Fréttablaðið - 08.12.2009, Qupperneq 62

46 8. desember 2009 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
VEISTU SVARIÐ
Svör við spurningum á síðu 8
1 Mexíkó.
2 Kaupmannahöfn.
3 Duncan McKnight.
BESTI BITINN Í BÆNUM
„Mér finnst Sægreifinn æðisleg-
ur og fæ mér helst humarsúp-
una frægu eða skötuselsspjót. Ef
ég er að fara eitthvert spari er
ég voðalega hrifin af Fiskmark-
aðnum. Það er einnig fastur
liður hjá okkur fjölskyldunni að
kíkja á Jómfrúna í Lækjargötu í
desember.“
Hildur Björk Yeoman hönnuður
LÁRÉTT
2. nef, 6. úr hófi, 8. klettasprunga, 9.
meðal, 11. strit, 12. frumefni, 14. losti,
16. í röð, 17. meiðsli, 18. til viðbótar,
20. komast, 21. velta.
LÓÐRÉTT
1. íþrótt, 3. einnig, 4. fúslega, 5.
varkárni, 7. harðsnúinn, 10. rotnun,
13. slöngu, 15. morð, 16. húðpoki,
19. núna.
LAUSN
LÁRÉTT: 2. gogg, 6. of, 8. gjá, 9. lyf,
11. at, 12. flúor, 14. girnd, 16. hi, 17.
mar, 18. enn, 20. ná, 21. snúa.
LÓÐRÉTT: 1. golf, 3. og, 4. gjarnan,
5. gát, 7. fylginn, 10. fúi, 13. orm, 15.
dráp, 16. hes, 19. nú.
„Eftir hrun bankanna byrjaði svo
sterk umræða í fjölmiðlum um
sprotafyrirtæki. Okkur fannst
þetta spennandi og vildum taka þátt
í þessari stemningu svo við fórum
að búa til sultuna og kölluðum hana
Eldmóð,“ segir Helena Hans mynd-
listarkona. Hún og Elín Anna Þóris-
dóttir myndlistarkona búa til sult-
una, sem er rótsterk. „Við látum
rosalega mikið chili út í hana, sem
bæði eykur kyngetu og blóðflæði til
heilans,“ segir hún.
Í tengslum við sultugerðina hafa
þær Helena og Elín Anna einnig
staðið fyrir mánaðarlegum boð-
skvöldum á Bakkusi þar sem fólk
fær tækifæri til að koma fram og
sultan er seld á kostnaðarverði.
„Þetta er hugsað sem vettvangur
fyrir fólk til skapandi hugsunar.
Að bjóða upp á svona kvöld skap-
ar tækifæri og tengir fólk saman,“
útskýrir Helena. Boðskvöldið á
Bakkusi í kvöld hefst klukkan 21
og meðal þeirra sem koma fram eru
Anna Líndal, Gísli Þór Ólafsson og
Þóra Björk Þórðardóttir.
Aðspurð segir Helena verkefnið
vera nokkurs konar mannauðs-
gjörning hugsaðan fyrir fólk, en
ekki fyrirtæki rekið með hagnað
að leiðarljósi. Gjörningurinn mun
standa yfir í eitt ár og enda með
hringferð um landið þar sem skor-
að verður á landsbyggðarbúa að tjá
sig á skapandi hátt. „Við ætlum svo
að gera mynd um þetta verkefni, en
Friðrik Grétarsson sér um tökur á
öllu efni, atburðum og gjörningum
sultunnar,“ segir Helena. Nánari
upplýsingar er að finna á Facebook-
síðunni Sultan Eldmóður. - ag
Sulta og mannauðsgjörningur
Grínhátíð verður haldin í Reykja-
vík, á Akranesi og Selfossi dag-
ana 15. til 19. desember. Þar kemur
fram hópur af grínistum úr Univer-
sity of Southampton Comedy Soci-
ety frá Englandi, Helga Braga Jóns-
dóttir, Rökkvi Vésteinsson, Svavar
Knútur Kristinsson og spunaleikar-
ar úr Leiktu betur-keppnunum.
„Það var búið að plana þetta
í svolítinn tíma að þessi bresku
myndu koma hingað. Eftir að hin
grínhátíðin féll niður, Reykjavík
Comedy Festival, lá það vel við
höggi að halda þessa í staðinn,“
segir skipuleggjandinn Rökkvi.
„Ég bókaði aðeins fleiri atburði
og hafði líka grín á íslensku með
Helgu Brögu, mér og Svavari
Knúti,“ segir hann. Sá síðastnefndi
mun bregða á létta strengi með
gítarinn að vopni.
Rökkvi segir það vel við hæfi að
halda grínhátíð á Íslandi rétt fyrir
jólin. „Þetta er fínt til að losa aðeins
um jólastressið. Svo er þetta líka
svo ódýrt. Það er engin sýning dýr-
ari en þúsundkall. Þetta er skemmti-
legt og eitthvað sem fólk hefur efni
á,“ segir hann og bætir við: „Þau frá
University of Southampton Comedy
Society verða með spuna og sketsa-
grín. Það hefur lítið verið gert af
svoleiðis á Íslandi.“
Grínhátíðin verður haldin á
Batteríinu, í Rauðakrosshúsinu
og á Kaffi Cultura í Reykja-
vík, Gamla Kaupfélaginu á
Akranesi og á 800 Bar á
Selfossi. - fb
Grínhátíð haldin fyrir jólin
HELGA BRAGA Helga Braga
Jónsdóttir kemur fram á grín-
hátíðinni, sem verður haldin
dagana 15. til 19. desember.
SVAVAR KNÚTUR
Tónlistarmaðurinn
Svavar Knútur slær
á létta strengi á
grínhátíðinni.
Rúmlega tíu þús-
und eintök hafa
selst af nýjum
mynddiski með
Heilsubælinu í
Gervahverfi síðan
hann kom út í lok
október og það hljóta
teljast gleðifregnir fyrir
Gísla Rúnar Jónsson
og félaga sem brutu
þarna blað í íslensku
sjónvarpi. Þar með er diskurinn orð-
inn einn sá vinsælasti fyrir þessi jól
og ljóst að þessir 22 ára gömlu gam-
anþættir eru síður en svo gleymdir
og grafnir á meðal Íslendinga.
Og meira af íslensku gríni því
kvikmyndin Jóhannes var gefin út á
mynddiski síðastliðinn fimmtudag
og síðan þá hafa selst um þrjú þús-
und eintök, sem er
einnig mjög góður
árangur. Eins og
flestir vita fer grín-
kóngurinn Laddi
með stóra rullu
bæði í Heilsu-
bælinu og
Jóhannesi
og sann-
ar þessi
góða
sala þá tilgátu að allt sem Laddi
snerti breytist í gull.
Og enn af íslensku gríni því
skömmu eftir áramót hefjast
áheyrnarprufur fyrir rómantísku
gamanmyndina Okkar eigin Osló.
Leikstjóri myndarinnar er Reynir
Lyngdal en handritið skrifaði Þor-
steinn Guðmundsson.
Áætlað er að tökur
á myndinni hefjist
næsta sumar. - fb
FRÉTTIR AF FÓLKI
„Þetta er mjög gaman,“ sagði Nanna
Rögnvaldardóttir matreiðslubóka-
höfundur þegar Fréttablaðið náði
tali af henni. Bók hennar, Maturinn
hennar Nönnu, er tilnefnd í tveim-
ur flokkum til hinna virtu Gour-
mand World Cookbook verðlauna
sem „Best Innovative Food Book“
og „Best Cookbook Illustrations“
árið 2009.
Verðlaunin hafa verið veitt
undanfarin fjórtán ár og þykja mik-
ill heiður, en þeim hefur verið líkt
við Ólympíuleika kokkabókanna.
Tilgangur þeirra er meðal annars
að hjálpa lesendum að velja milli
þeirra 26.000 titla sem koma út
árlega um mat og vín og auka þekk-
ingu og virðingu fyrir matar- og
vínmenningu. Þetta er ekki í fyrsta
sinn sem bók eftir íslenskan höfund
er tilnefnd því Delicious Iceland
eftir kokkinn Völund Snæ Völund-
arson hefur unnið til verðlaunanna.
Samkeppnin um verðlaunin er hins
vegar mjög hörð. Í fyrra voru send-
ar inn rúmlega 6.000 bækur frá 107
löndum og í ár taka alls 136 lönd
þátt í keppninni.
„Það skiptir máli að hafa verið
valin þarna í ákveðið úrval. Þetta
þýðir að þær bækur sem eru til-
nefndar, hvort sem þær fá verð-
laun eða ekki, verða á sýningum
víða og vekja meiri athygli,“ segir
Nanna. Maturinn hennar Nönnu
kom út í vor og í bókinni gefur hún
uppskriftir að einföldum mat af
því tagi sem hún eldar sjálf handa
sínu fólki, réttum sem hægt er að
breyta á ýmsa vegu, eftir smekk og
fjárhag hvers og eins eða eftir því
hvað er í skápunum hverju sinni.
Þá er áhersla lögð á að borða vel
án þess að kosta miklu til, en um
myndskreytingar í bókinni sjá þau
Gísli Egill Hrafnsson og Alexandra
Buhl.
„Ég var að reyna að skrifa bók
sem væri fyrir algjöra byrjendur
og að þeir sem eru lengra komnir
og segjast aldrei nota matreiðslu-
bækur gætu allavega fengið hug-
myndir. Bókin hefur fengið mjög
góðar viðtökur hérna heima og
mér finnst mjög skemmtilegt að
vera tilnefnd í flokknum „Best Inn-
ovative Food Book,“ því þetta var
ný hugmynd sem ég var að vinna út
frá,“ segir Nanna. Hún hefur skrif-
að fjölda annarra matreiðslubóka,
svo sem Matarást og Matreiðslu-
bók Nönnu, og fjallað um mat og
matargerð í hinum ýmsu blöðum
og tímaritum.
Úrslitin verða tilkynnt á mat-
reiðslubókasýningu í París 11.
febrúar næstkomandi, en þar koma
helstu spekúlantar og fagaðilar í
sælkeraútgáfu heimsins saman á
stærstu bókamessu sinnar tegund-
ar. „Nú þarf ég að fara að velta því
fyrir mér hvort ég eigi að bregða
mér til Parísar á verðlaunaafhend-
inguna,“ segir Nanna meðal annars
á bloggsíðu sinni nanna.midjan.is.
alma@frettabladid.is
NANNA RÖGNVALDARDÓTTIR: MATURINN HENNAR NÖNNU SLÆR Í GEGN
Nanna tilnefnd til Gour-
mand World Cookbook
HÖRÐ SAMKEPPNI
Matreiðslu bókin Maturinn hennar Nönnu
er tilnefnd í tveimur flokkum til hinna virtu
Gourmand World Cookbook verðlauna,
en úrslitin verða tilkynnt í París 11. febrúar
næstkomandi. FRÉTTABLAÐIÐ/VILHELM
Fiskikóngurinn • Sogavegi 3 • sími 587 7755
íslensk hönnun
og handverk
Strandgötu 43 | Hafnarfirði
Sími 565 5454 | www.fridaskart.is
SULTAN ELDMÓÐUR Helena og Elín
Anna búa til sultuna Eldmóð og halda
boðskvöld á Bakkusi mánaðarlega þar
sem fólki býðst að koma fram.
FRÉTTABLAÐIÐ/STEFÁN