Fréttablaðið - 14.11.2009, Síða 6

6 14. nóvember 2009 LAUGARDAGUR
HLUTAFÉLÖG Ætlunin er að auka
réttindi minni hluthafa með breyt-
ingum á hlutafélagalögum, sem nú
eru í undirbúningi í efnahags- og
viðskiptaráðuneytinu.
Gylfi Magnússon viðskiptaráð-
herra segir að frumvarp þessa
efnis verði lagt fyrir Alþingi fyrri
hluta vetrar. Fyrstu drög liggi fyrir
og séu byggð á ítarlegri skýrslu
Lagastofnunar HÍ.
Í skýrslunni var lagt til að gerð
yrði frekari könnun á því hvort
taka ætti norsk lög til fyrirmynd-
ar með því að hluthafi geti fengið
heimild dómstóls til að innleysa
hlut sinn í félagi ef stjórnendur
þess eða aðrir hluthafar hafa
misbeitt áhrifum sínum innan þess
og aflað sér þannig „ótilhlýðilegra
hagsmuna“ eins og það er orðað í
hlutafélagalögum.
Þessi breyting mundi varða þau
ákvæði 76. og 95. greina núgildandi
hlutafélagalaga, sem tekist var á
um í nýlegum dómi Hæstaréttar í
máli Vilhjálms Bjarnasonar gegn
fyrrverandi stjórnendum Glitnis.
Einnig er lagt til í skýrslu
Lagastofnunar að ýmsir frest-
ir hluthafa til að kynna sér gögn
og krefjast hluthafafunda verði
rýmkaðir í þágu smærri hlut-
hafa. Þá verði þrengdar heimild-
ir stjórnenda félags til að koma
sér undan upplýsingaskyldu gagn-
vart hluthöfum. Einnig setur
Lagastofnun fram hugmynd-
ir til frekari skoðunar á endur-
skoðun þeirra ákvæða hlutafé-
lagalaga sem fjalla um viðskipti
hlutafélags við tengda aðila. - pg
MENNTUN Ef við leggjum ekki rækt
við íslensku í skólakerfinu er
hætt við að framtíð hennar verði
ógnað.
Svo segir í niðurlagi ályktunar
Íslenskrar málnefndar um stöðu
íslenskrar tungu árið 2009.
Í henni er fundið að íslensku-
kennslu á öllum stigum skóla-
kerfisins og lögð til markmið og
aðgerðir til úrbóta. Er það gert í
því ljósi að nú er unnið að samn-
ingu námskráa fyrir leik-, grunn-
og framhaldsskóla.
Sérstök athygli er vakin á því að
í íslenskum grunnskólum er minni
tíma varið til móðurmálskennslu
en í grunnskólum annars staðar á
Norðurlöndunum. „Í þeim öllum
fór af stað sérstakt átak í kjölfar
Pisa-rannsókna á þessum áratug.
Því er ekki að heilsa hér á landi í
jafn ríkum mæli,“ segir í ályktun-
inni. Enn fremur segir að í grunn-
skóla sé lagður grunnur að öllu
námi nemenda á lífsleiðinni og gott
vald á íslensku sé undirstaða alls
frekara náms í framhaldsskóla og
háskóla.
Íslensk málnefnd gagnrýnir líka
stöðu íslenskukennslu í framhalds-
skólum og varar við hugmyndum
um að fækka einingum í íslensku
til stúdentsprófs. Þá vekur nefnd-
in athygli á að kennaranemar geti
öðlast kennarapróf frá Menntavís-
indasviði Háskóla Íslands án þess
að hafa fengið þar eina einustu
kennslustund í íslensku.
Að endingu er áhyggjum lýst
af því að nánast allur helsti hug-
búnaður í tölvum sé yfirleitt á
ensku, andstætt því sem gerist í
nágrannalöndunum. Hlýtur það
að teljast bæði eðlileg og sjálfsögð
krafa að íslenskir nemendur hafi
aðgang að tölvum á íslensku, segir
Íslensk málnefnd.
Sjónum verður beint að íslensku
í skólum á málræktarþingi sem
fram fer í hátíðarsal HÍ í dag.
bjorn@frettabladid.is
Íslendingar eftirbátar
í móðurmálskennslu
Færri stundum er varið til móðurmálskennslu í grunnskólum á Íslandi en annars
staðar á Norðurlöndunum. Íslensk málnefnd finnur að íslenskukennslu í skóla-
kerfinu og leggur til markmið og aðgerðir til úrbóta. Málræktarþing er í dag.
■ Tryggja þarf að leikskólakennarar
fái haldgóða menntun í íslensku.
■ Auka þarf hlutfall íslenskukennslu
í grunnskólum.
■ Íslenska þarf að vera námsgrein
í kjarna á öllum námsbrautum
framhaldsskóla.
■ Háskólamenntun í íslensku þarf
að vera ríkur þáttur í menntun
allra kennara. Óviðunandi er að
unnt sé að ljúka kennaraprófi án
háskólamenntunar í íslensku.
■ Enginn verði greinakennari í
íslensku í grunnskóla nema hafa
lagt sérstaka áherslu á íslensku í
kennaranámi sínu.
■ Auka þarf færni í kennslu íslensku
sem annars máls með aukinni
áherslu í kennaranámi og með
símenntun.
■ Allt notendaviðmót í tölvum
í íslenskum skólum verði á
íslensku innan þriggja ára.
TILLÖGUR UM MARKMIÐ OG AÐGERÐIR
SKÓLASTOFAN Íslensk málnefnd segir að auka þurfi íslenskukennslu í grunnskól-
um enda er hún talsvert minni en í nágrannalöndunum. FRÉTTABLAÐIÐ/GVA
Stilling hf. • Sími 520 8000 • www.stilling.is • stilling@stilling.is
Bílavarahlutir
Gleráreyrar 2 600 Akureyri sími 464-7960 www.k2m.is
Rýmingarsala á pallhúsum
Tilboðsverð kr. 199.999
Hágæða pallhús
á frábæru verði
Eigum til hús á Hi-Lux





  
 

 



  


 

 !
 
"


# 
$ 16,1%
18,9%
22,4% 23%
25%
28,7%
EFTIRBÁTAR FRÆNDÞJÓÐA
Hlutfall móðurmálskennslu í grunnskólum á Norðurlöndunum
Drög að stjórnarfrumvarpi um aukna vernd minnihluta í hlutafélögum liggja fyrir:
Vernd smærri hluthafa aukin
DÓMSMÁL Kröfu eiganda lítils sum-
arhúss í Kiðjabergi í Grímsnesi um
að tvö ný frístundahús í nágrenn-
inu yrðu rifin hefur verið hafnað Í
Héraðsdómi Suðurlands.
Hjónin Þór Ingólfsson og Þórdís
Tómasdóttir, sem eiga sumarhús
í landi Meistarfélags húsasmiða í
Kiðjabergi, stefndu bæði sveitar-
félaginu og eigendum tveggja
nýrra frístundahúsa með kröfu
um niðurrif húsanna. Sögðu þau
byggingarleyfi húsanna ógild þar
sem ekki hafi verið staðið rétt að
kynningu á breytingu á deiliskipu-
lagi svæðisins. Eftir breytinguna
var heimilt að byggja miklu stærri
hús en áður var leyft í Kiðjabergi.
Þetta skipulag vildu hjónin að yrði
fellt út gildi með dómi.
Héraðsdómur tekur þó undir með
hjónunum að byggingarleyfi fyrir
nýju húsunum hafi verið veitt áður
en nýja skipulagið tók gildi. Lögin
mæla fyrir um að séu byggingar
reistar áður en skipulagi er breytt
skuli fjarlægja þær til þess að
skipulagið taki gildi. Héraðsdómur
segir að eigendur nýju húsanna hafi
hins vegar stöðvað framkvæmd-
ir á sínum tíma og ekki hafið þær
aftur fyrr en nýja skipulagið hafði
tekið gildi. Þeir hafi byggt hús sín í
„góðri trú um gildi byggingarleyfa
sinna“ og því sé ekki unnt að fallast
á kröfur hjónanna. - gar
Héraðsdómur Suðurlands hafnar kröfu eigenda lítils sumarbústaðar í Kiðjabergi:
Nágrannahús ekki dæmd til niðurrifs
ÞÓRDÍS TÓMASDÓTTIR Stefndi eigendum
tveggja nýrra frístundahúsa. MYND/EGILL
DÓMSMÁL Tæplega þrítugur
maður hefur verið dæmdur í
níutíu daga fangelsi skilorðs-
bundið fyrir ræktun og vörslu á
kannabisefnum.
Maðurinn hafði í fórum sínum
samtals 414 grömm af kannabis-
laufi, 204 kannabisplöntur og 53
grömm af kannabisstönglum.
Hann hafði um nokkurt skeið,
fram til þess dags sem hann var
handtekinn, ræktað kannabis-
plöntur.
Þá var hann ákærður fyrir
vopnalagabrot. Hann var með
lásboga, sem lögreglumenn
fundu við leit.
- jss
Rúmlega tvö hundruð plöntur:
Kannabisrækt-
andi á skilorð
GYLFI
MAGNÚSSON
Á að banna unglingum að nota
ljósabekki?
Já 86,2%
Nei 13,8%
SPURNING DAGSINS Í DAG:
Ætlar þú að taka þátt í greiðslu-
verkfalli Hagsmunasamtaka
heimilanna?
Segðu skoðun þína á visir.is
KJÖRKASSINN