Vikan - 07.06.1979, Blaðsíða 62

PÓSTURIM
Hvern á að láta
sigla?
Kæri Póstur!
Ég hef einu sinni skrifað þér
áður og fékk skínandi svar og
ég vona að þetta fari á sömu
leið. Já, í vetur fór ég til
Akureyrar og skellti mér á
diskótek. Þar kynntist ég strák,
sem ég var með allt kvöldið, og
við urðum mjög góðir vinir (en
engin ást). Svo nú fyrir stuttu
fór ég með krökkum í partý og
kynntist mörgum krökkum og
krækti mér í einn og ég er að
deyja úr ást og hann er hrifinn
af mér. Nú bið ég þig, Póstur,
að hjálpa mér. Á ég að láta
hinn sigla?
Lovebird
Sannast sagna væri þér líklega
happadrýgst að brjóta sem
minnst heilann um þá báða og
snúa þér að öðrum áhugaefnum,
því þú ert enginn öldungur
ennþá. Á þínum aldri er það á
engan hátt æskilegt að festa ráð
sitt og þvi skaltu bara láta þér
nægja að minnsta kosti einn í
einu og gera þér grein fyrir að
það er fleira þýðingarmikið í
heiminum en samband við hitt
kynið.
Meðalgreindur
stvákur
Halló, halló.
Ég ætla að byrja á því að
taka það fram að ég er strákur,
er álitinn greindur í meðallagi
þannig að þér er óhætt að lesa
bréfið áfram án þess að setja
upp gervi-þolinmœðina. Þetta
er ekki eitt af þessum vælandi
bréfum frá stelpum sem ekkert
vita í sinn haus. Þegar ég verð
ástfanginn þá hringi ég í
draumadísina um leið og tæki-
færi gefst eða reyni við hana á
fyrsta balli eftir að ég er orðinn
ástfanginn. Síðan er ferðinni
heitið í bíó eða á einhvern
annan álíka gáfulegan stað og
þá er málinu yfirleitt reddað.
Segðu þessum grátbólgnu
„Júlíum" frá mér, að ef strák-
arnir eru hrifnir af þeim þá
reyni þeir við þær, og ef þeir
eru ekki hrifnir af þeim þá eru
þeir að spá í einhverja aðra og
vilja bara fá að vera í friði.
Annars var þetta nú eigin-
lega ekki erindið. Ég er með
spurningu í takinu, sem mér
þætti vænt um að fá svar við
(bannað að segja ohh, allir
þurfa að vinna fyrir kaupinu
sínu!!). Hér, þar sem ég á
heima, eru bílar keyptir og seldir
eins oggerist oggengur. En
núna um daginn þá keypti einn
strákur sér bíl, ofsa góða kerru,
en það sem mér þykir skrítnast
er að hann skuli fá leyfi til að
gera það, þegar allir vita að
hann er bara 15 ára! Hann
keypti bílinn sjálfur, það er
alveg öruggt. Ég held að hann
hafi lofað að keyra ekki bílinn
sjálfur, heldur fá alltaf stráka
með bílpróf til að gera það, en
þó vita allir að hann keyrir
kerruna auðvitað sjálfur.
Er þetta leyfdegt? Ef þetta er
leyfilegt til hvers er þá verið að
setja 17 ára takmörk á bíl-
prófið?
Bið að heilsa öllum þarna á
Vikunni og spurðu hann þarna
ritstjórann hvað varð af
Tœkniþættinum góða.
Kalli
Hjartanlega til hamingju með
meðalgreindina, Kalli minn,
vonandi að hún nýtist þér sem
best. Mikið hefur þú annars
gamaldags hugmyndir um sam-
skipti kynjanna. Er það ófrá-
víkjanlega karlmaðurinn, í
þínum huga, sem á að hafa
frumkvæðið? Að auki gætir þú
orðið nokkuð keimlíkur hinum
grátbólgnu „Júlíum” ef sú út-
valda segði þér að nú væri hún
að hugsa um að fara með
Gvendi á bíó í staðinn því henni
fyndist þú hafa of stórt nef og
ekki vera nógu líkur Travolta að
aftan.
Þá er að vinna fyrir kaupinu
sínu! Auðvitað getur enginn 15
ára strákur keypt sér bíl á eigin
nafni ef hann þarf að taka á sig
einhverjar fjárskuldbindingar i
því sambandi. En eftir að hann
Eg veit bara nafn
mannsins
Kæri Póstur.
Ég skrifa þér nú í fyrsta skipti og þá kem ég sko ekki
með neitt smávandamál.
Ég er á sextánda ári og fór í skemmtiferð til útlanda. Ég
byrjaði á því að fara á diskótek og var með strák sem var
21 árs. Hann fór með mér upp á hótelherbergi og þar skeði
óhappið. Þegar ég kom heim aftur átti ég að byrja með
blæðingar en ekkert gerðist. Ég fór til læknis og fékk þann
úrskurð að ég væri ófrísk. En vandamálið er að ég veit bara
nafn mannsins en ekki heimilisfang hans.
Ég er mikið á móti fóstureyðingum og get ekki gert sjálfri
mér né fóstrinu slíkt.Heldur þú að ráðuneytið geti hjálpað
mér eitthvað og ef ekki getur þú þá bent mér á eitthvað
sem gæti hjálpað mér? Með fyrirfram þökk fyrir birtinguna.
Ein að norðan.
P.S. Get ekki látið foreldra mína vita fyrr en ég veit hvar
maðurinn á heima.
Því miður er vinnslutími þessa blaðs svo langur að líklega
hefur þú ekki komist hjá því að láta foreldra þína vita allan
sannleikann í málinu nú þegar. Reyndar er það líka það eina
rétta eins og málum er nú háttað, því þau eru vafalaust þínir
mikilvægustu bandamenn í lífinu og þér því happadrýgst að
leita strax til þeirra í öllum meiriháttar erfiðleikum.
Áður en þú framkvæmir nokkuð vanhugsað, svo sem að
reyna að hafa uppi á manninum, ættir þú að hugleiða vand-
lega hvað þú í rauninni vilt og hvað skynsamlegast er í tilviki
sem þessu. Ertu til dæmis viss um að þú verðir nokkru bættari
þótt þú hafir uppi á manninum? Það getur satt að segja verið
mjög vafasamt, en í þvi efni verður þú að fara eftir því sem
þér sjálfri finnst mikilvægt. Finnist þér það nauðsynlegt
sjálfrar þín vegna og barnsins ættir þú að herða upp hugann
og hefjast handa, en gerðu þér jafnfram grein fyrir að það
verður ekki framkvæmt átakalaust. Þú gætir leitað til breska
sendiráðsins hér í Reykjavík og beðið þá um aðstoð og hafir
þú farið í þessa ferð með einhverri ferðaskrifstofu gæti hún ef
til vill líka hjálpað. Sennilega hefur viðkomandi ferðaskrif-
stofa á sínum snærum fararstjóra, sem eiga leið um þessar
slóðir nokkuð reglulega og þar væri ef til vill að finna ein-
hverja hjálp í leitinni að föðurnum. Þrátt fyrir að hann finnist
ekki eru þér alls ekki allar bjargir bannaðar. Til dæmis fengir
þú barnalífeyri frá Tryggingastofnuninni eftir sem áður. Þetta
verður þér örugglega ekki dans á rósum svo nú reynir á að þú
sýnir allan þann skapstyrk sem þú hefur yfir að ráða og
gleymir ekki að það sem getur reynst þér næstum óbærilegt í
dag virðist næsta broslegt nokkrum árum síðar.
er orðinn 16 ára má hann
ráðstafa þeim peningum, sem
hann vinnur sér inn, að eigin
geðþótta. Eftir sem áður getur
hann ekki sjálfur tekið á sig
víxlabyrði og fleira sem oftast
fylgir bílakaupum. Þá þarf hann
að hafa einhvern fullorðinn
ábyrgðarmann, en nægilegt væri
að tvítugur kunningi hans
skrifaði undir fyrir hans hönd.
Akstur tækisins er honum hins
vegar stranglega bannaður og ef
slíkt kæmist upp sæti hann
illilega í súpunni. Hann verður
að bíða eftir því að verða 17 ára
og öll brot á þessum lögum eru
litin mjög alvarlegum augum.
Tækniþættirnir hafa verið í
hvíld um tíma en þeir eru
væntanlegir aftur á síðum
Vikunnar innan fárra vikna.
62 Vikan 23. tbl.