Vikan - 26.02.1970, Page 13

HVERT
ER
ÁLIT
ÞEIRRA?
YIKAN leitaði álits hjá
nokkrum mönnum um hin
nýju efni, marijúana og
hashish og birtast svör
þeirra við spurningum okk-
ar hér á síðunni. Við rædd-
um við Eíling Edwald, lyf-
sölustjóra ríkisins, Arin-
björn Kolbeinsson, formann
Læknafélags Islands, Guð-
laug Bergmann, forstjóra
Karnabæjar, sem þekkir
manna bezt ungt fólk og
hefur dagleg samskipti við
það, og loks þrjá unga
dægurlagasöngvara og
átrúnaðargoð unga fólksins.
Tveir þeirra, Björgvin Hall-
dórsson og Jónas Jónsson,
eiga sæti í nýskipaðri nefnd,
sem boðaði blaðamenn á
sinn fund nýlega og ætlar að
berjast af öllu afli gegn út-
breiðslu þessara hættulegu
efna. Viðhorf og álit þessa
fólks er sannarlega athyglis-
vert og til fyrirmyndar, og
ekki er minna vert um
vitnisburð hinna, sem hafa
sérþekkingu til að bera á
þessum málum.
HÆTTULEG EFNI OG
HAFA EKKERT
LÆKNINGAGILDI
Erling Edwald,
lyfsölustjóri ríkisins:
Neyzla þessara efna, marijú-
ana og hashish, sem ekki er rétt
að nefna lyf, er hættuleg, þar
sem hún veldur skynvillum og
ofskynjunum.
Enginn vafi er á því, að þau
eru vanamyndandi og að visst
orsakasamband er á milli neyzlu
þeirra og síðan neyzlu annarra
ávana- og fíknilyfja, eins og til
dæmis heróíns. Orsakasamband
þetta er talið meira en á milli
áfengisneyzlu og síðari neyzlu
sömu lyfja.
Ef sala þessara efna yrði leyfð
hér á landi, hefði það í för með
sér ófyrirsjáanlegar afleiðing-
ar, og þegar það er jafnframt
haft í huga, að þau hafa ekkert
lækningagildi, er augljóst, að
ekkert mælir með því, heldur
þvert á móti.
VINN AF ÖLLU AFLI
GEGN ÞESSUM
LYFJUM
Björgvin Halldórsson,
hljóðfæraleikari:
Án allra tvímæla tel ég þessi
lyf, marijúana og hashish, hættu-
leg, og ég hef strengt þess heit
að vinna á móti útbreiðslu þeirra
af öllum krafti. Mér finnst það
ákaflega hæpið, að þetta eigi er-
indi hingað og allra sízt eftir að
það hefur frétzt, að yfirgnæfandi
meirihluti þess magns sem hing-
að kemur, er blandaður ópíötum.
Ég hef ekki kynnt mér löggjöf-
ina um þessi mál nægilega vel
til þess að geta farið út í hvert
einstakt atriði, en í heild held
ég, að hún sé of ströng og þar
að auki tel ég varla tímabært
að setja slíka löggjöf hér. Held-
ur ætti að beina öllu afli í þá
átt að fræða fólk um áhrif og
skaðsemi lyfjanna og síðan get-
ur hver tekið eigin afstöðu.
EF ÞAÐ ER EITTHVERT
VANDAMÁL, ER ÞAÐ
STÓRT VANDAMÁL
Arinbjörn Kolbeinsson,
formaður Læknafélags íslands:
Marijúana og hasis verða að
teljast skaðleg efni, bæði frá
sjónarmiði einstaklingsins og
þjóðfélagsheildarinnar. Sumir
verða háðir þessum lyfjum og
það er enginn vafi á því, að þeir
sem neyta þeirra, geta beðið
heilsutjón, sem ekki verður bætt.
Og enginn veit fyrirfram, þegar
hann byrjar að neyta þessara
efna, hvort hann verður háður
þeim eða ekki. Því ber að banna
sölu á þeim með öllum tiltækum
ráðum. Mér er persónulega
ókunnugt um, hvernig ástandið
er hér á landi, en mér skilst,
að hér sé um eitthvert vandamál
að ræða, og þá er það þegar stórt
vandamál, sem verður að berjast
gegn af alefli.
BEZT AÐ VERA LAUS
VIÐ ÖLL HÆTTULEG
NAUTNALYF
Jóhann G. Jóhannsson,
hljóðfæraleikari:
Nokkrir vísindamenn, sem
rannsakað hafa efnið cannabis,
sem marijúana og hasish eru
unnin úr, eru víst þeirrar skoð-
unar, að neyzla þeirra sé skaða-
minni en neyzla alkóhóls. Ég vil
ekki gerast svo þröngsýnn að
fullyrða, að maðurinn geti ekki
uppgötvað hentugra nautnalyf
en alkóhól, sem af mörgum er
talinn einn mesti bölvaldur
mannkynsins.
Nei, mér finnst það frekar
líklegt og er því fylgjandi, að
maðurinn reyni að uppgötva
skaðminni lyf, sem komi þá í
stað neyzlu alkóhóls. Hitt er svo
annað mál, að ég tel lang œski-
legast og bezt jyrir mannkynið
í heild, að vera laust við öll þau
nautnályj, sem haja einhverja
hœttu x jör með sér.
DREIFING LYFJANNA
ER í HÖNDUM
GLÆPAMANNA
Guðlaugur Bergmann, forstjóri
Karnabæjar:
Að mínum dómi vofir geig-
vænleg hætta yfir íslenzkri
æsku, og ég treysti henni til að
hrista af sér þetta eiturský og
losa sig við þessa svokölluðu
„vini“ sína, sem látast vera að
útvega henni „eitthvað spenn-
andi.“
Því hefur verið haldið mjög á
lofti meðal þeirra, sem neyta
þessara lyfja hér á landi, að þau
séu með öllu hættulaus. Þetta
eru staðlausir stajir. Þeir sem
breiða út slíkan orðróm eru
stórhættulegir samfélaginu.
Sú staðreynd ein, að dreifing
þessara lyfja er í höndum glæpa-
manna, ætti að vera nóg tilefni
til þess að allir tækju höndum
saman og hristu þennan ófögnuð
af sér.
ÞETTA VERÐUR AÐ
TAKA STERKUM
TÖKUM
Jónas Jónsson,
hl j óðfæraleikari:
Ég tel, að það ætti að vera
nægileg sönnun fyrir afstöðu
minni til þessara mála, að hug-
myndin að gera baráttuna gegn
eiturlyfjum að mottói fegurðar-
samkeppni unga fólksins, var
einmitt runnin frá mér.
Löggjöfin er nokkuð góð, en ég
sé alls ekki fram á, að hægt verði
að framfylgja henni á neinn
hátt. Þegar ekki eru einu sinni
til tugthús fyrir þá raunveru-
legu glæpamenn sem hér eru,
hvar á að setja þessa vesalinga,
sem hafa haft cannabis undir
höndum. Nei, ég tel það ekki
glæp að neyta lyfsins, en ég tel
það svívirðilegan glæp að dreifa
því blönduðu ópíötum. Þetta
verður að taka sterkum tökum,
svo ástandið hér verði ekki eins
og á hinum Norðurlöndunum.
9. íbi. vikan 13