Fréttablaðið - 05.11.2009, Blaðsíða 58

38 5. nóvember 2009 FIMMTUDAGUR
HVAÐ? HVENÆR? HVAR?
Fimmtudagur 5. nóvember 2009
➜ Tónleikar
12.00 Antonía Hevesi píanóleikari og
Guðrún María Finnbogadóttir sópran
flytja aríur eftir meðal annars Händel á
hádegistónleikum hjá Hafnarborg við
Strandgötu í Hafnarfirði.
20.00 Tónleikar til styrktar Aflinu,
samtökum gegn kynferðis- og heimilis-
ofbeldi, verða haldnir í Akureyrarkirkju.
Fram koma Karlakór Akureyrar og
Geysis, Friðrik Ómar, Óskar Pétursson,
Inga Eydal, Hundur í óskilum og Heimir
Ingimarsson.
20.30 Edda Erlendsdóttir píanóleikari
flytur verk eftir J. Haydn á tónleikum
í tónlistarhúsinu Laugarborg í
Eyjafjarðarsveit.
21.00 Óskar Guðjónsson og félagar
flytja lög eftir Jón Múla og fleiri á tón-
leikum sem fram fara í Jazzkjallaranum
á Cafe Cultura við Hverfisgötu 18.
22.00 Hoffman heldur útgáfutónleika
á Sódóma Reykjavík við Tryggvagötu.
Einnig koma fram á tónleikunum Súr og
Júníus Meyvant.
➜ Fundir
17.00 Opinn fundur verður um varð-
veislu grásleppuskúranna og annarra
minja í Grímsstaðavör. Fundurinn fer
fram í Víkinni, Sjóminjasafni Reykjavíkur.
Nánari upplýsingar á www.minjasafn-
reykjavikur.is.
➜ Sjónlistahátíð
Sjónlistahátíðin Sequ-
ences 2009 stendur
yfir til 7. nóv. Nánari
upplýsingar og dagskrá á
www.sequences.is.
17.00 Kvikmyndasýning
í Regnboganum. Sýnd
verða verk eftir Gjörn-
ingaklúbbinn, Curver
Thoroddsen, Bjarna
massa ásamt verki
eftir 16 íslenska og
pólska listamenn.
20.00 Egill Sæbjörnsson flytur gjörn-
inginn „The Mind“ ásamt listakonunni
Marciu Moraes, í Listasafni Reykjavíkur
við Tryggvagötu.
➜ Pub Quiz
20.00 Fótbolta Pub Quiz verður haldið
á Enska barnum við Austurstræti. Veg-
leg verðlaun og enginn aðgangseyrir.
Nánari upplýsingar á www.sammarinn.
com.
Leiklist ★★★
Sindri silfurfiskur
Eftir Áslaugu Jónsdóttur
Leikur: Elva Ósk Ólafsdóttir. Leikraddir: Anna Kristín Arngrímsdóttir,
Atli Rafn Sigurðarson, Baldur Trausti Hreinsson, Birgitta Baldurs-
dóttir, Björn Thors, Edda Arnljótsdóttir, Friðrik Friðriksson, Kjartan
Guðjónsson, Ólafur Egill Egilsson, Valur Freyr Einarsson, Vignir Rafn
Valþórsson, Þórhallur Sigurðsson. Brúðugerð: Una Collins, Bjarni
Stefánsson, Jón Benediktsson, Erna Gunnarsdóttir og Stefán Jörgen
Ágústsson. Brúðustjórnun: Aude Maina Anna Busson, Karolina
Boguslawa og Ragnheiður Harpa Leifsdóttir. Hljóðmynd: Kristinn
Gauti Einarsson. Leikstjóri: Þórhallur Sigurðsson.
Margir góðir fjörfiskar í Kúlunni
Á laugardaginn var enn ein frumsýningin á vegum Þjóðleikhússins, nánar
tiltekið í Kúlunni þar sem spriklandi gullfiskar í búri láta til sín taka og í sér
heyra. Lagleg lítil sýning sem yngstu áhorfendunum svo sannarlega líkaði
við enda góð samtöl og skýr, millum ýmissa fiska í hafinu. Mátulega mikið
af því hryllilega og ekkert óskiljanlegt. Frásögnin um litla silfurfiskinn sem
ferðaðist um öll heimsins höf til þess að freista gæfunnar og verða gull-
fiskur minnir um margt á ýmsar aðrar sögur enda eru sögur líklega bestar
þannig. Hann var minni máttar og vildi verða eitthvað annað en hann var
og leið ekki vel fyrr en einhver gáfufiskurinn sagði honum að hann væri
hreint frábær sem silfurfiskur, bæði fallegur og góður og þá varð hann
glaður. Boðskapurinn sem sagt einfaldur og fallegur og upplýstar brúður á
svörtum fleti, litglaðar persónur með blæbrigðaríkum röddum, voru góðar.
Raddsetningin var vel heppnuð og sýnir að það er hægt að vanda sig í
raddsetningum þó svo að ekki sé hefð fyrir því í teiknimyndabransanum.
Hlutverk einnar albestu leikkonu Þjóðleikhússins, Elvu Óskar, í þessari
sýningu var heldur rýrt enda úr litlu að moða í gervi Hafdísar í skrautfiska-
búðinni.
Þetta er sýning sem óhætt er að mæla með og fara með yngstu (3-4 ára)
áhorfendurna og leyfa þeim að sitja á litlum stólum fremst, bara að enginn
stór og frekur fullorðinn setjist fyrir framan þau. Í sýningunni er leikin tónlist
eftir Mozart, Chopin, Ravel, Haydn, Fauré, Bizet, Debussy, Bach og fleiri sem
stíffellur að brúðuhreyfingunum sem voru einkar lifandi og dularfullar þar
sem börnin gátu engan veginn reiknað út hvernig þessum undraverum var
stjórnað. Margir góðir fjörfiskar í Kúlunni. Elísabet Brekkan
Niðurstaða: Lagleg lítil sýning fyrir yngstu börnin.
Bókmenntir ★
Óttar M. Norðfjörð
Paradísarborgin
Óspennandi allegoría
Síðustu tvær bækur Óttars M. Norðfjörð hafa verið spennusögur í ætt
við formúlubókmenntir í anda Dan Brown. Hliðarupplýsingum um ólíka
menningarheima var fléttað inn í eltingarleik með tilheyrandi spennu. Í
Paradísarborginni kveður við nýjan tón. Sögusviðið er Reykjavík nútímans.
Tveir bræður koma niður á myglusvepp við framkvæmdir í kjallara á húsi
móður þeirra. Áður en veit af hefur sveppurinn breiðst út um borgina
og étur sig inn í veggi hvers hússins á fætur öðru. Borgarbúar skiptast
í tvö horn, sumir, með borgarstjórann í fararbroddi, taka sveppnum
fagnandi, hann sé heilnæmur og á honum megi græða. Aðrir telja hann
heilsuspillandi og flýja í tjaldbúðir í Öskjuhlíðinni.
Ljóst er að sveppurinn, sem étur sig austur eftir borginni þannig að húsin
hrynja hvert á fætur öðru, er allegoría um spillingu og rotið samfélag. Hug-
myndin er góðra gjalda verð, gallinn er að eftir fyrstu síður verður allegorían
þreytandi og augljós. Hugmyndin hefði hentað vel í smásögu, ekki heila
skáldsögu og eitthvað meira vantar til að gera söguna spennandi og hún
verður fyrirsjáanleg. Þá er hugmyndin um að auðkenna persónur ekki með
nöfnum furðuleg. Til lengdar verður þreytandi að lesa sífellt um „einhenta
manninn“, „nágrannakonuna“, „líffræðinginn“ og „lífefnafræðinginn“.
Kolbeinn Óttarsson Proppé
Niðurstaða: Ágætis hugmynd en stendur ekki undir heilli skáldsögu.
Sagan er fyrirsjáanleg.
Stundum segja menn í ábyrgðar-
leysi að flest skáld landsins komi
úr Borgarfjarðarhéraði: ekki skal
deilt um það, en þessa dagana sitja
þrír Borgfirðingar í efstu sætum
metsölulista Pennans Eymunds-
sonar.
Efst trónar Arnaldur Indriðason
með nýja sögu sína af rannsóknar-
lögreglunni í Reykjavík en í kjöl-
far hans kemur Kristín Marja
Baldursdóttir með nýja sögu. Í
þriðja sæti er ævisaga Snorra
Sturlusonar eftir Reykhyltinginn
Óskar Guðmundsson, í fimmta
sæti situr Böðvar Guðmunds-
son með nýja skáldsögu sína og
í sjöunda sæti eru endurminn-
ingar Flosa Ólafssonar úr Kvos-
inni. Þessi þrir Borgfirðingar eru
sem sagt vinsælir meðal þeirra
sem teknir eru að kaupa bækur.
Fjórða sætið skipar Ástandsbarn
Camillu Läckberg, en það sjötta
ornar Stefán Máni með spennu-
sögu sína, Hyldýpið. - pbb
Borgfirðingar sækja á
BÖÐVAR
GUÐMUNDSSON
ÓSKAR
GUÐMUNDSSON
Ásdís Valdimarsdóttir víóluleikari
tekst í kvöld á við einn helsta
víólukonsert liðinnar aldar eftir
William Walton á tónleikum Sin-
fóníuhljómsveitar Íslands. Ásdís
er ein þeirra Íslendinga sem hafa
náð hvað lengst í tónlist á alþjóð-
legum vettvangi. Hún lærði við
Juilliard-tónlistarskólann og var
víóluleikari Chilingirian-kvart-
ettsins um árabil, auk þess sem
hún hefur komið fram með mörg-
um helstu tónlistarmönnum heims,
meðal annars Claudio Abbado,
Maxim Vengerov og Gidon Krem-
er, og hljóðritað fyrir Deutsche
Grammophon og EMI.
Á tónleikunum verður líka leik-
in Corelli-fantasían eftir Tipp-
ett, sem aldrei hefur verið flutt á
Íslandi fyrr. Það var árið 1953 sem
Edinborgarhátíðin pantaði verkið í
tilefni þess að 300 ár voru liðin frá
fæðingu barokkmeistarans Cor-
ellis og útkoman er afar skemmti-
legur bræðingur gamalla og nýrra
tíma.
Eftir hlé verður Eldfuglinn eftir
Ígor Stravinskíj fluttur. Stravins-
kíj var eitt merkasta og frægasta
tónskáld 20. aldarinnar. Eldfuglinn
var fyrsta stóra verkið sem hann
samdi, en hann var þá 27 ára gam-
all. Upphaflega var verkið ball-
ett og þegar Eldfuglinn var frum-
sýndur í París varð Stravinskíj
heimsfrægur á einni nóttu. Síðan
samdi hann marga balletta sem
líka urðu frægir, meðal annars
Vorblót sem þótti svo nútímalegt
að uppþot urðu þegar það var flutt
í fyrsta sinn. Frægð Stravinskíjs
gerði það að verkum að allir vildu
starfa með honum að því að skapa
ný verk; málarinn Pablo Picasso
hannaði sviðsmyndir og tísku-
drottningin Coco Chanel gerði
búninga við balletta hans. Í seinni
heimsstyrjöldinni fluttist Stra-
vinskíj til Bandaríkjanna ásamt
konu sinni og síðustu áratugina
átti hann heima í Beverly Hills þar
sem hann samdi nútímatónlist sína
umkringdur kvikmyndastjörnum.
Meðal annarra frægra verka eftir
Stravinskíj eru Petrúska, Pulcin-
ella og Sálmasinfónían. Að heyra
Eldfuglinn á tónleikum er upplifun
sem lætur engan ósnortinn.
Víólukonsertinn samdi Walton á
árunum 1928–29. Sir Thomas Bee-
cham, sá goðsagnakenndi stjórn-
andi, hafði beðið hann um slíkt
verk handa breska víólusnillingn-
um Lionel Tertis, sem gerði öðrum
mönnum meira til að koma lágfiðl-
unni í flokk einleikshljóðfæra á
20. öld. En þegar til kom var Tert-
is ósáttur við verkið – kannski af
því hann var ekki hafður með í
ráðum, hugsanlega fannst honum
einnig lítið koma til þeirrar frægð-
ar sem tónskáldið hafði notið und-
anfarin ár – og sendi það aftur til
höfundarins um hæl. Walton tók
þetta afar nærri sér enda fram-
úrskarandi lágfiðluleikarar ekki
á hverju strái. Í raun kom aðeins
einn annar til greina, tónskáldið
Paul Hindemith sem var átta
árum eldri en Walton og lék meðal
annars í strengjatríói með Szym-
on Goldberg og Emanuel Feuer-
mann. Það var Hindemith sem lék
einleiksrulluna við frumflutning-
inn í Lundúnum 3. október 1929 –
fyrir rétt rúmum átta áratugum.
Svo öllu sé haldið til haga sá Tert-
is að sér síðar, lærði konsertinn
og flutti hann víða um heim með
góðum árangri. Hann hefur einu
sinni hljómað hér á landi, í flutn-
ingi Ingvars Jónassonar í febrúar
1980.
Vinafélag Sinfóníuhljómsveit-
ar Íslands stendur fyrir kynningu
á undan tónleikum hljómsveitar-
innar annað kvöld. Kynningin fer
fram í Safnaðarheimili Neskirkju
og hefst kl. 18 með súpu og með-
læti. Árni Heimir Ingólfsson, tón-
listarstjóri SÍ, kynnir síðan Eld-
fuglinn eftir Stravinskíj í tali og
tónum og fjallar einnig lítillega
um verk eftir Walton og Tippett
sem einnig eru á efnisskránni.
pbb@frettabladid.is
Ásdís og Eldfuglinn
TÓNLIST Ásdís Valdimarsdóttir víóluleikari. MYND SÍ
568 8000 – borgarleikhus.is – midasala@borgarleikhus.is
Fjölskyldan - ágúst í Osagesýslu (Stóra sviðið)
Fös 6.11. Kl. 19:00 4. kort U
Sun 8.11. Kl. 19:00 5. kort U
Fim 12.11. Kl. 19:00 6. kort U
Fös 13.11. Kl. 19:00 7. kort U
Sun 15.11. Kl. 19:00 8. kort U
Mið 18.11. Kl. 19:00 Aukasýn. U
Fös 20.11. Kl. 19:00 9. kort U
Sun 22.11. Kl. 19:00 10. kort U
Mið 25.11. Kl. 19:00 Aukasýn.
Fim 26.11. Kl. 19:00 11. kort U
Fös 27.11. Kl. 19:00 12. kort U
Sun 29.11. Kl. 19:00 Aukasýn. Ö
Lau 5.12. Kl. 19:00 13. kort U
Sun 6.12. Kl. 19:00 Aukasýn. Ö
Fim 10.12. Kl. 19:00 Aukasýn. U
Fös 11.12. Kl. 19:00 14. kort U
Sun 13.12. Kl. 19:00 Ö
Fös 18.12. Kl. 19:00 Aukasýn.
Lau 19.12. Kl. 19:00 Ö
Þri 29.12. Kl. 19:00
Mið 30.12. Kl. 19:00 Ö
Sýningin er þrír þættir, hver 1 klst að lengd. Hlé eftir 1. og 2. þátt.
Fim 5.11. Kl. 20:00 Aukasýn. U
Lau 7.11. Kl. 14:00 U
Lau 14.11. Kl. 14:00 U
Sun 15.11. Kl. 14:00 Aukasýn. U
Söngvaseiður (Stóra sviðið)
Lau 21.11. Kl. 19:00 Aukasýn. Ö
Sun 22.11. Kl. 14:00 Aukasýn. U
Lau 28.11. Kl. 14:00 Aukasýn. Ö
Sun 29.11. Kl. 14:00 Aukasýn. Ö
Lau 5.12. Kl. 14:00
Sun 13.12. Kl. 14:00
Sun 27.12. Kl. 14:00 Ö
Sun 27.12. Kl. 19:00 Ö
Nýjar aukasýningar í sölu. Tryggðu þér miða strax.
Harry og Heimir (Litla sviðið)
Fim 5.11. Kl. 20:00 31. kort U
Lau 7.11. Kl. 19:00 32. kort U
Lau 7.11. Kl. 22:00 33. kort U
Sun 8.11. Kl. 20:30 34. kort U
Fös 13.11. Kl. 19:00 35. kort U
Fös 13.11. Kl. 22:00 36. kort U
Lau 14.11. Kl. 19:00 37. kort U
Lau 14.11. Kl. 22:00 38. kort U
Sun 22.11. Kl. 20:30 39. kort U
Fim 26.11. Kl. 20:00 40. kort U
Fös 27.11. Kl. 19:00 41. kort U
Fös 27.11. Kl. 22:00 42. kort U
Þri 1.12. Kl. 20:00 43. kort U
Fös 4.12. Kl. 19:00 44. kort U
Fös 4.12. Kl. 22:00 45. kort U
Lau 12.12. Kl. 19:00 46. kort U
Lau 12.12. Kl. 22:00 47. kort U
Sun 13.12. Kl. 20:00 48. kort U
Fös 18.12. Kl. 19:00 49. kort U
Fös 18.12. Kl. 22:00 50. kort U
Lau 19.12. Kl. 16:00 U
Sun 27.12. Kl. 22:00 U
Mán 28.12. Kl. 19:00 U
Fös 8.1. Kl. 19:00 U
Fös 8.1. Kl. 22:00 Ö
Fös 15.1. Kl.19:00 U
Lau 16.1. Kl. 19:00 U
Lau 16.1. Kl. 22:00 Ö
Sun 17.1. Kl. 20:00 Ö
Fim 21.1. Kl. 20:00 Ö
Sala hafin á sýningar í janúar.
Djúpið (Litla svið/Nýja svið)
Fös 6.11. Kl. 20:00 Aukasýn. Ö
Lau 7.11. Kl. 20:00 Aukasýn.
Fös 13.11. Kl. 20:00 Aukasýn. Ö
Lau 14.11. Kl. 20:00 Aukasýn.
Sun 15.11. Kl. 20:00 U
Þri 24.11. Kl. 20:00 Aukasýn. U
Mið 25.11. Kl. 19:00 Aukasýn. Ö
Mið 25.11. Kl. 21:00 Ö
Síðustu sýningar! Sýningartími: 1 klst, ekkert hlé.
Bláa gullið (Litla svið)
Uppsetning Opið út í samstarfi við Borgarleikhúsið.
Lau 7.11. Kl. 14:00
Sun 15.11. Kl. 14:00
Lau 21.11. Kl. 15:00
Lau 28.11. Kl. 15:00
Dauðasyndirnar (Litla sviðið)
Fös 6.11. Kl. 20:00 U
Sun 8.11. Kl. 14:00 Ö
Fim 12.11. Kl. 20:00 U
Síðustu sýningar. 20% afsláttur til Vísa kreditkorthafa.
Lau 14.11. Kl. 15:00 U
Sun 22.11. Kl. 14:00 U
Mið 2.12. Kl. 20:00 U
Fim 3.12. Kl. 20:00 síðasta sýn. U
Lau 21.11. Kl. 22:30 Aukasýn.
Fös 4.12. Kl. 22:30 Aukasýn.
Sannleikurinn (Stóra sviðið)
Lau 12.12. Kl. 19:00 Aukasýn.
Lau 12.12. Kl. 22:00 Aukasýn.
ATH! SÍÐUSTU SÝNINGAR
Lau 7.11. Kl. 20:00 U
Lau 14.11. Kl. 19:00 Ö
Við borgum ekki (Stóra svið)
Uppsetning Nýja Íslands.
Lau 14.11. Kl. 22:00 Ö
Fim 19.11. Kl. 20:00 Ö