Fréttablaðið - 08.12.2009, Blaðsíða 2

2 8. desember 2009 ÞRIÐJUDAGUR
Auður, gengur þetta ekki
glimrandi vel?
„Jú, alveg ljómandi.“
Auður Lind Hafsteinsdóttir hefur látið
hanna endurskinsmerki með mynd af
broskarli, sem dóttir hennar teiknaði.
Ágóði af sölu merkjanna rennur til Fjöl-
skylduhjálpar Íslands.
ATVINNULEYSI Það kostar um 3,3
milljónir króna á ári að reka sér-
stakan sjóð um atvinnuleysisbæt-
ur til bænda, smábátasjómanna og
vörubifreiðastjóra. Um ein milljón
af kostnaðinum fer í laun ráðherra-
skipaðrar úthlutunarnefndar. Sjóð-
urinn greiddi 8,7 milljónir króna
í atvinnuleysisbætur til fjórtán
manns á síðasta ári.
Tryggingasjóður sjálfstætt
starfandi einstaklinga var sett-
ur á fót með lögum vorið 1997 og
eru lögin óbreytt frá þeim tíma.
Heimild til að fleiri atvinnugrein-
ar sjálfstætt starfandi fái aðild að
sjóðnum hefur aldrei verið nýtt.
Í ár hafa sjóðnum borist ell-
efu umsóknir og hafa allar fengið
jákvæða afgreiðslu, að sögn Lín-
eyjar Árnadóttur, forstöðumanns
Vinnumálastofnunar á Skaga-
strönd. Í fyrra var einni umsókn
synjað en fjórtán teknar til greina.
Allar tólf umsóknirnar sem bár-
ust 2007 voru teknar til greina.
Skipting bótagreiðslna milli stétt-
anna þriggja sést í töflu sem fylgir
fréttinni.
Skrifstofa Vinnumálastofnunar á
Skagaströnd annast rekstur sjóðs-
ins og tók stofnunin 2,3 milljóna
umsýsluþóknun vegna rekstrar-
ins í fyrra. Sérstök ráðherraskip-
uð úthlutunarnefnd hefur það hlut-
verk að fara yfir umsóknir bænda,
smábátasjómanna og vörubifreiða-
stjóra. Samkvæmt upplýsingum
frá Vinnumálastofnun fær nefnd-
in samtals um eina milljón króna í
nefndarlaun á ári.
Að sögn Sigurðar P. Sigmunds-
sonar, sviðsstjóra hjá Vinnu-
málstofnun, er Tryggingasjóður
sjálfstætt starfandi einstaklinga
fjármagnaður með tryggingagjaldi
viðkomandi atvinnugreina. Gjaldi
þessara stétta er haldið aðskildu og
það lagt í þennan sjóð en ekki hinn
almenna atvinnuleysistrygginga-
sjóð. Að jafnaði hafa um fimmt-
án milljónir króna verið greiddar
inn í sjóðinn á ári hverju. Að sögn
Sigurðar mun sú fjárhæð hækka
árið 2009 í samræmi við hækkun
tryggingagjalds.
Tryggingasjóðurinn átti um 330
milljóna króna eigið fé um síðustu
áramót. 104 milljónir króna voru
geymdar á bankareikningi hjá Byr
en afgangurinn er varðveittur sem
inneign hjá ríkissjóði.
peturg@frettabladid.is
Ellefu atvinnulausir
með sinn eigin sjóð
Til er sérstakur bótasjóður með úthlutunarnefnd vegna atvinnulausra bænda,
smábátasjómanna og vörubílstjóra. Kostar rúmar 3 milljónir, þar af milljón til
nefndarinnar. Bótagreiðslur 8,7 milljónir á síðasta ári. 11 manns fá bætur í ár.
VINNUMARKAÐUR Félag íslenskra
flugumferðarstjóra segir að á
skömmum tíma hafi níu af 64
flugumferðarstjórum, sem starfa
alla jafna við flugumferðarstjórn
á Íslandi, sagt upp störfum og
farið að vinna í útlöndum. Gera
megi ráð fyrir að fleiri fylgi í
kjölfarið.
Félagið telur þetta atgervis-
flótta og hefur áhyggjur af
honum. Laun flugumferðarstjóra
hér á landi séu lægri en á hinum
Norðurlöndunum.
Flugumferðarstjórar sitja þessi
dægrin hjá ríkissáttasemjara og
semja um kjör sín við Samtök
atvinnulífsins. - kóþ
Flugumferðarstjórar:
Segja kollega
sína á flótta
ALÞINGI. Allar áætlanir um rekst-
ur nýrrar samgöngumiðstöðvar í
Reykjavík miðast við að bygging
hennar verði fjármögnuð með
lánsfé frá lífeyrissjóðunum til 25-
35 ára.
Notendagjöld af farþegum, sem
fara um samgöngumiðstöðina,
og leigugjöld þjónustuaðila, sem
verða með rekstur í miðstöðinni,
eiga að nægja til að standa undir
greiðslu lánanna.
Þetta kom fram í svari Kristj-
áns L. Möller samgönguráðherra
við fyrirspurn frá Jóni Gunnars-
syni, þingmanni sjálfstæðis-
manna, á Alþingi í gær.
Samgönguráðherra sagði áætl-
anir miðast við 200-250 króna
gjaldtöku af hverjum farþega. -pg
Samgöngumiðstöð:
Farþegar borgi
200-250 krónur
SKAGASTRÖND Starfsmenn Vinnumálastofnunar halda utan um sérstakan Trygg-
ingasjóð sjálfstætt starfandi einstaklinga. Sjóðurinn hefur greitt ellefu manns
atvinnuleysisbætur í ár. FRÉTTABLAÐIÐ/HILMAR GUÐMUNDSSON
Á heimasíðu Vinnumálastofnunar kemur fram að Tryggingasjóður sjálfstætt
starfandi einstaklinga geti greitt atvinnusköpunarstyrki til atvinnulausra
maka smábátasjómanna, bænda og vörubifreiðastjóra, uppfylli þeir ákveðin
skilyrði. Styrkirnir geti samsvarað hámarksbótum úr sjóðnum, sem eru
6.900 kr. á dag líkt og almennar atvinnuleysisbætur, og má greiða þá í allt
að hálft ár. Að sögn Líneyjar Árnadóttur, forstöðumanns Vinnumálastofn-
unar á Skagaströnd, hefur aldrei verið sótt um slíka styrki frá því að útibú
Vinnumálastofnunar á Skagaströnd tók við umsjón sjóðsins árið 2006.
STYRKIR TIL MAKA ALDREI GREIDDIR
GREIÐSLUR ÚR SJÓÐNUM (MILLJÓNIR KRÓNA)
Stétt 2006 2007 2008
Bændur 8,2 5,9 7,0
Smábátaeigendur 2,9 0.9 1,3
Vörubílstjórar 0.4 0 0,3
alls 11,5 6,8 8,7
VIÐSKIPTI Jón Sigurðsson, fyrr-
verandi stjórnarformaður Fjár-
málaeftirlitsins, hefur verið
tilnefndur í stjórnarformanns-
sæti Íslandsbanka, samkvæmt
heimildum Fréttablaðsins. Á
meðal annarra stjórnarmanna
eru Árni Tómasson, formað-
ur skilanefndar Glitnis, og þrír
erlendir bankasérfræðingar.
Ekki liggur fyrir hver þriðji
stjórnarmaðurinn verður.
Í núverandi stjórn Íslandsbanka
eru fimm sæti og verður þeim
fjölgað um tvö þegar ný stjórn
tekur við bankanum. Kröfuhaf-
ar, sem samþykktu í septemb-
er að eignast 95 prósenta hlut í
bankanum, fá sex stjórnarsæti en
ríkið tilnefnir einn í krafti fimm
prósenta hlutar. Ekkert er vitað
um val ríkisins.
Ekki náðist í Jón Sigurðsson
þegar eftir því var leitað í gær.
Árni Tómasson, formaður
skilanefndar Glitnis, vildi hvorki
segja af né á um stjórnarskipan-
ina en bætti við að hæfra stjórn-
armanna væri leitað víða, jafnt
hér sem erlendis. Að öðru leyti
vildi hann ekki tjá sig um málið
en eignarhaldsfélag sem fer með
95 prósenta hlut í bankanum mun
ráða í stjórnina.
Búið er að stofna eignarhalds-
félagið en beðið er staðfesting-
ar Fjármálaeftirlitsins, að sögn
Árna. Sama máli gegnir um yfir-
töku kröfuhafa á bankanum.
Hann gat ekki sagt til um hvenær
það verði en taldi þess ekki langt
að bíða. - jab
Jón Sigurðsson verður stjórnarformaður Íslandsbanka:
Ríkið fær einn á móti sex
JÓN SIGURÐSSONÁRNI TÓMASSON
SKIPULAGSMÁL Fulltrúar Alcan á
Íslandi telja að efna eigi til nýrr-
ar íbúakosningar í Hafnarfirði um
breytingu á deiliskipulagi þannig
að hægt sé að stækka álverið í
Straumsvík.
Samkvæmt reglum Hafnarfjarð-
arbæjar á að efna til atkvæða-
greiðslu meðal íbúa ef meira en
fjórðungur þeirra óskar eftir því.
Stuðningsmönnum stækkunar
álversins tókst að afla nægilegra
margra undirskrifta til að fá endur-
tekningu á kosningu árið 2007 sem
lyktaði með því að stækkunin var
felld. Ný kosning hafa þó ekki verið
boðuð. Bæjaryfirvöld telja að fyrst
þurfi að kanna hvort Alcan hafi enn
áhuga á stækkuninni.
„Við stóðum ekki sjálf að því að
fara með þessa undirskriftarsöfn-
un í gang en nú er henni lokið með
fullnægjandi fjölda undirskrifta og
þá segja nú held ég reglurnar að
það eigi að fara í atkvæðagreiðsl-
una,“ segir Ólafur Teitur Guðna-
son, upplýsingafulltrúi Alcan á
Íslandi.
Bjarki Jóhannesson, sviðsstjóri
skipulags- og byggingarsviðs Hafn-
arfjarða, kynnti viðræður sínar
fyrir fulltrúum Alcan fyrir bæjar-
ráði í síðustu viku. Ekki náðist í
Bjarka í gær en samkvæmt upplýs-
ingum Fréttablaðsins upplýsti hann
bæjarráðið um að Rannveig Rist,
forstjóri Alcan á Íslandi, vildi ein-
dregið að kosið yrði um deiliskipu-
lagið að nýju. Engin niðurstaða er
um framhald málsins. - gar
Hafnarfjarðarbær í viðræðum við fulltrúa álversins í Straumsvík um stækkun:
Alcan vill nýja íbúakosningu
ÁLVERIÐ Í STRAUMSVÍK Til stóð að stækka álverið í Straumvík eins og þessi samsetta
mynd sýnir og auka framleiðsluna úr 190 þúsund tonnum í 460 þúsund tonn. Nú er
í undirbúningi að auka framleiðsluna um 40 þúsund tonn. Sú framkvæmd kostar um
30 milljarða króna.
DANMÖRK, AP Mörg helstu álita-
mál loftlagsráðstefnu Sameinuðu
þjóðanna voru enn óleyst þegar
hún hófst í Kaupmannahöfn í
gær.
Connie Hedegård, forseti
ráðstefnunnar, sagði lausnina
fólgna í því að tryggja fátækum
ríkjum fjármagn næstu árin
til að verjast afleiðingum
loftslagsbreytinga.
„Þetta er okkar tækifæri. Ef
við missum af því gætu liðið
mörg ár þangað til við fáum nýtt
og betra tækifæri. Ef það verður
þá nokkurn tímann,“ sagði hún í
gær. - gb
Loftslagsráðstefnan hafin:
Helstu deilu-
málin óleyst
FYLGST MEÐ Fjölmiðlafólk fjölmennir á
ráðstefnuna. NORDICPHOTOS/AFP
Engin áætlun um Landeyjar
Ekki hefur verið ákveðið hversu
tíðar siglingar verða til Eyja eftir að
ferjusiglingar færast frá Þorlákshöfn
í nýja Landeyjahöfn, né hvernig
gjaldskráin verður. Þetta kemur fram í
svari samgönguráðherra við fyrirspurn
á Alþingi. Landeyjahöfn á að verða
tilbúin fyrir siglingar í júlí á næsta ári.
SAMGÖNGUMÁL
LÖGREGLUMÁL Lögreglan á höfuð-
borgarsvæðinu stöðvaði um 1.000
ökumenn frá fimmtudegi til laug-
ardags í átaki gegn ölvunarakstri
sem nú stendur yfir.
Átta ökumenn reyndust ölvaðir
og eiga von á ökuleyfissviptingu.
Ellefu höfðu neytt áfengis en voru
undir leyfilegum mörkum. Þeim
var gert að hætta akstri, að sögn
lögreglu. Einn var kærður fyrir
akstur undir áhrifum fíkniefna.
Allmargir voru kærðir fyrir að
aka þrátt fyrir að hafa verið svipt-
ir ökuleyfi, og fjöldi hafði skilið
skírteinið eftir heima. - bj
Átak gegn ölvunarakstri:
Um 1.000 öku-
menn stöðvaðir
Meðallaun 458 þúsund
Meðallaun ríkisstarfsmanna eru 458
þúsund krónur á mánuði, að því er
fram kemur í tilkynningu frá fjármála-
ráðuneytinu. Þar segir að aðhaldsað-
gerðir hafi því miður leitt til launa- og
kjaraskerðingar hjá ríkisstarfsmönnum
eins og öðrum starfsstéttum.
EFNAHAGSMÁL
SPURNING DAGSINS