiri virðingar en nú.
Laugar dagar voru hinir upp-
runalegu hvíldardagar þar
sem Guð almáttugur var talinn
hafa skapað himin og jörð á sex
dögum en hvílst á hinum sjöunda,
laugardegi. Síðar fengu sunnu-
dagar einnig að teljast helgir
dagar, þegar menn skyldu hvílast
og sinna átrúnaði. Jafnvel var
lögð refsing við því að vinna um
helgar.
Virkir dagar voru hins vegar
sýknir sem kallað var, þannig
að ekki var refsivert að vinna
á þeim dögum. Af því er dregið
orðatiltækið „sýknt og heilagt“,
sem merkir einfaldlega bæði á
virkum dögum og um helgar. - mt
TUNGUTAK
Sýknt og heilagt
Það gekk líka svo
ljómandi vel síðast
„Ég tel mikilvægt að skrá
bankana strax á markað eftir
að kröfuhafar hafa tekið við
þeim.“
ÞÓRÐUR FRIÐJÓNSSON, FORSTJÓRI
KAUPHALLARINNAR.
Markaðurinn, 4. nóvember.
Hversu frábærar eru
þær þá?
„Við erum með frábærar
skyttur sem hitta bara ekki.
Þeir urðu ekki lélegir bara á
einni nóttu og það er ljóst að
vandamálið er í hausnum á
mönnum.“
FRIÐRIK RAGNARSSON, ÞJÁLFARI
GRINDAVÍKUR.
Fréttablaðið, 4. nóvember.
„Það er allt gott að frétta af mér og hér er allt á
fullu,“ segir Drífa Hjartardóttir.
Drífa sat á þingi fyrir Sjálfstæð-
isflokkinn en starfar nú fyrir
hann á öðrum vettvangi sem
formaður Landssambands
sjálfstæðiskvenna. „Ég hef
verið í pólitík alla mína
hunds- og kattartíð og líkar
það vel. Ég er mjög ánægð
með að geta starfað áfram að
þessu án þess að vera kjörinn
fulltrúi. Það er svo sannarlega
líf eftir Alþingi.“
Drífa býr á Keldum
á Rangárvöllum en
vinnur í Valhöll og
hefur því aðstöðu
í Reykjavík.
Helgunum eyðir hún alltaf í sveitinni. Það er
mikið að gera hjá henni þessa dagana, sveitar-
stjórnarkosningar nálgast og landssambandið
vinnur að markmiði sínu.
„Markmið okkar er að fjölga konum í pólitík
og ég starfa að því innan flokks sem utan. Núna
er ég í því að hvetja konur áfram og vinna að
framgangi þeirra innan flokksins. Við erum einn-
ig í þverpólitísku starfi, konur í öllum flokkum,
að vinna að framgangi kvenna í stjórnmálum.“
Drífa segir misjafnt hvernig valið verði á lista
flokksins fyrir sveitarstjórnarkosningarnar; í
sumum kjördæmum hefur þegar verið ákveðið
að halda prófkjör. „Við erum meira í hvatning-
arstarfi en að skipta okkur af því. Við hvetjum
konur til þátttöku í pólitík því hún skiptir máli.
Það er nóg að gera í því og svo sit ég í hinum
og þessum nefndum. Það er ágætt meðan það
er einhver eftirspurn eftir manni.“
HVAÐ ER AÐ FRÉTTA? DRÍFA HJARTARDÓTTIR FYRRVERANDI ÞINGMAÐUR
Það er sannarlega líf eftir Alþingi
Út er komin bókin Bragð
í baráttunni − matur sem
vinnur gegn krabbameini.
Bókin hefur að geyma
ítarlega umfjöllun um ýmis
hráefni í matargerð sem
talið er að geti unnið gegn
myndun krabbameina, og
gómsætar uppskriftir sem
auðvelt er að fara eftir.
Bókin er eftir Richard Béliveau,
prófessor í lífefnafræði við Que-
bec-háskóla í Montreal í Kanada.
„Hann leiddist út í rannsóknir á
mataræði í tengslum við krabba-
mein fyrir tilviljun,“ segir Unnur
Guðrún Pálsdóttir, sjúkraþjálfi
sem hefur unnið með Krabba-
meinsfélaginu Krafti. Hún er að
auki sælkeri mikill og hefur gert
uppskriftunum í bókinni góð skil.
„Béliveau til mikillar furðu fór
hann að sjá mikinn árangur af því
að nota visst mataræði í meðferð
gegn krabbameini. Hann og fleiri
lögðust því í enn frekari rannsókn-
ir og þær ber allar að sama brunni:
það eru afgerandi vísbendingar
byggðar á vísindalegum grunni
um að mataræði virki í baráttunni
gegn krabbameini.“
Unnur Guðrún bendir á að mat-
aræði Íslendinga sverji sig í ætt
við matarvenjur á Vesturlöndum.
„Þær eru í rauninni hannaðar til
að mynda krabbamein og aðra
lífsstílstengda sjúkdóma, enda er
tíðni krabbameina hér á landi með
því hæsta sem gerist í heiminum.
Vissulega skipta erfðir máli, en
okkur hættir til að gera of mikið
úr áhrifum þeirra. Við getum haft
áhrif á hvernig gen okkar tjá og
við berum ábyrgð á því að lifa
þannig lífsstíl að genin sýni frek-
ar styrkleika sinn en veikleika.“
Og hvað eigum við þá að leggja
okkur til munns? „Við getum sagt
að þumalputtareglan sé að borða
mat − ekki tilbúið duft og pillur,“
segir Unnur Guðrún. „Að grunni
til á maturinn að koma úr plöntu-
ríkinu en ekki dýraríkinu; við
eigum að borða litla skammta frek-
ar en stóra, og maturinn á að vera
hreinn og óunninn og heita sínum
réttum nöfnum. Ef hráefnið heit-
ir flóknum fræðilegum nöfnum
eða jafnvel tölustöfum erum við
líklega ekki á réttri leið.“
Unnur Guðrún segir það geta
farið vel saman að vera sælkeri og
borða hollt. „Heilbrigt líferni þarf
ekki að vera meinlætalíf. Bókin
fjallar fyrst og fremst um hvern-
ig við getum bætt matinn sem við
borðum, frekar en það sem á að
forðast. Ef maður pantar pitsu má
til dæmis bæta spínati við á hana.
Bókin leggur með öðrum orðum
áherslu á hið jákvæða: að við
getum alltaf lagt eitthvað af mörk-
um og þurfum ekki endilega að
gjörbreyta lífsstíl okkar þótt við
tökum upp heilbrigðari lífshætti.“
bergsteinn@frettabladid.is
Heilbrigt líferni
þarf ekki að
vera meinlætalíf
UNNUR GUÐRÚN Heilbrigt líferni snýst ekki endilega um að gjörbreyta lífsstíl sínum
heldur að bæta úr því sem fyrir er. FRÉTTABLAÐIÐ/
UMFERÐ Í vikunni mun öllum grunnskólabörnum í fyrsta til
þriðja bekk í Reykjavík verða færð endurskinsvesti að gjöf
frá borginni. Um er að ræða stærsta umferðaröryggisátak
sem ráðist hefur verið í í þágu skólabarna í borginni, að því
er segir í tilkynningu.
Börnum í Melaskóla voru afhent vestin með hjálp lögregl-
unnar með viðhöfn í gærmorgun. Þau klæddu sig í vestin
og prófuðu þau síðan með því að ganga yfir götu í fylgd lög-
reglu.
Tilgangur átaksins er að auka notkun endurskinsvesta og
endurskinsmerkja meðal ungra barna, og eru þau hvött til
að nota vestin á leið til og frá skóla og við önnur tækifæri
svo þau sjáist betur í skammdeginu.
Segir í tilkynningu að hægt sé að auka öryggi í umferð-
inni margfalt með því að nota endurskinsvesti og -merki.
Börn með endurskinsmerki sjáist fimm sinnum fyrr en ella.
Gjöfin er liður í umferðaröryggisátaki sem menntaráð
Reykjavíkurborgar samþykkti á hundraðasta fundi sínum
fyrir skemmstu. Í tengslum við það verður fræðsla um
umferðaröryggi efld og leitast við að sá þáttur verði meira
áberandi í skólastarfi en verið hefur.
Borgin ræðst í átakið í samvinnu við lögregluna, Umferð-
arstofu og SAMFOK. - sh
Menntasvið Reykjavíkurborgar ræðst í umferðaröryggisátak:
Börn fá gefins endurskinsvesti
SKRÍTINN KARL Borgarfulltrúinn Kjartan Magnússon,
formaður menntaráðs, tróð sér í endurskinsvesti í
barnastærð í tilefni dagsins. Nemendur í Melaskóla
vissu vart hvaðan á þau stóð veðrið. FRÉTTABLAÐIÐ / STEFÁN
Verð á mann í tvíbýli
88.700 kr.
Innifalið: Flug með sköttum, gisting á 4* hóteli með morgunverði á
Hotel Mercure Korona 4* í hjarta borgarinnar í fjórar nætur og íslensk
fararstjórn. Skoðunarferðir ekki innfaldar.
Búdapest
Borgarferð
Fyrirspurnir og nánari upplýsingar:
www.expressferdir.is
info@expressferdir.is
Sími 590 0100
11. – 15. mars 2010
Heimsborgin glæsilega
Fimmtudagur 11. mars
Farþegar komnir inn í miðbæ um hádegisbil og
frjáls dagur eftir það. Mikið er um frábær
veitingahús í nágrenni við hótelið.
Föstudagur 12. mars
Skoðunarferð um borgina og henni gerð góð
skil. Farið á alla mest spennandi og mark-
verðustu staði borgarinnar. Ferð sem enginn
má missa af.
Laugardagur 13. mars
Gönguferð um hluta Pest þar sem m.a. verður
gengið um Gyðingahverfið, slóðir Franz Liszt
og farið á elsta kaffihús borgarinnar. Þægileg
og áhugaverð gönguferð.
Sunnudagur 14. mars
Frjáls dagur en einnig í boði að fara í siglingu
á Dóná.
Mánudagur 15. mars
Á brottfarardegi verður ekki farið út á völl fyrr
en síðdegis. Farþegum stendur tvennt til boða,
að vera í borginni fram að brottför eða fara út
á hina frægu Sléttu og heimsækja einstakan
búgarð. Ógleymanlegt og alltaf mikið fjör.
Express ferðir bjóða frábæra 5 daga ferð með beinu flugi
til Búdapest. Um er að ræða langa helgi þar sem sögu og
menningu borgarinnar verða gerð góð skil – og ekki spillir
einstaklega hagstætt verðlag í Ungverjalandi.
Fararstjórarnir Lilja Hilmarsdóttir
og Þórarinn Sigurbergsson eru
þaulreynd í faginu og gjörþekkja
borgina.
GÓMSÆTAR UPPSKRIFTIR Unnur Guðrún
segir að þumalputtareglan sé að matur-
inn komi úr plönturíkinu, ekki dýraríkinu.