Vikan - 20.12.1984, Qupperneq 5

Stjörnuskreyttir könglar
Ekkert á eins vel heima á jólatré og einmitt könglar. Til þess að færa þá í jólalegri
búning hafa þeir oft verið málaðir eða úðaðir gylltir og silfraðir og síðan stráð yfir
þá glimmer. En hér er önnur hugmynd. Marglitar stjörnur fást í örkum í bókabúðum.
Því ekki að líma þær á könglana eins og þeir koma fyrir? Til þess að fá fallegri gljáa
á könglana má einnig lakka þá með glæru lakki áður en stjörnurnar eru límdar á þá.
°
v
Gullfuglaóróinn
Þessi fallegi órói gefur frá sér skemmtilega birtu á jólunum þegar kertaljósin
endurspeglast í gullpappírnum. Hringurinn er klipptur út úr hvítu kartoni en fuglarn-
ir úr gullpappír sem fæst í rúllum. Gerið helmingi fleiri fugla en þið ætlið að nota í
óróann því hver fugl er tvöfaldur. Hægt er að leggja spotta á milli laga áður en þið
límið helmingana saman. Einnig er hægt að gera lítið gat á vængi og festa böndin
þar í. Hér eru sex fuglar límdir á hringinn, tveir hanga inni í honum og þrír neðan í
honum. Auðvitað má hafa fleiri eða færri eftir því sem hentar.
Jólakarfan skrautlega
Yfirleitt raða menn jólagjöfunum undir jólatréð eða á einn stað nálægt því. En þvi
ekki að setja gjafir hvers og eins í svona fallega körfu? Þá á hver sinn lit og síðan
má nota körfuna undir pappír og borða sem á að fleygja eftir að búið er að taka alla
pakkana upp!
45. tbl. Vikan s