Vikan - 19.09.1963, Blaðsíða 22
Alls konar góður matur
*>o
KÁLBÚÐINGUR.
Skerið 1 hvítkálshöfuð smátt, skerið
það hvíta af einni púrru í hringi og sneið-
ið eitt epli. Brúnið það saman í nægri
feiti, smjöri eða smjörlíki og bætið 2
matsk. af sírópi í. Þegar það er aðeins
farið að brúnast, má bæta örlitlu vatni
saman við og láta það malla meðan farsið
er lagað. í það er notað: Vt kg hakkað
kjöt, IV2 dl mjólk, 1 tsk. salt, nýmalaður
svartur pipar og 1 dl hrísgrjón, sem áður
eru soðin næstum meyr. Farsið hrært vel
og blandað saman við kálið í eldfast fat
(ath. að farsið á að vera frekar þunnt og
því má bæta meiri mjólk í ef þarf). Efsta
og neðsta lagið í fatinu á að vera kál.
Nokkrir smjörbitar settir efst og bakað
í ca. 45 mín. Nægir fyrir fjóra.
FINN FISKUR MEÐ SVEPPUM.
1%—IV2 kg góður fiskur, t. d. þorskur
eða ýsa, salt, hvítur pipar, sveppir, edik,
matarolía, hvítvín eða vatn, egg, brætt
smjör, rasp.
Takið hrygginn úr fiskinum og hreinsið
hann vel og nuddið að innan með salti,
pipar og hálfri sítrónu. Skerið sveppina
í sneiðar og látið þá liggja um stund í
blöndu af 1 hluta vínedik og 3 hlutum
matarolíu, svolitlu af sítrónusafa, salti og
pipar. Líka má nota brúnaða sveppi
(smjörsoðna) sem dálitlu hvítlaukssalti
hefur verið stráð á. Fiskurinn fylltur með
sveppunum, festur saman með trépinnum
og settur í smurt eldfast fat og 1—2 matsk.
hvítvin eða vatn sett á botninn. Fiskurinn
smurður með léttþeyttu eggi eða bræddu
smjöri og svolitlu raspi stráð yfir. Steikt
í ofni í ca. 30 mín.
SELLERÍSÚPA.
■ Flysjið og skerið í sneiðar 1 litið eða V2
stórt sellerí og 4—5 meðalstórar kartöflur
og sjóðið það meyrt í léttsöltu vatni. Merj-
ið það svo og jafnið út með soðinu þar
til það gerir um lVi 1. súpu. Kjötsoð eða
teningar eftir smekk sett í, ef vill. Búið
til smjörbollu úr smjöri og hveiti, IV2
matsk. af hvoru og látið hana bráðna með-
an hrært er í sjóðandi súpunni. Látið sjóða
í nokkrar mínútur og kryddað meira ef
vill. Ein skeið af þeyttum rjóma sett út
í hvern disk, þegar súpan er borin fram
og saxaðri persilju stráð yfir.
HÖKKUÐ LIFRARBUFF.
4 hg lifur, 1 stór laukur, 5—6 meðal-
stórar kartöflur, 1 egg, IV2 matsk. kart-
öflumjöl, 1 matsk. salt, V2 tsk. pipar, svo-
lítið timian og majoram.
Hakkið lifrina, laukinn og kartöflurnar,
blandið egginu og kryddinu í og gerið
þunnar buffsneiðar úr deiginu, ca. 2 mat-
. sk. í hvert buff. Steikið sneiðarnar vel
§> brúnar, leggið á fat og sjóðið svolítið vatn
eða rjóma með 1 tsk. af soyu á pönnunni
litla stund og hellið því yfir buffið. Brún-
aður laukur settur efst.
PYLSUR MEÐ KARTÖFLUSALATI.
Pylsur verða sérlega góðar séu þær
soðnar í blöndu af pilsner og vatni og lár-
viðarlauf sett í og hvítur pipar. Flysjið
kartöflurnar meðan þær eru heitar og
skerið í sneiðar, sem settar eru í skál með
súrsaðri gúrku, rauðbeðum, fínskorinni
púrru og hellið svo vinágrettsósu yfir.
Ágætt er að setja dálítið af grænum baun-
um saman við kartöflusalatið.
HAMBORGARAR.
Gerið þunnar sneiðar úr 1 hg grófhökk-
uðu nautakjöti, 1 eggjarauðu, salti og pip-
ar, og steikið sneiðarnar, en ekki of mikið
svo að þær verði ekki of þurrar. Skerið
rundstykki í sundur, en látið það samt
hanga saman á einum stað, ristið það og
smyrjið með góðu sinnepi. Leggið kjötið
inn í brauðið og ofan á þunna laukhringi
(hráan lauk), þunnar sneiðar af grænum
piparhulstrum, chilisósu og fleira krydd
ef óskað er eftir því. Borið fram heitt.
O ST AH AMBORG ARAR.
Á franskbrauðssneið er lagt ekki alveg
gegnsteikt hamborgarastykki, gert eins og
sagt var hér að ofan. Tómatsneið lögð á
hvert stykki og þykk sneið af sterkum
osti lögð efst. Steikt í ofni í ca. 10 mín.,
eða þar til osturinn er ljósbrúnn. Önnur
brauðsneið er ristuð og smurð með sinnepi
og lögð oían á.
MARENGSRIDDARAR.
Þeytið 2 eggjarauðurnar með IV2 dl
mjólk og bleytið ca. 10 franskbrauðssneið-
ar í blöndunni, en látið þær ekki blotna
það mikið, að þær verði alveg linar.
Leggið sneiðarnar á smurða plötu og
setjið eplamauk, sem svolitlum kanil
hefur verið stráð á (ef vill) eða góða
sultu á hverja sneið. Þeytið2eggjahvít-
ur og setjið 5 msk. af sykri í og breiðið
yfir brauðsneiðarnar, hverja fyrir sig.
Bakað í lítið heitum ofni, þar til eggja-
hvíturnar eru ljósbrúnar, eða í 20—25
mín. Gott er að hafa þeyttan rjóma
með og e. t. v. kaffibolla.
FLJÓTLEGUR FISKUR.
Leggið roðlaus fiskflök á smjörbita
í þykkbotnuðum potti, saltið og stráið
pipar á og safanum úr hálfri sítrónu.
Saxið svolítið af lauk eða púrru, dill
og persilju og'stráið yfir fiskinn og efst
er gott að setja þykkar tómatsneiðar,
eða tómatpurré. Potturinn hafður á
litlum hita, en safinn úr fiskinum
blandast grænmetinu og fiskurinn
soðnar þannig á 2 5—30 mín. Soðnar
kartöflur bornar með, eða hrátt græn-
metissalat.
SÚKKULAÐIMOUSSE.
Bræðið 200 gr blokksúkkulaði í
vatnsbaði og hrærið þar til það kólnar
nokkuð. Bætið 4 eggjarauðum í, einni
í einu, og hrærið í á meðan. Þegar búð-
ingurinn er aðeins farinn að þykkna
er 4 stífþeyttum eggjahvítum bætt í.
Gott er að setja svolítið duftkaffi eða
1 matsk. af sterku kaffi í, ef mokka-
bragð á að vera af búðingnum.
PAPRIKASCHNITZEL.
Skerið frekar þunnar sneiðar úr
kálfslæri, berjið þær mjög lauslega,
saltið og kryddið með nægri papriku.
Steikið þær í smjöri eða smjörlíki og
Framhald á bls. 49.
22 — VIKAN 38. tbl.