Vikan - 13.11.1969, Qupperneq 3

31. árgangur - 46. tölublað - 13. nóvember 1969
í ÞESSARI VIKU
í sumar kom í dagblaðinu Verden í Skien í
Noregi viðtal og myndir af isienzkum
stúlkum, sem voru við bústörf á
norskum bóndabæ. Þær heita Helga Jóns-
dóttir, 15 ára, og Sigriður Jóhannsdóttir,
16 ára, báðar úr Mosfellssveit. Þær undu sér
hið bezta í norskri sveitasælu, og við
segjum frá dvöl þeirra í þessu blaði.
Lyndon Johnson er setztur i helgan stein og
hljótt hefur verið um hann, siðan hann
lét af hinu háa embætti forseta
Bandarikjanna. Hvernig skyidi hann verja
dögunum núna í ellinni? Það segir frá
því í grein, sem heitir: „Nú er Johnson aftur
orðinn bóndi i Texas". Hann segir þar, að
hann njóti lífsins i fyllsta máta og
sé feginn að hafa fengið að varpa af sér
oki ábyrgðarinnar.
Nú er Olof Palme orðinn forsætisráðherra
Svíþjóðar. Hann verður líklega aldrei föður-
legur stjórnandi á borð við fyrirrennara
hans, enda er ekki lengur i tízku að vera
föðurlegur. Unga kynslóðin kærir
sig ekki um slíkt. Við birtum hugleiðingu um
Paime eftir sænskan blaðamann og ótal
myndir af honum og fjölskyldu hans.
f NÆSTU VIKU
Blaðamaður Vikunnar, Dagur Þorleifsson,
dvaldist í nokkra daga í Teheran
á liðnu sumri og heimsótti þar íslending,
Olaf Sigurðsson, sem hefur verið búsettur í
íran um langt skeið. Hann er fæddur
í Stykkishólmi, en fluttist ungur til
Danmerkur og lauk þar prófi sem
verkfræðingur. Litlu munaði, að hann fengi
stöðu hér á landi að námi loknu,
en svo varð þó ekki og héit hann þá til
írans og hefur verið þar siðan.
Eftir aldarfjórðung er ráðgert, að búið
verði að byggja heila borg á tunglinu.
Iverustaðir eru allir að sjálfsögðu
í risastórum hylkjum, þar sem fyrir er komið
öllu því, sem maðurinn þarf til
að geta lifað. Við birtum i næsta blaði
tveggja siðna litmynd af hinni
ævintýralegu borg á tunglinu.
Björgvin Halldórsson er átrúnaðargoð
táninganna um þessar mundir.
Hann var kosinn popstjarna ársins i Laugar-
dalshöllinni og siðan hafa vinsældir
hans farið vaxandi með hverjum degi. Lögin
hans hljóma í útvarpinu oft á dag.
Við birtum í næsta blaði langt viðtal og
margar myndir af Björgvini Halldórssyni.
í FULLRI ALVÚRU
EITURLYF
Flugufregnir herma að eiturlyf janeyzla fari
nú hraðvaxandi á landi hér, einkum meðal ung-
menna, sem brugðið hafi á þetta ráð samkvæmt
alþjóðlegri hippatízku. Til dæmis um þetta kváðu
tollverðir nýlega hafa berháttað popphljómsveit
nokkra, sem var að koma eriendis frá og var
grunuð um að fela eitthvað háskagóðgæti á sér
innan klæða.
Hér er auðvitað voði á ferðum, ef satt er frá
sagt. Raunar er um margt og misjafnlega geig-
vænlegt að ræða meðal þess, sem hér á landi
hefur í ræðu og riti verið sett undir fyrirsögnina
eituriyf. Hassís mun vera það lyf, sem hippar
eða þeir sem telja sig til þeirra aðhyllast mest.
Sá sem þetta ritar hefur sjálfur haft kynni af
allnokkrum manneskjum af þessu tagi, og ber
þeim saman um að ekki sé erfiðara að venja sig
af hassísneyzlu en til dæmis áfengisdrykkju. En
hitt mun rétt vera, að hassísneytendum hætti
mjög til að sækja í önnur lyf miklu sterkari og
hættulegri, þegar hitt verður of hversdagslegt. Og
þegar þar á ofan er haft í huga það samnorræna
einkenni, sem Islendingar hafa i sérlega ríkum
mæli, að misnota sem gróflegast hverskyns
nautnalyf, allt niður i kaffi, þá verður að ætla
þann grun rökstuddan að eiturlyfin gætu orðið
jafnvel enn meiri skaðvaldar hér hjá okkur en
þau hafa gerzt víða erlendis.
Eiturlyfin hafa þegar í nokkur ár verið ofar-
lega á baugi i Danmörku og Svíþjóð, og nú eru
þau komin til Noregs, svo ekki verður um villzt.
Herma fregnir að margir norskir unglingar hafi
farið illa út úr neyzlu eiturlyfja, eins og hrylli-
kvikmynd, sem nýlega var gerð þar í landi um
afleiðingar þessarar nautnar, gefur til kynna. I
Noregi telja margir að kæruleysi það, sem yfir-
völd og almenningur í landinu lengi sýndu mál-
inu, hafi auðveldað mjög útbreiðslu eiturlyfj-
anna.
Hér er um að ræða vandamál, sem þarf að
fjalla um án ofboðs og ofstækis, en gefa engu
að síður fullan gaum að og taka föstum tökum.
dþ.
VIKAN
Útgcfandi Hilmir hf. Ritstjóri: Gylfi
Gröndal. Blaðamenn: Dagur Þorleifsson og Ómar
Vaidimarsson. Útlitsteikning: Halldóra Halldórsdótt-
ir. Auglýsingastjóri: Jensína Karlsdóttir. — Rit-
stjórn, auglýsingar, afgreiðsla og dreifing: Skip-
holti 33. Símar 35320 — 35323. Pósthólf: 533. Verð
í lausasölu kr. 50.00. Áskriftarverð er 475 kr. fyrir
13 tölublöð ársfjórðungslega, 900 kr. fyrir 26 tölu-
blöð mlssirislega. Áskriftargjaidið greiðist fyrirfram.
Gjalddagar eru: Nóvember, febrúar, mai og ágúst.
48 tbl VIKAN 3