Vikan - 13.09.1979, Síða 31

Konur taka völdín /
Brunaliðinu
Miklar breytingar hafa orðið á skipan
manna í hljómsveitinni Brunaliðið, sem
nýverið lauk hljómleikaferð sinni um
landið. Fór sveitin eins og eldur í sinu
um og var hvarvetna vel tekið, eins og
segir í annálum.
Samfara mannabreytingunum er það
samdóma álit manna, að miklar
breytingar hafi orðið á tónlistarflutning-
num, mikið lagt upp úr kvenröddum
enda að vonum. Söngkonur Bruna-
liðsins eru hvorki meira né minna en
fjórar talsins.
Ragnhildur Gísladóttir, hin gamal-
kunna söngkona og tónlistarmaður, er
enn dyggur liðsmaður, en til viðbótar
eru komnar til sögunnar þrjár norð-
lenskar söngkonur, þær Eva Alberts-
dóttir, Erna Þórarinsdóttir og Erna
Gunnarsdóttir. Þær sungu áður með
hljómsveitinni Hver fyrir norðan, en sú
hljómsveit var stofnuð í Menntaskólan-
um á Akureyri.
Auk stúlknanna eru í hljómsveitinni
þeir Pálmi Gunnarsson (bassi) og
Magnús Kjartansson (hljómborð) en
þeir voru ásamt Ragnhildi í upphaflegu
útgáfunni af Brunaliðinu.
Trommuleikari er enginn ákveðinn,
né heldur gítarleikari, en á hljómleika-
ferðinni, sem er nýlokið eins og áður
sagði, sló breski trommuleikarinn Jeff
Seopardie taktinn og Birgir Hrafnsson
lék á gítar.
Á meðan á hljómleikaferðinni stóð,
kom út nýjasta plata Brunaliðsms,
Útkall. Á plötunni eru níu lög, öll ís-
lensk samin af liðsmönnum hljómsveit-
arinnar og þeim Jóhanni G. Jóhanns-
syni og Jóhanni Heigasyni.
Glöggiega K.emur fram á þeirri plötu,
að mikil áhersla er lögð á fágaðan söng,
enda af nægum röddum að taka.
Fjöldi kunnra tónlistarmanna
aðstoðuðu Brunaliðið við gerð plöt-
unnar. Má þar nefna Jeff Seopardie
trommuleikara og Friðrik Karlsson
gítarleikara, en hann annaðist allan
gítarleik á plötunni nema í einu lagi þar
sem Björgvin Gíslason kom til
skjalanna. Lúðrablástur önnuðust þeir
Kristinn Svavarsson, Magnús Kjartans-
son, Andrés Helgason og Ingvi Jón
Kjartansson.
hp.
37. tbl. Vikan 31