Vikan - 07.06.1979, Blaðsíða 11

þær ekki fáanlegar til að gefa upp hvað þær
kysu.
— í Hollandi segir maður aldrei öðrum
frá því hvað maður kýs, sögðu þær og
bættu svo við: — Við erum ekki hingað
komnar til að tala um stjórnmál og hvað þá
að taka þátt í þeim.
Vilt þú ganga í kiaustur?
— Frá því að klaustrið var stofnað
höfum við verið að bíða eftir því að einhver
íslensk stúlka myndi banka upp á hjá okkur
og beiðast vistar, en það hefur ekki gerst
enn.
— Hvernig myndi slíkt fara fram?
— Ef einhver stúlka óskaði eftir
inngöngu þá myndi hún byrja á því að
ganga í gegnum 6 mánaða reynslutímabil,
en þann tíma myndi hún ekki klæðast
nunnuklæðum heldur sérstökum serk og
verakölluð ungsystir. Að þessu 6 mánaða
reynslutimabili loknu tekur við annað
reynslutímabil, og fer lengd þess eftir
samkomulagi. Eftir það vinnur nunnan
nunnuheit sitt og lofar að vera fátæk, ógift
og hlýðin í hvívetna. Þetta nunnuheit er
til þriggja ára og að þeim tíma liðnum
vinnur nunnan endanlegt nunnuheit, — og
þá verður ekki aftur snúið.
Yfirmaður nunnuklausturs er nefnd
príorinna og er hún kosin til þriggja ára í
senn lýðræðislegri kosningu innan
klaustursins. Þær systir Veronika og systir
Miriam hafa báðar verið príorinnur en
núverandi príorinna heitir systir Agnes og
hana sáum við aldrei.
— Sakna nunnurnar aldrei heimalands
síns?
— Nei, ekki þá nema blómanna og allra
túlipananna í Hollandi, en víðáttan hér á
íslandi hefur einnig sína töfra, bæta þær
við einum rómi.
Nú voru nunnurnar orðnar óþreyju-
fullar enda vorum við búnir að stela af
þeim bæði íslenskutíma sem vera átti
klukkan 14.30 og vinnutíma frá 15.00-
16.30 þannig að okkur var ekki lengur til
setunnar boðið. Næsta atriði á dagskrá
þeirra var „bænir og söngur” og af því
vildu þær ómögulega missa.
Og þarna stóðu þessar ágætu nunnur á
tröppum klausturs síns og veifuðu til okkar
í kveðjuskyni og ekki var laust við að þær
sjálfar væru töfrandi í hreinleik sínum og
sakleysi, líkt og víðátta íslands.
EJ
Ljósm.: Jim Smart.

1

Dagskrá
Hér á eftir fer dagskrá nunnanna í
karmelítaklaustrinu í Hafnarfirði. Eftir
henni er farið alla daga, hvernig sem viðrar,
nema hvað á sunnudögum þá breytast
dagskrárliðir sem merktir eru „vinna” í
„frítími”.
5.45 Fariðáfætur.
6.15 Bænastund.
6.30- 7.30 Nunnurnar koma saman í
kórnum og hugsa um Guð.
7.30- 8.00 Tekið til og hreinsað.
8.00- 8.30 Messa. Kaþólskur prestur
messar.
8.30- 9.00 Morgunmatur. Yfirleitt
aðeins brauðsneið m/osti.
9.00-11.00 Vinna. Innrömmun og ýmis-
legt annað dundur.
11.00-11.30 Sálmur.
11.30- 12.00 Matur. í hádeginu er alltaf
heit máltíð.
12.00-13.30 Nunnurnar ræða saman og
ganga sér til hressingar í
garðinum.
13.30- 14.00 Vinna. Innrömmun og þess
háttar.
14.00-14.30. Andlegar bókmenntir.
14.30- 15.00 íslenska (sjálfsnám).
15.00-16.30 Vinna.
16.30- 17.00 Söngur og bænir.
17.00-18.00 Hugleiðing.
18.00-18.30 Kvöldverður. Á kvöldin er
kaldur matur.
18.30- 19.30 Samkomustund. Þá ræða
nunnurnarsaman.
19.30- 20.00 Bænahald með söng.
20.00-21.00 Frítími. Hver nunna ræður þá
tíma sínum, hver í sínu
herbergi.
21.00 Sálmur og bænahald, — síð-
an er gengið til náða.
Klukkan 5.45 daginn eftir hefst dagurinn
á nákvæmlega sama hátt og áður, og
þannig gengur þetta allt frá því að nunnan
vinnur nunnuheit sitt og þar til hún deyr
drottni sinum, þeim hinum sama og hún
hefur helgað líf sitt. Slíkt fólk getur ekki
óttastdauðann. EJ
:V.

23. tbl. Vikan II