Vikan - 13.09.1979, Qupperneq 12

Jónas Kristjánsson skrifar frá
Grikklandi: 5. grein
Á ekta tavernu og
hjá vini Valdísar
Forðist neon og rafeinda-
magnara
Erfitt er orðið að finna ekta, gríska
tavernu i Plaka, skemmtanahverfi
Aþenu. Þetta gamla hverfi frá tyrknesk-
um tíma hefur orðið neonljósum og
rafeindamögnurum að bráð. Og túrist-
inn er orðinn að einkennisdýri
svæðisins.
Ein elsta tavernan í Plaka heldur þó í
uppruna sinn, enda meira sótt af vel
stæðum Aþeningum en unglingum og
túristum. Samt er hún ódýrari en aðrar
tavernur, sem ég þekki í Plaka. Þetta er
tavernan Xinú í Anjelú Jeronta 4
(Angelov Geronta 4).
Xinú er opin frá átta á kvöldin alla
daga nema sunnudaga. Skynsamlegt er að
panta borð í síma 3221-065. Þar með er
ekki sopið kálið, því að mjög erfitt er að
finna tavernuna.
Við hjónin vorum búin að ganga
Anjelú Jeronta fram og aftur í tvigang,
þegar við komum loksins auga á lítið
skilti i sundi að húsabaki. Við fórum þar
inn um garðdyr og vorum komin í Xinú.
Þarna sátu þrír alvörugefnir, miðaldra
menn og spiluðu á gítara fyrir gesti. Allt
voru það angurvær, grisk lög, ekki síst
eftir Þeodorakis, sem frægur er fyrir
Sorba. Og sem betur fer þurftu þeir ekki
á neinum andstyggðar mögnurum að
halda.
Bekkurinn var þéttsetinn í garðinum.
Virtust mér það allt vera Grikkir.
Annaðhvort vorum við hjónin einu
ferðamennirnir á staðnum eða þá, að
hinir voru af því ágæta tagi, sem falla
inn í myndina, hvar sem þeir koma.
Stundum gengu listamennirnir um
garðinn og fengu fólk til að syngja með
sér, á grísku auðvitað. Enginn fór samt
að dansa syrtaki uppi á borði né brjóta
diska, enda held ég, að slíkt sé mest gert
til að gleðja túrista.
Gestirnir sátu aðallega í garðinum, en
þar að auki voru þrjú veitingaherbergi i
kofanum, þar sem eldhúsið var. I sölun-
um voru lágmyndir á veggjum. 1
garðinum voru stólar og borð beint á
mölinni.
Blessaðir stólarnir voru með tágaset-
um, en ekki hinu svitaframleiðandi
plasti, sem tröllríður Grikklandi. Ég var
því ekki rassblautur, þegar ég stóð upp
að lokum.
Fastagestir elska matinn
Xinú er ekki frægt fyrir neitt af því,
sem hér hefur verið talið upp. Það er af
öðrum ástæðum, að tavernan hefur
stóran hóp fastra viðskiptavina. Hún
hefur nefnilega betri mat en flestar aðrar
tavernur.
Við fengum okkur hefðbundinn mat á
Xinú, MÚSSAKA, ÐOLMAÐES,
Stfna w
og Stjáni
12 Vikan 37- tbl.