Fréttablaðið - 19.12.2009, Side 112

76 19. desember 2009 LAUGARDAGUR
Samskipti
manna og álfa
Bókin Álfar og huldufólk úr Þjóðsögum Jóns Árnasonar hefur
nú verið endurútgefin í einstaklega fallegri mynd fyrir börn.
Sögurnar eru endurskrifaðar af Önnu Kristínu Ásbjörns-
dóttur en myndskreyttar af Florence Helgu Thibault sem er
íslensk í móðurætt. Hluti af ágóða sölunnar rennur til Kraums,
styrktarfélags ungs fólks með krabbamein.
KNÚIÐ AÐ DYRUM Bóthildur drottning, útskúfuð úr álfheimum, fær gistingu á bóndabæ mennskra manna.
HEIMKYNNI ÁLFA Úr sögunni um Bóthildi drottningu, en hér sjást hinir litríku og skínandi álfheimar. DRENGUR ELST UPP MEÐ ÁLFUM Fátæk fjölskylda veitir álfum af mat sínum. Að launum taka álfarnir
dreng úr fjölskyldunni í fóstur og er honum kennt til prests.
ENDURGOLDIN MJÓLK Kona gaf álfum mjólk
vetur langt. Henni var launuð mjólkurgjöfin í
draumi en þar vitjar hennar álfur og gefur henni
kú. Konan fann svo dýrið í fjósinu næsta morgun.
BÓTHILDUR DROTTNING Völva lagði á Bóthildi álfadrottningu að hún skyldi hverfa frá álfheimum og
þurfa að búa meðal mennskra manna. Hún mátti aðeins hverfa aftur til fjölskyldu sinnar á jólanótt.
ÁLFKONA Í BARNSNAUÐ Í hjátrú var talið að ef mennsk kona legði hendina á maga álfkonu í barnsnauð
myndi fæðingin ganga vel.
ÁLFAHÓLLINN Álfar feykja heyi. Hjátrú var að ef slegið væri á álfhólnum myndi bresta á skaðræðisveður.
ÁLFASAGA AÐ AUSTAN Álfur dýfir fjöðurstaf ofan
í töfraglas og strýkur um hægri auga konu svo að
hún megi ekki sjá álfa frekar.