Vikan - 27.12.1968, Blaðsíða 48

-********+-*--*"*"*"*****'*"*'***iíN ************************************************************ ************************************************************
BRITT EKLUND
Fyrir skömmu kom hin sænska
kvikmyndastjarna Britt Fklund
til Rómaborgar, með dóttur sína
Victoriu. Erindið var að heim-
sækja fyrrverandi eiginmann
sinn, Peter Sellers, en þegar hún
frétti að hann byggi þar með
annarri konu, fór hún í skyndi
frá hótelinu. Kvikmyndafram-
leiðandi einn, sem þarna var
staddur, greip strax tækifærið og
bauð Britt aðalhlutverk í kvik-
myndinni „The Untouchables“.
Britt varð því kyrr í Róm. — Nú
finnst mér að ég sé algerlega
frjáls, sagði hún, þegar talað var
um hjónaskilnaðinn. — Peter er
harðstjóri, sem ekki þolir að
neinn sé honum fremri. Britt er
ákveffin í því að snúa sér að
leikstarfseminni af alvöru.
★
PÁFAGAUKAR UNDIR LÖGREGLUEFTIRLITI
Erfiðir tímar eru nú framund-
an fyrir þá auðnuleysingja, sem
lifa á því að gerast fylgdarsvein-
ar kvenna sem eru á ferðalögum
á Italíu, og eru kallaðir „pappa-
galli“.
Lögreglan hefir nú sett sér-
stakan lögregluvörð til að hafa
gát á þessum náungum við Via
Veneto, ferðamannagötuna og
spænsku þrepin, sem er aðal at-
hafnasvæði þeirra. Þetta á að.
vera til að forða erlendum kon-
um frá því að verða fyrir ónæði
af hálfu þessarra manna. Lög-
regluþjónarnir eru ekki einkenn-
isklæddir og hafa rabb-labb tæki
til hægðarauka. Ef „pappagallo“
er of nærgöngull, getur hann átt
á hættu að fá allt að því 3.000
króna sekt eða sex mánaða fang-
elsi.
Þessir ítölsku flækingar eru
kallaðir „pappagalli“, sem þýðir
páfagaukur, vegna hinnar gífur-
legu mælsku sem þeir viðhafa,
þegar þeir snúa sér að kvenfólk-
inu. Þessir götudonsjúanar eru
álitnir með þeim aðgangsfrek-
ustu, þótt víðar væri leitað, en á
ýmsan hátt laða þeir að sér
ferðafólk.
Margar konur gangast upp við
smjaðri þeirra, og vísa lög-
regluþjónunum á bug, þegar þeir
eru að reyna til að vernda þær.
Þó eru fleiri sem kvarta undan
þessari plágu. Á myndinni sést
„pappagalli“, sem er fokvondur
vegna þess að honum hefir verið
vísað frá og svífst þá ekki að
grípa handtösku konunnar og
hlaupa á brott með hana. Það
er einmitt vegna slíkra atburða,
sem lögreglan í Róm telur nauð-
synlegt að hafa gát á þessum ó-
þjóðalýð.
☆
MICHÉLE MERCIER
Micliéle Mercier, hin fagra,
franska kvikmyndastjarna, steig
fyrir skömmu á stokk og strengdi
þess heit að leika aldrei framar
hlutverk ANGELIQUE. Þessu til
áréttingar dreif hún sig í a® láta
klippa hina fögru lokka, svo nú
er hún víst allt að þvi með
drengjakoll. Hún hefur nú leik-
ið í 5 kvikmyndum um Angeli-
que, sú síðasta var „Angelique
og soldáninn“. Hún segir að það
eyðileggi frama hennar í kvik-
myndaheiminum að leika alltaf
sama hlutverkið. Upphaflega lét
hún freistast af laununum, hún
fékk 40.000 franka fyrir fyrstu
myndina, og fyrir tvær þær síð-
ustu fékk hún yfir hálfa millj-
ón franka. ★
ÁSTARJÁTNINGIN
KOSTAÐI MIKIÐ
Carrol Appel varð heldur en
ekki hissa, þegar pósturinn rog-
aðist með firnastóran pakka inn
í íbúðina hennar í Los Angeles.
Þegar hún svo opnaði pinkilinn,
datt alveg yfir hana. Fyrir fram-
an hana voru í hrúgu 200 hljóm-
plötur — allt ástarljóð og seren-
öður. Sendandinn var Dick Ann-
otico, sem hún hafði lítillega
kynnzt án þess að taka frekar
eftir. Hann var forríkur pipar-
sveinn, en hún var 26 ára og
tveggja barna móðir.
— Hann er snælduvitlaus,
sagði hún. — Ég giftist honum
aldrei. Það held ég yrði nú
hjónaband í lagi!
En Dick Annotico lét sig ekki.
Næsta dag voru Carrol færð
blóm frá honum, svo stór karfa
og fyrirferðarmikil, að lag og
krafta þurfti til að koma henni
inn úr dyrunum.
Sólarhring seinna fékk hún
500 orða símskeyti með ástar-
játningu hans. En hún lét sér
ekki segjast. Hún anzaði ekki
þessum ósköpum og vonaði bara,
að hann hætti þessum barnaskap.
Daginn eftir kom pósturinn með
þéttskrifað 13 síðna ástarbréf frá
honum.
Dick Annotico beið svars. Þeg-
ar' það kom ekki, greip hann
til rándýrra örþrifaráða. Hann
leigði sér 30 sekúndna senditíma
í tveimur sjónvarpsstöðvum og
bað þannig opinberlega um hönd
Carrol Appel. Þetta tiltæki mis-
lukkaðist að því leyti, að Carrol
hafði ekki opnað fyrir sjónvarp-
ið þetta kvöld.
En hún frétti af því, mikil ó-
sköp. Þegar er útsendingunni
lauk, tók síminn hjá Carrol að
láta illa. Kunningjar hennar
flestir höfðu heyrt þetta og séð
hjá að minnsta kosti annarri
stöðinni, og vildu nú vita, hverju
hún hyggðist svara. Hún svar-
aði: — Ég er svo öldungis hlessa
á manninum. En ég get alls ekki
farið að giftast honum, þótt hann
láti svona!
Dick Annotico hefur lýst yfir
vonbrigðum sínum með viðbrögð
konunnar. — En ég gefst ekki
upp, segir hann. — Ég reyni
aftur eftir ár.
☆
BlLNÚMERIÐ DYARA
EN BlLLINN SJÁLFUR!
Ef maður spyr bílaáhugamann
í Englandi um það hvað hann
meti mest við bílinn sinn, svarar
hann hiklaust: — Bílnúmerið!
48 VIKAN “•tbl-