Vikan - 26.02.1970, Side 47

Manhattan í ísnum þar sem hann var þykkastur. Vísindamcnnirnir, sem voru
með því, brugðu sér oftsinnis út á ísinn til athugana.
Eitt af mestu keppikeflum sæfara fyrri
tíma var að komast Norðvesturleiðina, það
er að seg-ja norður fyrir Ameríku milli At-
Iantshaf og Kyrrahafs. Margir hraustir menn
létu líf sitt í ísnum á þessari leið, án þess að
mikill árangur næðist. Olían sem fannst í
Alaska hefur á ný gert leið þessa mikilvæga,
og hið tröllaukna bandaríska olíuskip Man-
hattan varð fyrst kaupskipa til að komast
hana.
j
— . " ,
jfp'' " I
,, . ™’ " ' '' " '' '' 1
Manhattan er hundrað og fimmtán þúsund
smálestir að stærð og stefni þess sérstaklega
byggt og hert með það fyrir augum að kljúfa
ís. Auk áhafnar var með i förinni hersing
vísindamanna og sérfræðinga um ís. Til-
gangur ferðarinnar var að sanna að hægt
væri að halda uppi árlegum flutningum sjó-
leiðis þessa leið, frá hinum nýfundnu olíu-
lindum við norðurströnd Alaska.
Manhattan hafði sér til fylgdar tvo ísbrjóta
og flutti nokkrar þyrlur til könnunar, og
eru þetta nokkuð meiri þægindi en John
Cabot og aðrir, sem reynt hafa að ryðjast
Norðvesturleiðina allt frá 1498, hafa getað
státað af. Þrátt fyrir þetta varð ferðin all-
erfið hjá Manhattan. Skipið varð að ryðjast
gegnum lagís, sem í hryggjum varð allt að
tólf metra þykkur. Það skemmdist talsvert,
en á tuttugasta og öðrum degi ferðar komst
það út á auðan sjó í Beaufortshafi.
Leið skipsins var alls fjórtán þúsund og
fjögur hundruð kílómetrar. Hún lá frá aust-
urströnd Bandarikjanna til Point Barrow á
Alaskaströnd, og þaðan aftur til Bandaríkj-
anna. Ferðin tók þrjá mánuði og kostaði
fjörutíu milljónir dollara.
Stefni Manhattans var sérstaklega byggt og brynjað með þessa ferð í huga.
Flest skip láta sér nægja einn skipstjóra, en Manhattan hefur þá þrjá. Hér
er einn þeirra að mæla út stöðu skipsins. Það varð að gera oft, því að mikill
hluti svæðisins þarna í hafísnum er enn illa kortlagður.