Fréttablaðið - 05.11.2009, Side 34

5. nóvember 2009 FIMMTUDAGUR4
Þegar vetur gengur í garð hefst tímabil kasmír-ullarinnar sem þykir allri ull betri hvað varð-
ar mýkt og hlýju. Þeir sem
ekki þola grófa ull eins og af
blessaðri sauðkindinni lofa
kasmírullina í bak og fyrir.
Flest fínu tískuhúsin bjóða upp
á kasmírullarpeysur, kjóla og
jafnvel yfirhafnir og víst er að
dýrustu flíkurnar geta hlaupið
á þúsundum evra. Sífellt fleiri
tískuhús fara nú þá leið að láta
framleiða í Kína, sem þykir
ekki alltaf fínt, en sumir sveigja
fram hjá því að gefa upp fram-
leiðslulandið með því að láta
sauma flíkurnar saman í öðrum
löndum, til dæmis á Ítalíu.
Þannig komast tískuhúsin sum
hver upp með að nota ódýrt
vinnuafl í Asíu án þess að upp-
lýsa kaupandann um það.
Það eru þó önnur merki en
stóru tískuhúsin sem eru hvað
vinsælust þegar kasmír er
annars vegar. Éric Pompard
hefur í tuttugu og sjö ár fram-
leitt kasmírullarpeysur fyrir
dömur og herra úr ullarþræði
frá Mongólíu og á hverju ári
eru fjölmargar nýjungar í boði.
Þráðurinn er aldrei samsettur
og því er flíkin úr einum þræði
frá upphafi til enda. Þessar
peysur þykja í meðallagi dýrar,
um 525 evrur peysan. Annað
merki, Zadig & Voltaire spilar
meira upp á tískuna, til dæmis
með því að sauma á ranghverf-
unni og skilja spottana eftir til
að gefa frjálslegt yfirbragð eða
þá með frumlegri litun á ullinni,
myntugrænni, rauðri eða anda-
blárri og á sumar peysur eru
saumaðir semelíusteinar. Verðið
er á milli 250-450 evrur og upp í
800 evrur í lúxusútgáfu.
Ítalska fyrirtækið Loro Piana
er þó líklega flottasti sérfræð-
ingurinn á þessu sviði og býður
viðskiptavinum meðal annars
upp á að prjóna peysur eftir
máli, allt eftir smekk viðkom-
andi og því hvernig flík fer
best, stutt eða síð, víð eða þröng
svo eitthvað sé nefnt. Hjá Loro
Piana nálgast verðið þúsund
evrur á peysu.
Nýlega skaust svo nýtt fyrir-
tæki inn á markaðinn og virðist
vera að vinna ullarstríðið fyrir
þennan vetur, í það minnsta
hjá þeim eru eru á höttunum
eftir áhugaverðu verði. Þetta
er japanska fyrirtækið Uniglo
sem opnaði á dögunum 2.150
fermetra stórverslun stutt frá
Garnier-óperunni þar sem að
Zara og H&M hafa verið nær
einráð. Reyndar stutt frá Hauss-
mann-búlvarði þar sem hin
frægu magasín Parísar er að
finna. Í verslun Uniglo er hægt
að fá peysur frá um 40 evrum
upp í um 80 og hver flík er
framleidd í átján litum svo það
ætti að vera hægt að finna eitt-
hvað fyrir alla. Uniglo hefur
slegið rækilega í gegn frá opn-
uninni 1. október en þetta er
sjötta stærsta fataframleiðslu-
keðja í heimi og allar vörunar
eru „made in Japan“ meðal ann-
ars úr frumlegum efnum sem
hvergi sjást annars staðar.
bergb75@free.fr
Í lok fimmtándu aldar
voru langflestir karl-
mannaskór með
ferkantaðri tá. Tísk-
una kynnti Karl VIII. af
Frakklandi. Færri vissu
að hann var í slíkum
skóm til að fela það
að hann var í reynd
með sex tær á öðrum
fæti.
heimild: af
netinu
Ullarstríð í vetrarbyrjun
Nektarmynd af frönsku forseta-
frúnni Cörlu Bruni Sarkozy
verður boðin upp í París.
Nektarmyndina tók franski ljós-
myndarinn Michel Comte af
Cörlu Bruni meðan hún starfaði
sem ljósmyndafyrirsæta. Hún
er nú til sýnis í Piasa-sýningar-
salnum í París en ætlunin er að
bjóða myndina upp 20. nóvember
næstkomandi hjá uppboðshúsinu
Drouot.
Myndina átti þýskur safnari
og er hún metin á 6.000 til 9.000
evrur eða á 1,1 til 1,6 milljónir
króna. Önnur mynd af frú Sarkozy
eftir sama ljósmyndara var seld í
fyrra á 91 þúsund dollara eða ell-
efu milljónir króna hjá uppboðs-
húsinu Christie’s í New York.
Nakin Carla Bruni
boðin upp í París
Feginleiki og gleði ríkir í her-
búðum Prada á Ítalíu þar sem
uppsögnum starfsmanna var
frestað.
Eftirspurn eftir vor- og sumar-
línu tískufyrirtækisins 2010 er
mun meiri en gert var ráð fyrir.
Þannig hefur uppsögnum starfs-
manna, sem ganga áttu í gildi fljót-
lega, verið frestað.
Prada sendi starfsmönnum
sínum bréf fyrr í vikunni þar sem
forsvarsmenn þess sögðu geta til-
kynnt það með gleði að markað-
urinn virtist vera að jafna sig að
einhverju leyti eftir mikla nið-
ursveiflu. Og vonandi væri þetta
byrjunin á nýrri uppbyggingu.
Ekki bera allir sig jafnvel en koll-
egar þeirra hjá Versace í Mílanó
gera ráð fyrir miklum niðurskurði
og segjast í augnablikinu ekki sjá
annað en að framleiðsla þeirra
muni dragast saman á næsta ári.
- jma
Góðar fréttir úr
herbúðum Prada
Prada fór í niðurskurðaraðgerðir vegna
mikillar niðursveiflu í tískuheiminum en
sér nú fram á betri tíma.
Einn frægasti tísku- og portrettljós-
myndari allra tíma, Irving Penn, lést á
mánudag, 92 ára að aldri.
Margar bækur með verkum Penns
hafa komið út og Metropolitan safn-
ið í New York hefur oftsinnis sýnt ljós-
myndir hans. Frægastur var hann
fyrir að mynda frönsk módel sem
og heimskunn andlit úr alþjóðlega
menningarlífinu. Penn vann lengi fyrir
franska Vogue og á óteljandi forsíður
tímaritsins í gegnum tíðina. - jma
Afi tískuljósmyndunar látinn
IRVING PENN MYNDAÐI FRANSKAR FYRIRSÆTUR OG HEIMSKUNNAR PERSÓNUR.
Eitt af verkum Irvings Penn, portrett af
leikskáldinu John Osborne.
ÚR HÁBORG TÍSKUNNAR
Bergþór Bjarnason skrifar frá París
Skór & töskur
Sérverslun með
FÁKAFENI 9
(við hliðina á ísbúðinni)
Sími: 553 7060
Opið mánud-föstud. 11-18
& laugard. 11-16
www.gabor.is

 


 
 

 


 !
"#$%
&'( )* +

,-%,.,/,-%,.,0&
System kr. 33.900,-
Flex Max kr. 27.900,-
Flex kr. 22.900,-
FLOTT
Í VETUR...
Myndin af Cörlu Bruni var tekin af ljósmyndaranum Michel Comte. NORDICPHOTOS/AFP