Fréttablaðið - 08.12.2009, Blaðsíða 52

36 8. desember 2009 ÞRIÐJUDAGUR
Tvöfalda plata Óðmanna frá 1970
hefur verið endurútgefin á CD og
180 gramma vínylplötum af þýska
endurútgáfufyrirtækinu Shadoks
Music. Fyrirtækið sérhæfir sig í
að bjarga menningarverðmætum
frá glötun og koma þeim til áhuga-
samra hlustenda. Aðallega verða
fyrir valinu lítt þekktar en góðar
plötur frá 7. og 8. áratugnum.
„Það er mjög gott að skipta við
Þjóðverja. Þeir eru mjög góðir í
viðskiptum og það er búið að leggja
inn á reikninginn minn fyrir minn
hluta,“ segir Jóhann G. Jóhanns-
son, kampakátur með framtakið.
Hverju þakkar hann þessa líf-
seiglu Óðmanna?
„Þetta er bara góð músík. Í safn-
arablöðum – er mér sagt, ég er ekki
safnari – þykir þetta ein merki-
legasta plata þessarar tegundar á
Norðurlöndum. Það er gaman að
fá svoleiðis hrós,“ segir Jóhann
og bætir við: „Þó að hún hafi ekki
komist á listann yfir 100 bestu
íslensku plöturnar. Það er náttúr-
lega þannig að þegar músíkin heyr-
ist aldrei rofna tengslin við fólk í
dag. Það eru helst einhverjir ungir
framúrstefnurokkarar sem grafa
þetta upp og kveikja á þessu.“
Óðmanna-platan er sú fyrsta
íslenska sem Shadoks Music gefur
út en útgáfan lætur ekki staðar
numið þar því fram undan er sam-
bærileg útgáfa á þremur plötum
með Trúbroti og plötunni What’s
Hidden There? með Svanfríði.
- drg
Óðmenn í Þýskalandi
VIÐ TJARNARBÍÓ 1970 Óðmenn spiluðu þar í poppleiknum Óla og mikið af því efni
endaði á tvöföldu plötunni sem nú er komin út í Þýskalandi.
Bandaríski háskólapróf-
essorinn Michael Novak
heimsótti Ísland fyrst árið
2007 og segist hafa heillast
af náttúru landsins, fólk-
inu og sögu þess. Síðan þá
hefur hann heimsótt Ísland
reglulega og fóstrað sex
kindur í gegnum vefinn
www.kindur.is.
Michael er fæddur og uppalinn í
Ohio og stundaði nám í miðalda-
sögu Evrópu við Harvard-háskóla
en starfar nú sem prófessor
við Meredith College í Norður-
Karólínu. Michael segir að eftir
fyrstu heimsókn sína til lands-
ins hafi hann tekið upp á því að
lesa Iceland Review Online dag-
lega og þar rakst hann á grein þar
sem fjallað var um Kindur.is. „Ég
dvaldi sjálfur mikið í sveit sem
barn og kynntist þá búskap en það
sem heillaði mig einna mest við
Kindur.is var hugmyndafræðin að
baki verkefninu, að bæta aðgang
borgarbúa að sveitinni. Í kjölfar-
ið ákvað ég að gerast sauðfjáreig-
andi á Íslandi og keypti strax tvær
kindur, Eygló og Laylu. Stuttu
síðar keypti ég þriðju kindina, Úu,
og síðan þá hafa þrjú lömb bæst
við sauðaflokkinn minn,“ útskýrir
Michael.
Til gamans má geta þess að það
kostar 39.500 krónur á ári að eiga
kind, en fyrir þá upphæð fær eig-
andinn einn til tvo skrokka á ári og
ull, auk þess sem honum er boðið
að taka þátt í réttum á haustin.
Í kjölfar Íslandsheimsóknarinn-
ar kom Michael á samstarfsverk-
efni milli Meredith College og
Skálholtsskóla í Biskupstungum.
Síðastliðin tvö ár hefur hann ásamt
samkennara sínum heimsótt Skál-
holt með hóp af nemendum. „Fyrsti
hópurinn kom hingað í fyrrasumar
og dvaldi hér í mánuð. Nemendurn-
ir sóttu meðal annars námskeið í
sögu og bókmenntum auk þess sem
þau kynntust landi og þjóð. Hlédís
Sveinsdóttir, stofnandi Kindur.is,
bauð mér og nemendum mínum
í heimsókn til sín það sumar og
þá fékk ég að hitta kindaflokk-
inn minn í fyrsta sinn. Nemendur
mínir urðu bæði hissa og óttaslegn-
ir þegar ég skreið inn í króna til
kindanna, þannig að ætli megi ekki
segja að ég sé eins virkur sauðfjár-
eigandi og Bandaríkjamaður getur
orðið,“ segir Michael og hlær.
Aðspurður segir hann íslenskt
lambakjöt vera einstaklega gott
á bragðið, en hann og nemendur
hans fengu að bragða á því í heim-
sókninni til Hlédísar. „Mér þykir
íslenska lambakjötið besta kjöt sem
ég hef á ævinni smakkað og Ísland
fallegasta land sem ég hef nokkru
sinni komið til,“ segir Michael að
lokum. sara@frettabladid.is
Bandarískur prófessor ger-
ist sauðfjárbóndi á Íslandi
STOLTUR SAUÐFJÁRBÓNDI Hinn bandaríski Michael Novak á sex kindur hér á landi.
Kindurnar eignaðist hann í gegnum Kindur.is. Hér sést hann ásamt kindinni Guð-
rúnu. MYND/MICHAEL NOVAK
Útibú skyndibitastaðarins Burger
King hafa endurtekið orðið fyrir
barðinu á ungum Twilight-aðdá-
endum sem ræna plakötum af
veitingastöðunum. Burger King
býður upp á Edward og Jacob mál-
tíðir þessa dagana og eru staðirnir
prýddir stórum plakötum af vamp-
írunni og varúlfinum. „Stúlkurn-
ar koma inn á veitingastaðina og
rífa plakötin niður og hlaupa því
næst út. Við þurfum stanslaust að
hengja ný upp, en stuttu síðar end-
urtekur sagan sig,“ sagði starfs-
maður veitingakeðjunnar.
Kvikmyndin New Moon hefur
notið gífurlegra vinsælda und-
anfarið og hafa ungar stúlkur
skipað sér í Edwards- og Jacobs-
lið eftir því hvort þær séu hrifn-
ari af vampírunni Edward eða
varúlfinum Jacob.
Þjófóttir aðdáendur
Leikkonan Penelope Cruz segir
að næstum hafi liðið yfir sig á
Óskarsverðlaunahátíðinni fyrr
á þessu ári. Cruz vann Óskarinn
sem besta leikkonan í aukahlut-
verki fyrir frammistöðu sína í
myndinni Vicky Cristina Bar-
celona. Hún segist ekkert muna
eftir Óskarshátíðinni vegna þess
hversu spennt hún var. „Mér
finnst leiðinlegt að muna ekki
neitt vegna þess að það er svo
yndislegt þegar fjölskylda manns
og vinir samgleðjast manni. Ég
var alveg á mörkunum að falla
í yfirlið vegna taugaspennu. Ég
man vel eftir því,“ sagði Cruz.
Næstum leið
yfir Penelope
HJARTAKNÚSARAR Verið er að ræna
plakötum af Robert Pattinson og Taylor
Lautner.
LÚR - BETRI HVÍLD
HLÍÐASMÁRI 1
201 KÓPAVOGUR
SÍMI 554 6969
FAX 554 3100
WWW.LUR.IS
LUR@LUR.IS
www.lur.is
Úrval rúma, sófa og hvíldarstóla
10:00 – 18:00mánfös
Opið:
lau 11:00 – 16:00
Margir litir í boði – Frábær verð í gangi
Stórhöfði 17 (gengið inn um Veggsport)
Sími: 695 8464 og 772 1025
www.jogastudio.org
Hot jóga
Hatha Jóga
Byrjendanámskeið
Meðgöngujóga námskeið
Stakur tími 1.500 kr.
Mánaðarkort 9.265 kr.
3 mánaðakort 20.315 kr.
6 mánaðakort 30.600 kr.
15%
afsláttur af
öllum kortum
Opnunartilboð
Byrjendanámskeið 12.665 kr.
Meðgöngujóga námskeið 9.265 kr.
Innifalið í kortum eru allir opnir tímar
ásamt þeirri þjónustu sem boðið er upp á
í Veggsport.
Ný og persónuleg jógastöð