Fréttablaðið - 19.12.2009, Page 150

110 19. desember 2009 LAUGARDAGUR
LEIKIR HELGARINNAR
Laugardagur:
Portsmouth - Liverpool
Aston Villa - Stoke
Blackburn - Tottenham
Fulham - Man. Utd
Man. City - Sunderland
Arsenal - Hull
Sunnudagur:
Wolves - Burnley
Everton - Birmingham
West Ham - Chelsea
FÓTBOLTI Sex leikir fara fram í
ensku úrvalsdeildinni í dag og þrír
á sunnudag. Manchester United
sækir Fulham heim í dag og Chel-
sea sækir nágranna sína í West
Ham heim á morgun.
Man. Utd hefur gengið afar vel
á Craven Cottage en breyting varð
á því í mars síðastliðnum. Þá lagði
Fulham lið United að velli í fyrsta
skipti í 45 ár. Mótlætið í leiknum
fór í taugarnar á leikmönnum Unit-
ed en bæði Wayne Rooney og Paul
Scholes voru sendir í bað með rautt
spjald á bakinu. Það var fjórða en
jafnframt síðasta tap United á síð-
ustu leiktíð. United hefur þegar
tapað fjórum leikjum á þessari
leiktíð.
Leikurinn að þessu sinni verður
ekki auðveldur fyrir United enda
hefur Fulham ekki byrjað eins vel
í deildinni síðan 2003. Fimm varn-
armenn United eru enn á meiðsla-
listanum og óvíst er með þátttöku
Ryan Giggs.
Árið 1996 ákvað þáverandi þjálf-
ari Parma, Carlo Ancelotti, að ein-
stakir hæfileikar Gianfranco Zola
hentuðu ekki liðinu. Hann seldi
Zola til Chelsea þar sem leikmað-
urinn fór á kostum. Nú, þrettán
árum síðar, mætast þeir Ancelotti
og Zola sem knattspyrnustjórar og
núna er Ancelotti hjá Chelsea.
Chelsea hefur aðeins gefið eftir
upp á síðkastið en þó ekkert í lík-
ingu við West Ham, sem hefur
tapað síðustu þrem leikjum sínum.
Liðið er í næstneðsta sæti deildar-
innar en Chelsea mætti síðast botn-
liðinu og slapp með skrekkinn.
Engin ný meiðslavandræði eru
hjá Chelsea, aðeins Essien og Bos-
ingwa sem eru frá í lengri tíma.
West Ham verður án Kierons Dyer
sem haltraði aldrei þessu vant af
velli í leiknum í vikunni. - hbg
Man. Utd getur jafnað Chelsea að stigum í dag:
Útileikir hjá Man. Utd
og Chelsea um helgina
VONDAR MINNINGAR Rooney fékk rauða spjaldið síðast á Craven Cottage og hann
hyggur á hefndir í dag þar sem United tapaði leiknum. FRÉTTABLAÐIÐ/AFP
EVRÓPUDEILD UEFA
32 liða úrslit:
Rubin Kazan - Hapoel Tel Aviv
Athletic Bilbao - Anderlecht
FC København - Marseille
Panathinaikos - AS Roma
Atletico Madrid - Galatasaray
Ajax - Juventus
Club Brugge - Valencia
Fulham - Shakhtar Donetsk
Liverpool - Unirea Urziceni
HSV - PSV Eindhoven
Villarreal - Wolfsburg
Standard Liege - Salzburg
Twente - Werder Bremen
Lille - Fenerbahce
Everton - Sporting Lissabon
Hertha Berlin - Benfica
FÓTBOLTI Dregið var í 32 liða
úrslit Evrópudeildarinnar í gær
og verður það hlutskipti Liver-
pool að spila við rúmenska liðið
Unirea Urziceni.
Báðum liðum mistókst að kom-
ast upp úr riðlakeppni Meistara-
deildarinnar en þau lið sem urðu
í þriðja sæti sinna riðla taka þátt
í Evrópudeildinni eftir áramót
ásamt þeim 24 liðum sem komust
upp úr riðlum sínum í keppninni í
haust. Ef Liverpool kemst áfram
í sextán liða úrslitin mætir liðið
annaðhvort Fenerbahce eða Lille.
Leikirnir fara fram 11. og 18.
mars næstkomandi. - esá
Evrópudeild UEFA:
Liverpool og
Unirea mætast
RÚMENÍA BÍÐUR STEVEN Gerrard er
líklega spenntur fyrir Rúmeníuferðinni.
NORDIC PHOTOS/GETTY
FÓTBOLTI Það eru heldur betur
áhugaverðir slagir í sextán liða
úrslitum Meistaradeildar Evrópu.
Slagir ensku liðanna Manchester
United og Chelsea við Mílanóliðin
eru þó klárlega áhugaverðustu
viðureignirnar.
David Beckham hafði óskað sér
þess að AC Milan myndi dragast
gegn Man. Utd og honum varð að
ósk sinni. Beckham snýr því aftur
á Old Trafford í byrjun mars með
AC Milan, svo lengi sem hann
verður ekki meiddur. Það verð-
ur fyrsti leikur Beckhams á Old
Trafford síðan 2003 en það ár
gekk hann í raðir Real Madrid.
Fyrrverandi félagi Beckhams
hjá United, Teddy Sheringham,
býst ekki við öðru en að Beck-
ham fái höfðinglegar móttökur
hjá stuðningsmönnum félagsins.
„Ég efast ekkert um það. Hann
var frábær hjá félaginu, fyrir-
mynd og stuðningsmennirnir bíða
eflaust spenntir eftir því að sjá
hann á nýjan leik og geta um leið
kvatt hann,“ sagði Sheringham.
„Hann verður örugglega klár í
slaginn. Ég er viss um að biðin
verður löng fyrir Becks. Hann
mun njóta leiksins en að sama skapi ætlar hann sér að leggja
United að velli.“
Leonardo, þjálfari AC Milan, er
einnig spenntur fyrir viðureign-
inni. „Manchester United er frá-
bært félag með mikla hefð. Liðið
hefur frábæra leikmenn eins og
við þannig að ég býst við jöfnum
leik. Það eina sem ég get sagt er
að þetta verða frábærir leikir.
Það er samt enn langur tími
í leikina en stund sannleikans
mun nálgast innan tíðar,“ sagði
Brassinn. Ekki verður síður
áhugavert að fylgjast með rimmu
Inter og Chelsea. Þar mætir
skrautlegasti þjálfarinn í deild-
inni, Portúgalinn Jose Mourinho,
sínum gömlu lærisveinum í Chel-
sea sem hann gerði að enskum
meisturum tvö ár í röð.
„Þetta er frábær dráttur. Við
vorum að ræða þennan mögu-
leika í morgun og svo varð þetta
að veruleika,“ sagði Ron Gourlay,
framkvæmdastjóri Chelsea. Hann
býst ekki við öðru en að stuðn-
ingsmenn Chelsea muni taka vel á
móti sinum gamla stjóra en Mour-
inho vann hug og hjörtu stuðn-
ingsmannanna á sínum tíma.
„Ég er pottþéttur á því að Jose
fær frábærar móttökur hjá okkar
fólki.
Þrátt fyrir allt er hann
samt mótherji liðsins og við
ætlum okkur að senda hann úr
keppninni,“ sagði Gourlay.
henry@frettabladid.is
Beckham fékk ósk sína uppfyllta
Draumur Davids Beckham um endurkomu á Old Trafford með AC Milan varð að veruleika í gær þegar
félögin drógust saman í sextán liða úrslitum Meistaradeildar Evrópu. Mílanóliðin tvö fá það verðuga verk-
efni að kljást við bestu lið Englands því Inter mætir Chelsea. Mourinho snýr því aftur á Stamford Bridge.
GAMMURINN Á SVÆÐINU Real Madrid-goðsögnin Emilio Butragueno sá um að draga í sextán liða úrslit Meistaradeildarinnar í
gær. NORDIC PHOTOS/AFP
MEISTARADEILDIN
Sextán liða úrslit:
AC Milan - Manchester United
Inter - Chelsea
Stuttgart - Barcelona
Olympiakos - Bordeaux
FC Bayern - Fiorentina
CSKA Moskva - Sevilla
Lyon - Real Madrid
Porto - Arsenal