Vikan - 23.08.1979, Blaðsíða 34

Bleikur litur í draumi
Kæri draumráöandi!
Mig langar að skrifa þér heljarmikiö
bréf og biðja þig um að vera svo vænn
að birta það ekki allt, aðeins hluta af
því eða ekkert. Ef þú vildir vera svo
elskulegur yrði ég þér mjög þakklát.
Fyrst langar mig að segja þér að mig
hefur ansi oft dreymt fyrir dauðsfaUi
og þá er það ævinlega bleikt. Síðast
dreymdi mig að ég klæddi litla stúlku I
bleika hettupeysu og hún dó tveimur
mánuðum seinna. Ég er mjög áhyggju-
full núna, svo að ég ætla að rifja þetta
upp ef ske kynni að eitthvert samhengi
kynni að vera milli drauma. Mig
dreymdi þetta fjóra daga í röð. Sá
fyrsti: Mérfannst ég vera í rauðum
bíl og er aö tala við mann sem við
skulum kalla X. Hann sagði: „Mig
langar að taka þig aö mér en ég get
það ekki af því að þú átt þrjú stykki, ”
hann átti við börnin mín. Síðan förum
við heim og þá segir hann mér að
setja alla skartgripina í skúffu sem
maðurinn minn hafði gefð mér, köll-
um hann Z. Ég geri það, en tek upp
giftingarhringinn og segist vilja halda
honum. Þá er þetta hringur mannsins
mins. Mér bregður og segi mjög sorg-
mædd: „Hann hefur verið búinn að
taka sinn niður. ” Síðan tek ég hann
niður, set minn upp og segi: „Eg ætla
að bera hann. ”
Næsti var þannig að ég var að máta
bleikt pils, sem öllum fannst alltof
bleikt til að ég gæti gengið í því.
Þriðji: Mér fannst ég vera að búa
um hjónarúmið, teppið var bleikl og
ég var að hugsa um aö henda því, af
því að það væri svo Ijótt.
/ fjórða draumnum var ég stödd í
húsi og var ég með veislu, ég veit ekki
i sambandi við hvað. Það komu þarna
stelpur sem vinna með manninum
mínum og voru alltaf að spyrja um
hann. Eg gat ekki svarað þeim því ég
vissi ekki hvar hann var. Síðan fór ég
fram, þar sátu menn við borð, sem ég
kannaðist ekki við. Einn þeirra átti
dagheimili fyrir börn, hann segist geta
tekið börnin svo ég gæti unnið. Verst
væri með þá yngstu því hún sé bara 5
mánaða, en hann skuli reyna ef ég
vilji. Síðan fór ég og opnaði eldhús-
dyrnar til að ná I kökur fyrir fólkið, en
þá var þar allt fullt af hjartalaga
kökum með sultu á milli og bleiku
glassúri ofan á. Það er rúm vika síðan
mig dreymdi þetta, en I nótt dreymdi
mig að ég væri að klæða litla stúlku í
bleikan kjól.
Mig
dreymdi
Jæja, kæri draumráðandi, mikið yrði
ég fegin ef þú getur ráðið þetta, ég bið
þig þó að draga ekkert undan. Afsak-
aðu lélega skrift, en ég hef alltaf skrif-
að illa.
Guð blessi þig, Ein berdreymin.
Þú skalt alls ekki hafa miklar áhyggjur
af því þótt bleikum lit bregði fyrir í
draumum þínum. Það er útbreiddur
misskilningur að bleikur litur í draumi
boði dauða. 1 raun og veru tákna litir
ekki alltaf það sama í draumi og
draumráðendum ber alls ekki saman
um tákn lita í ýmsum tilvikum.
Gulbleikur litur getur t.d. táknað
hættu eða dauða, en þó boðar hann
oft ungum stúlkum giftingu. Bleikur
litur getur líka boðað einstakan árang-
ur í starfi eða námi og mikla upphefð
á fleiri en einu sviði. Líklega eru þessir
draumar að einhverju leyti tengdir ótta
þínum í vökunni við að bleikur litur í
draumi tákni dauða og tilvera barna
þinna í draumunum er aðeins ótti þinn
við að eitthvað slæmt hendi þau í vök-
unni. Draumar þessir eru ekki ýkja
marktækir og þú skalt hafa í huga að
oft eru slæmir draumar fyrir litlu efni.
Hann lifir ekki lengi
Kæri draumráðandi!
Mig langar til að biðja þig um ráðn-
ingu á draum sem mig dreymdi. Mér
fannst ég vera heima hjá manni sem
ég er með. Bræður hans tveir og mág-
kona hans voru þarna líka. Móðir
hans býr þarna (ég hef aldrei séð hana
en við erum nöfnur), hún var þarna
líka. Mér fannst hann vera veikur og
læknir vœri inni hjá honum. Svo
kemur læknirinn fram og mér finnst
hann kalla nafnið mitt, en móðir hans
fer inn til hahs. Svo kemur hún fram
og segir að hann sé að kalla á mig.
Læknirinn segir þetta heilablæðingu og
að ekkert sé hægt að gera. Þá spyr
móðir hans mig hvort ég geti hugsað
um hann. Eg segi: „Já, auðvitað. ” Þá
segir hún að það sé best að við
verðum gefin saman, svo að ég verði
erfingi hans, því hann lifi ekki lengi.
Eg fer nú inn til hans, því hann var
ennþá að kalla á mig, biðja mig að
vera hjá sér, en ekki fara. Mér fannst
hann sitj'á uppi í sjúkrarúmi. Hann var
í hvítum náttjakka og allt var svo
hreint og fmt þar inni. Eg yrði mjög
fegin ef þú gætir ráðið þennan draum
fyrir mig.
Með fyrirfram þökk. 5746—8327.
Líklega er þarna um að ræða fyrirboða
giftingar og ákveðin tákn í draumnum
benda frekar til þess að þar sé um gift-
ingu ykkar tveggja að ræða. Aðrir at-
burðir tákna einungis langlífi og góða
heilsu þessa kunningja þins og líklega
verða einhver skyndileg umskipti á
umhverfi ykkar beggja tengd þessum
atburðum.
Stuldur í draumi
Kæri draumráðandi!
Mig langar að láta þig ráða draum
sem mig dreymdi fyrir stuttu. Mig
dreymdi að ég væri heima hjá bræðr-
um mínum og þeir segja mér að pabbi
vilji tala við mig, en ég neitaði. Eg fer
til pabba og hann segir við mig að ég
hafi stolið brúnum kjól sem ég hef
aldrei séð áður og að ég hafi líka stolið
litlum sokkapörum. Eg mundi ekki
eftir þeim fyrst, en svo sagði ég að
Skúli Berg hefði gefið mér þá. Eg ætl-
aði að hlaupa í burtu og öskraði.
Pabbi og mamma (éh þau eru skilin)
reyndu að ná mér en þau gátu það
ekki, strætisvagn stoppaði, fólk kom úr
strœtó og ég hljóp í fangið á einhverri
konu. Hún hljóp með mig í burtu, við
duttum niður rör og hún sagði: „Eg er
búin að ná þér fyrir hann pabba þinn. ”
Eg þakka,
Þ.H.
Stundarerfiðleikar eru á samskiptum
ykkar feðginanna, en auðvelt ætti að
vera að lagfæra það, sé nægur vilji
fyrir hendi af beggja hálfu. Fram-
kvæmdu ekkert það sem þú ekki gætir
viðurkennt hreinskilnislega frammi
fyrir foreldrum þínum og ef til vill
verða þessir erfiðleikar ykkar liðnir
hjá, þegar þetta kemst á prent.
34 Vikan 34- tbl.