Fréttablaðið - 08.12.2009, Blaðsíða 56

40 8. desember 2009 ÞRIÐJUDAGUR
sport@frettabladid.is
Veturinn hefur verið mikið ævintýri hjá Jóhanni Gunnari
Einarssyni. Hann gekk í raðir þýska liðsins Kassel í sumar en
það fór á hausinn og í kjölfarið var Jóhanni boðið að fara til
Amman í Jórdaníu í þrjár vikur.
Hann þáði það en þegar hann kom aftur til Þýskalands
kom í ljós að pappírsvinnan hafði klúðrast. Í stað
þess að ganga frá lánssamningi til Asíu var gengið
frá félagaskiptasamningi. Þar sem aðeins má skipta
tvisvar á um félag á hverju ári má Jóhann ekki spila
aftur með Kassel fyrr en eftir áramót en alls óvíst er
hvort hann verði áfram í herbúðum félagsins eftir
áramót.
„Ég fer í næstu viku í smá reisu til Sviss. Mæti á
æfingar hjá Amicitia Zürich, sem Kári Kristjánsson leikur
með, og síðan hjá Kadetten sem Björgvin Páll spilar með.
Ef það skilar ekki neinu er líklegt að ég komi bara heim,“
sagði Jóhann Gunnar en Kassel hefur einnig reynt að fá
hann til þess að vera áfram.
„Ég gæti svo sem skoðað að fara í harkið og reyna að komast
að hjá liði í Norðurlöndunum. Ég sé samt til. Ætla að reyna aðeins
lengur áður en ég ákveð að koma aftur til Íslands.“
Jóhann Gunnar var ánægður með ævintýrið í Amman en lið
hans hafnaði í sjötta sæti í Meistaradeild Asíu. „Við áttum
reyndar að komast lengra. Mættum liði frá Íran í síðasta
leik í milliriðli. Slakt lið sem við máttum tapa fyrir með
fimm mörkum. Við töpuðum með sjö á skrautleg-
an hátt,“ sagði Jóhann en hann efast ekki um að
dómurum leiksins hafi verið mútað.
„Við skynjuðum strax að það var ekki allt með
felldu. Til að mynda fengum við 3 víti en þeir 16.
Þeir voru utan vallar í 6 mínútur en við 28. Þetta var
allt svona. Það var samt ágætis lífsreynsla að lenda
í svona mútuleik. Gaman að hafa prófað þetta svo
maður viti hvað menn eru alltaf að tala um,“ sagði
Jóhann Gunnar léttur. Hann var í för með félaga
sínum, Daníel Berg Grétarssyni, en þeir félagar kíktu
við í Dauðahafinu áður en þeir héldu aftur heim til
Þýskalands.
JÓHANN GUNNAR EINARSSON: KOMINN TIL ÞÝSKALANDS FRÁ AMMAN EN FÆR EKKI AÐ SPILA
Fer til reynslu hjá liðum Björgvins og Kára
HANDBOLTI Eins og áður hefur
komið fram er þýska félagið Kassel
gjaldþrota. Fjórir Íslendingar voru
á mála hjá félaginu og flestir eru
líklega á heimleið. Eins og fram
kemur hér að ofan ætlar Jóhann
Gunnar Einarsson fyrst að reyna
fyrir sér í Sviss en Guðjón Finnur
Drengsson hefur ákveðið að halda
heim á leið.
„Við fjölskyldan höfum tekið þá
ákvörðun að koma bara heim. Kass-
el vildi halda mér og félagið gerði
allt sem það gat. Ég hefði samt
þurft að vinna í átta tíma með hand-
boltanum og get allt eins gert það
heima,“ sagði Guðjón Finnur, sem
syrgir það að þurfa að fara heim
eftir skamma viðdvöl enda líkaði
honum vel við lífið í Þýskalandi.
„Þetta var sex mánaða frí. Lít
bara á það þannig. Auðvitað er samt
hundleiðinlegt að þurfa að koma
heim og það munu einhverjir sakna
okkar. Til að mynda fór nágranna-
konan að gráta þegar við sögðum
henni að við værum að fara aftur
heim,“ segir Guðjón, sem ætlar
samt ekki að hætta í handbolta.
„Ég mun spila handbolta eftir ára-
mót. Ég er auðvitað samningslaus
og mun skoða þá möguleika sem
koma upp á borðið. Það er ekkert
sjálfgefið að ég fari til Fram en auð-
vitað kemur það til greina eins og
annað. Ég skoða málin bara þegar
ég kem heim,“ sagði Guðjón Finnur
Drengsson. - hbg
Guðjón Finnur Drengsson gefst upp á Kassel-ævintýrinu og kemur heim:
Ekki sjálfgefið að ég fari til Fram
Á HEIMLEIÐ Guðjón Finnur og fjölskylda eru að pakka þessa dagana eftir stutta dvöl
í Þýskalandi. FRÉTTABLAÐIÐ/DANÍEL
HANDBOLTI Það hefur gengið ótrú-
lega vel hjá landsliðsmarkverðin-
um Björgvini Páli Gústavssyni í
vetur. Félag hans, Kadetten Schaff-
hausen, hefur verið á lygilegri sigl-
ingu og sjálfur er Björgvin að verja
afar vel.
Kadetten er búið að vinna alla
14 leiki sína í svissnesku deildinni
í vetur, er að skora 40 mörk að með-
altali í leik og aðeins að fá á sig 25 í
leik. Liðið er nú búið að spila 24 leiki
í vetur í öllum keppnum án þess að
tapa. Leikirnir hafa verið í deild-
inni, bikarnum, Meistaradeildinni
og EHF-bikarnum.
„Þegar handboltinn gengur svona
vel er lífið helmingi auðveldara. Ég
man ekki lengur hvernig það er að
tapa leik og það er mjög gott að vera
búinn að gleyma því,“ sagði Björg-
vin kátur í spjalli við Fréttablaðið
í gær.
Ásamt því að hafa yfirburðastöðu
í svissnesku deildinni er Kadetten
komið í sextán liða úrslit í EHF-
bikarnum.
„Þetta lið er fáránlega gott miðað
við hvað ég hélt. Ég var nú samt
bjartsýnn og grunaði að það væri í
sama styrkleika og liðin frá svona
fjögur til átta í þýsku úrvalsdeild-
inni. Það hefur nú komið í ljós að svo
er. Það skiptir ekki máli við hverja
við spilum, við stöndum alltaf undir
nafni,“ sagði Björgvin en liðið var
afar óheppið að komast ekki áfram
í Meistaradeildinni.
„Við unnum Lemgo og Celje
Lasko. Gerðum svo jafntefli við
Ademar Leon. Það hefði átt að duga
en önnur úrslit urðu þess valdandi
að við sátum eftir. Við höfum samt
bitið frá okkur í EHF-bikarnum,“
sagði Björgvin Páll.
Hann hefur tekið stórstígum
framförum í vetur og er sífellt að
verða betri. „Þetta er mitt besta
tímabil. Ekki spurning. Það sem
ég er sáttastur við er stöðugleikinn
sem er kominn hjá mér. Ég er far-
inn að verja 15-20 bolta í hverjum
leik. Er þess utan bara að fá á mig
25 mörk sem er magnað í nútíma-
handbolta. Við markverðirnir hér
höfum alltaf verið með fleiri varða
bolta en andstæðingurinn í vetur.
Ekki bara í deildinni heldur líka í
Evrópukeppninni,“ sagði Björgvin.
Væntanlega verður pressa á honum
að standa sig á EM í Austurríki í
janúar, sérstaklega eftir frammi-
stöðuna frábæru á ÓL í Peking. „Það
er bara fínt að fá pressu á sig. Ég
er bestur undir pressu. Ég fer þang-
að bjartsýnn enda hef ég aldrei æft
eins mikið og núna og ég er líka að
æfa rétt,“ sagði Björgvin, sem telur
sig geta gert betur en í Peking.
„Þegar ég kom heim frá Kína
var ég í skýjunum og taldi mig hafa
gert allt rétt. Ég hef síðan verið að
kryfja frammistöðuna og sé að ég
hefði getað gert betur. Ég var sátt-
ur en get gert betur,“ sagði Björgvin
ákveðinn en hann stefnir á að fara
til Austurríkis án þess að hafa tapað
leik. henry@frettabladid.is
Man ekki lengur hvernig
það er að tapa leik
Kadetten Schaffhausen, félag Björgvins Páls Gústavssonar, er ósigrað í 24 leikjum
í vetur. Liðið hefur unnið alla leiki sína í deildinni og ekki tapað Evrópuleik.
SJÓÐHEITUR Björgvin Páll hefur farið á kostum með svissneska liðinu Kadetten í
vetur og hefur ekki enn tapað leik. FRÉTTABLAÐIÐ/VILHELM
> Félögin hafa náð saman
Danska úrvalsdeildarfélagið Esbjerg og Reading frá
Englandi hafa komist að samkomulagi um að Gunnar
Heiðar Þorvaldsson verði lánaður til Reading og
leiki með liðinu í ensku B-deildinni frá og með
næstu áramótum. Þetta staðfesti Ólafur Garðars-
son, umboðsmaður Gunnars Heiðars,
í samtali við Fréttablaðið í gær. Nú
standa yfir viðræður á milli Gunnars
Heiðars og Reading en Ólafur á
von á því að Eyjamaðurinn knái
fari til Reading á mánudaginn
þar sem hann gengst undir
læknisskoðun og skrifar vonandi
undir samning við félagið.
LEIKIR KVÖLDSINS
A-riðill
Maccabi Haifa - Bordeaux 19.45
Juventus - Bayern 19.45
Staðan: Bordeaux 13, Juventus 8,
Bayern 7, Maccabi Haifa 0.
B-riðill
Wolfsburg - Manchester United 19.45
Besiktas - CSKA Moskva 19.45
Staðan: Man. United 10, Wolfsburg 7,
CSKA Moskva 7, Besiktas 4.
C-riðill
Marseille - Real Madrid 19.45
Zürich - AC Milan 19.45
Staðan: Real Madrid 10, AC Milan 8,
Marseille 7, Zürich 3.
D-riðill
Atletico Madrid - FC Porto 19.45
Chelsea - APOEL 19.45
Staðan: Chelsea 13, Porto 9, Atletico
Madrid 3, APOEL 2.
FÓTBOLTI Fyrri hluti sjöttu og síð-
ustu umferðar riðlakeppni Meist-
aradeildar Evrópu fer fram í
kvöld. Hæst ber leik Juventus
og Bayern München í A-riðli en
þetta er hreinn úrslitaleikur um
hvort liðið fylgir Bordeaux áfram
í næstu umferð. Juventus dugir
jafntefli í leiknum.
Í B-riðli þarf Manchester Unit-
ed helst að ná stigi gegn Wolfs-
burg í Þýskalandi til að gull-
tryggja efsta sæti riðilsins.
Þá eiga þrjú lið í C-riðli í harðri
baráttu um efstu tvö sætin í riðl-
inum. Real Madrid stendur vel að
vígi en getur engu að síður fallið
úr leik í kvöld. - esá
Meistaradeildin í kvöld:
Úrslitaleikur
Juve og Bayern
VERÐUR AÐ VINNA Bayern München
hefur ekki gengið sem skyldi undir
stjórn Louis van Gaal. NORDIC PHOTOS/GETTY
Fyrirtæki á Höfuðborgar svæðinu
og Akureyri.
Bjóðum upp á örugga og hraða sendingar þjónustu
fyrir jólin. Pakkar, bögglar og nafnamerkt blöð.
Nánari upplýsingar veiti r Pósthúsið
í síma 585-8300 eða
á posthusid.is
FÓTBOLTI Alþjóðaknattspyrnu-
sambandið, FIFA, tilkynnti í
gær hvaða fimm karlar og fimm
konur hlutu flest atkvæði í kjöri
sambandsins á knattspyrnu-
manni ársins. Það eru þjálfar-
ar og fyrirliðar landsliða aðild-
arsambanda FIFA sem hafa
atkvæðisrétt í kjörinu.
Argentínumaðurinn Lionel
Messi var á dögunum kjörinn
leikmaður ársins í Evrópu með
miklum yfirburðum og hlaut þar
með Gullknöttinn svokallaða.
Hann þykir því sigurstrangleg-
astur aftur nú en Argentínu-
maður hefur aldrei áður verið
kjörinn.
Messi leikur með Barcelona,
sem varð þrefaldur meistari
síðastliðið vor. Liðsfélagar hans,
Spánverjarnir Xavi og Andrés
Iniesta, voru einnig tilnefndir,
sem og þeir Cristiano Ronaldo og
Kaka hjá Real Madrid.
Ronaldo er Portúgali og
var keyptur fyrir metfé frá
Manchester United í sumar en
Brasilíumaðurinn Kaka kom frá
AC Milan fyrir litlu minna fé
skömmu áður.
Hjá konunum hlutu þær Cristi-
ane, Marta (báðar Brasilíu),
Inka Grings, Birgit Prinz (báðar
Þýskalandi) og Kelly Smith (Eng-
landi) flest atkvæði.
Niðurstöður kjörsins verða
kunngjörðar á hófi í Zürich í
Sviss 21. desember næstkomandi.
- esá
Knattspyrnumaður ársins:
Messi sigur-
stranglegastur
LIONEL MESSI Þykir langlíklegastur í kjöri
FIFA á knattspyrnumanni ársins.
NORDIC PHOTOS/AFP